ԱՄՆ նախագահ Դոնալդ Թրամփը հայտարարել է կեսգիշերին ուժի մեջ մտած բոլոր «փոխադարձ» մաքսատուրքերի եռամսյա լիարժեք դադարի մասին։ Բացառություն է կազմում միայն Չինաստանը․ աշխարհի մակարդակով երկրորդ մեծ տնտեսությունն ունեցող այս երկրի համար կպահպանվեն բարձր սակագները։ Այդ մասին հայտնել է CNN-ը։
Թրամփը հայտնել է, որ մաքսատուրքը 104 տոկոսից կհասնի 125-ի՝ այն բանից հետո, երբ Չինաստանը հայտարարել է ԱՄՆ-ի դեմ լրացուցիչ պատասխան տուրքերի կիրառման մասին։
«Ելնելով այն ոչ հարգալից վերաբերմունքից, որ Չինաստանը ցուցաբերեց համաշխարհային շուկաների նկատմամբ, ես ներկայում բարձրացնում եմ ԱՄՆ — Չինաստան առևտրային հարաբերություններում գործող մաքսատուրքը՝ հասցնելով 125 տոկոսի․ որոշումն ուժի մեջ է մտնում անմիջապես»,- նշել է Թրամփը՝ հավելելով, թե հուսով է՝ մոտ ապագայում, Չինաստանը կգիտակցի, որ «ԱՄՆ և այլ երկրների թալանն այլևս ընդունելի չէ»։
Միաժամանակ նա հայտարարել է, որ Չինաստանը նույնպես ցանկանում է բանակցել մաքսատուրքերի հարցով։