Իսրայելական ավիացիան Սիրիայի տարածքին հարված է հասցրել, որի նպատակը «Հըզբոլլահ»-ի ռազմական խմբավորման մասնակցի ոչնչացումն է եղել։ Իսրայելի բանակի մամուլի ծառայության տվյալներով՝ ավելի վաղ Իսրայելի ռազմաօդային ուժերը հարձակվել և ոչնչացրել են Ազամ Ջահութին՝ Էլ-Քունեյթրա քաղաքի տարածքում։
Համաձայն զինվորականների տվյալների՝ վերջինս գործել է Գոլանի բարձունքներում՝ տեղական «ահաբեկչական ցանցի» կազմում, որն, ըստ իսրայելական աղբյուրների, Սիրիայում «Հըզբոլլահ»-ի «ահաբեկչական բջիջ» է։
Իսրայելական ավիացիան նաև հարվածել է Լիբանանի հարավի բնակավայրերից մեկի փրկարար ծառայության կենտրոնի ուղղությամբ, 7 փրկարար զոհվել է։