ԼՂ Առողջապահության նախարարությունից տեղեկացնում են, որ այսօր՝ սեպտեմբերի 1-ին, ԼՂ առողջապահության նախարարության «Հանրապետական բժշկական կենտրոն» ՓԲԸ-ից 11 բուժառու՝ ուղեկցողների հետ միասին, անհետաձգելի մասնագիտացված բժշկական օգնություն ստանալու համար, Կարմիր խաչի միջազգային կոմիտեի միջնորդությամբ և ուղեկցությամբ տեղափոխվել են ՀՀ մասնագիտացված բժշկական կենտրոններ։   «Նախատեսվում է օրվա ընթացքում ԿԽՄԿ մեքենաներով Արցախ վերադարձնել 4 բուժառուի, ովքեր ժամանակին պետական պատվերի…

Վրաստանի իշխող «Վրացական երազանք-Ժողովրդավարական Վրաստան» կուսակցությունը նախագահ Սալոմե Զուրաբիշվիլու դեմ իմփիչմենթի գործընթաց է սկսում նրա՝ Եվրոպա մեկնելու պատճառով, չնայած կառավարության մերժմանը։ Այդ մասին ճեպազրույցում հայտարարել է կուսակցության նախագահ Իրակլի Կոբախիձեն։ «Իմպիչմենթն ավարտին հասցնելու համար անհրաժեշտ է 100 պատգամավորի աջակցություն, և, հետևաբար, առանց արմատական ​​ընդդիմության ձայների, այն իրականացման հեռանկար չունի: Չնայած դրան՝ կուսակցության քաղաքական խորհրդի նիստում…

Ադրբեջանի ԱԳ նախարարությունն արձագանքել է ԱՄՆ պետքարտուղարության հայտարարությանը, որով այն մտահոգություն է հայտնում Լեռնային Ղարաբաղում պարենի, դեղորայքի և արժանապատիվ գոյության համար անհրաժեշտ այլ ապրանքների մատակարարման շարունակական արգելափակման հետևանքով հումանիտար իրավիճակի վատթարացմամբ: Ադրբեջանի ԱԳՆ խոսնակ Այխան Հաջիզադեն «անընդունելի» է որակել Լեռնային Ղարաբաղի շրջափակման մասին պնդումները՝ նշելով, թե Ադրբեջանը մի շարք առաջարկներ է ներկայացրել, իսկ Լաչինի միջանցքում…

Ի լրումն սույն թվականի օգոստոսի 28-ին տարածած տեղեկատվության՝  ԼՂ քննչական կոմիտեից հայտնում են, որ նախագահի նստավայրում հնչած կրակոցների դեպքով ենթադրյալ հանցագործություն կատարած և ձերբակալված 1981, 1983 թվականներին ծնված կասկածյալները որպես մեղադրյալ են ներգրավվել և նրանց մեղադրանք է առաջադրվել ԼՂ քրեական օրենսգրքի 269-րդ հոդվածի 4-րդ մասով և 245-րդ հոդվածի 1-ին մասով նախատեսված հանցագործությունների կատարման համար:    ԼՂ…

Մոսկվայում հանդիպել են Ռուսաստանի և Թուրքիայի արտգործնախարարները: Հանդիպումից հետո Սերգեյ Լավրովը նշել է, որ հետաքրքրված են Հայաստանի և Թուրքիայի հարաբերությունների կարգավորմամբ, նաև ՌԴ, Հայաստանի ու Ադրբեջանի առաջնորդների պայմանավորվածությունների իրագործմամբ։ Ռուսաստանի արտգործնախարարը համոզմունք է հայտնել, որ Թուրքիան կառուցողական և օգտակար դեր կարող է ունենալ այս ջանքերում: Մանրամասները` Մերի Ներսիսյանի ռեպորտաժում:

ԱՄՆ-ը խորապես մտահոգված է Լեռնային Ղարաբաղում հումանիտար իրավիճակի վատթարացմամբ՝ պարենի, դեղորայքի և արժանապատիվ գոյության համար անհրաժեշտ այլ ապրանքների մատակարարման շարունակական արգելափակման հետևանքով: Այս մասին նշված է ԱՄՆ պետքարտուղարության խոսնակ Մեթյու Միլլերի հայտարարության մեջ: «Միացյալ Նահանգները վերջին մի քանի շաբաթվա ընթացքում շարունակաբար աշխատել է կողմերի հետ՝ ապահովելու մարդասիրական օգնության մատակարարումը Լեռնային Ղարաբաղի բնակչությանը: Մենք կրկնում ենք…

Ռուսաստանի արտաքին գործերի նախարարի տեղակալ Միխայիլ Գալուզինն այսօր ընդունել է ՌԴ-ում Հայաստանի արտակարգ և լիազոր դեսպան Վաղարշակ Հարությունյանին՝ հայտնել են ՌԴ ԱԳՆ-ից: «Հանգամանալից զրույցի ընթացքում քննարկվել են երկկողմ օրակարգի արդիական հարցեր, ինչպես նաև Ռուսաստանի, Հայաստանի և Ադրբեջանի ղեկավարների եռակողմ պայմանավորվածությունների հիման վրա հայ-ադրբեջանական կարգավորման հիմնախնդիրները»,- նշված է հաղորդագրության մեջ:

Միացյալ Թագավորության վարչապետ Ռիշի Սունակը պաշտպանության նոր նախարար է նշանակել էներգետիկ անվտանգության և կլիմայական չեզոքության նախարարի պաշտոնը զբաղեցնող Գրանտ Շեփսին: Այդ մասին նշված է վարչապետի գրասենյակի հաղորդագրության մեջ: Ավելի վաղ հաղորդվել էր, որ պաշտպանության նախարարության նախկին ղեկավար Բեն Ուոլեսը հրաժարական է ներկայացրել:

ԱՄՆ պետքարտուղարի Եվրոպայի և Եվրասիայի հարցերով օգնականի առաջին տեղակալ Յուրի Կիմն այսօր ընդունել է ԱՄՆ-ում Հայաստանի արտակարգ և լիազոր դեսպան Լիլիթ Մակունցին: «Վերահաստատվեց երկու երկրների ընդհանուր հանձնառությունը Լեռնային Ղարաբաղում հումանիտար իրավիճակի կարգավորման և ԱՄՆ-ի և Հայաստանի միջև երկկողմ հարաբերությունների առաջմղման հարցում»,- նշված է պետքարտուղարության Եվրոպայի և Եվրասիայի հարցերով բյուրոյի X-ի (նախկին Twitter-ի) միկրոբլոգում:

Մոսկվան կողմ է Անկարայի հետ փոխգործակցության խորացմանը տարբեր ուղղություններով, այդ թվում՝ Հարավային Կովկասում, և շահագրգռված է Թուրքիայի և Հայաստանի միջև հարաբերությունների կարգավորմամբ։ Այս մասին Թուրքիայի ԱԳ նախարար Հաքան Ֆիդանի հետ Մոսկվայում տեղի ունեցած հանդիպումից հետո հայտարարել է Ռուսաստանի ԱԳ նախարար Սերգեյ Լավրովը: «Մենք շահագրգռված ենք նաև բոլոր այն պայմանավորվածությունների իրականացմամբ, որոնք ձեռք են բերվել Ռուսաստանի,…

Ռուսաստանի հակաօդային պաշտպանության միջոցները այսօր կեսօրին խոցել են ուկրաինական հերթական անօդաչու թռչող սարքը՝ հայտնել են ՌՊ պաշտպանության նախարարությունից: «Հակաօդային պաշտպանության հերթապահ միջոցներով ուկրաինական անօդաչու թռչող սարքը ոչնչացվել է Բրյանսկի մարզի տարածքում»,- տեղեկացրել են գերատեսչությունից։ Բրյանսկի շրջանի նահանգապետ Ալեքսանդր Բոգոմազն էլ հայտարարել է, որ առավոտյան երեք անօդաչու թռչող սարք է խոցվել Բրյանսկի երկնքում:

Թուրքիայի արտգործնախարար Հաքան Ֆիդանը ժամանել է Մոսկվա, նրան ընդունել է Ռուսաստանի արտգործնախարար Սերգեյ Լավրովը: Այս մասին տեղեկացրել է ՌԴ ԱԳՆ խոսնակ Մարիա Զախարովան: Նախորդ շաբաթ Ֆիդանը այցելել էր Ուկրաինա։ Լրատվամիջոցների տվյալով՝ Թուրքիայի և Ռուսաստանի ԱԳ նախարարների բանակցությունների գլխավոր թեման հացահատիկի գործարքն է: Նշվում է, որ Ֆիդանի և Լավրովի բանակցությունների արդյունքները կներկայացվեն Թուրքիայի և Ռուսաստանի նախագահների…

Եվրախորհրդարանի պատգամավոր, Հայաստանի հարցերով զեկուցող Անդրեյ Կովաչևը «Արմենպրես»-ին տված հարցազրույցում կարծիք է հայտնել, որ Եվրամիությունը և Միացյալ Նահանգները պետք է ճնշում գործադրեն Ադրբեջանի վրա, որպեսզի վերջինս դադարեցնի Լաչինի միջանցքի արգելափակումը և ապահովի երկկողմանի ազատ տեղաշարժը։ Նրա խոսքով՝ Ադրբեջանի վարած քաղաքականությունը չի նպաստում վստահության մթնոլորտի ձևավորմանը և խաղաղության հաստատմանը: «Համապարփակ խաղաղության պայմանագիրը պետք է ներառի Հայաստանի …

Հարավաֆրիկյան Հանրապետության Յոհաննեսբուրգ քաղաքի բարձրահարկ շենքում բռնկված հրդեհի հետևանքով առնվազն 73 մարդ է զոհվել, ևս 52-ը վիրավորվել է։ Դեպքի վայրում շարունակվում են որոնողա-փրկարարական աշխատանքները: Նշվում է, որ զոհերի թիվը կարող է աճել: Տեղի իշխանությունները հայտնում են, որ հրդեհի պատճառները դեռևս անհայտ են, սակայն հրդեհը սկսվել է մոմի կամ գազի այրիչի բռնկման պատճառով:

Ադրբեջանի նախագահի օգնական Հիքմեթ Հաջիևը դժգոհություն է հայտնել Հայաստանի պետական բյուջեից Լեռնային Ղարաբաղին ավելի քան 360 միլիոն ԱՄՆ դոլարի չափով աջակցության կապակցությամբ։ Նա Հայաստանին մեղադրել է Լեռնային Ղարաբաղում շարունակվող ներկայության և Ադրբեջանի ներքին գործերին միջամտելու համար: Հաջիևը նշել է, որ Լեռնային Ղարաբաղի իշխանությունները խոչընդոտում են Աղդամի ճանապարհով Ադրբեջանական Կարմիր մահիկի հումանիտար օգնության տեղափոխմանը: Նա հնչեցրել…

Այսօր Ադրբեջանում հավատարմագրված դիվանագիտական կորպուսի ներկայացուցիչները և ռազմական կցորդները ճանաչողական այց են կատարել Աղդամ։ Լրատվամիջոցները հայտնում են, որ այցի մասնակիցները եղել են Աղդամ-Ասկերան-Ստեփանակերտ ճանապարհի այն հատվածում, որտեղ գտնվում են Ադրբեջանի Կարմիր մահիկի ընկերության բեռնատարները։ Ուղևորությանը մասնակցում է 60 մարդ ավելի քան 50 երկրից և միջազգային կազմակերպություններից, ինչպես նաև լրագրողներ:

Գերմանիայի կառավարությունը Վրաստանն ու Մոլդովան ներառել է անվտանգ երկրների ցանկում։ Որոշման նախագիծը ներկայացրել է Գերմանիայի ներքին գործերի նախարար Նենսի Ֆեսերը, և այն հավանության է արժանացել նախարարների կաբինետի կողմից։ Անվտանգ երկրների ցանկում ընդգրկվելը նշանակում է, որ այդ երկրների քաղաքացիների ապաստանի դիմումներն ավելի արագ ընթացք կստանան, իսկ մերժման դեպքում արտաքսման ընթացակարգն անհամեմատ կհեշտանա:

Գերմանիայի Դաշնային Հանրապետության Բունդեսթագի արտաքին հարաբերությունների հանձնաժողովի նախագահ Միխայել Ռոթը X-ի (նախկին Twitter-ի) իր միկրոբլոգում անդրադարձել է Լեռնային Ղարաբաղի շրջափակմանը: «Լեռնային Ղարաբաղում հումանիտար աղետի և էթնիկ զտման իրական վտանգ կա: Ադրբեջանն այսպիսով վտանգում է Հայաստան-Ադրբեջան խաղաղության փխրուն գործընթացը և անվտանգությունը Հարավային Կովկասում։ ԵՄ-ն և Գերմանիան չպետք է լռեն: Ադրբեջանը պետք է անհապաղ վերացնի շրջափակումը։ Մեզ…

Ֆրանսիայի Սենատի «Հանրապետական» խմբակցության ղեկավար Բրունո Ռետայոն X-ի (նախկին Twitter-ի) իր միկրոբլոգում լուսանկար է հրապարակել Լաչինի արգելափակված միջանցքից: «Կանգնելով արգելափակված Լաչինի միջանցքի առջև՝ ես կոչ եմ անում Ֆրանսիային ընդունել բանաձև՝ միջանցքը մարդասիրական նպատակներով անհապաղ բացելու մասին, որը փակել է ավտորիտար Ալիևը անցյալ տարվա դեկտեմբերին։ Պետք է վերջ դնել նրա վարած ցեղասպան քաղաքականությանը, որը դատապարտվել է…

Բաքվում Ֆրանսիայի դեսպան Անն Բուայոնին կանչել են Ադրբեջանի արտգործնախարարություն: Նրան բողոքի նոտա են հանձնել՝ կապված ֆրանսիացի պաշտոնյաների՝ Հայաստան կատարած այցի, Լեռնային Ղարաբաղի բնակչության համար հումանիտար օգնության նախաձեռնության և նրանց արած հայտարարությունների կապակցությամբ, որոնք ադրբեջանական կողմը «հայամետ» է որակել: Բուայոնին հայտնել են, թե «Ադրբեջանի ներքին գործերին միջամտելն» անընդունելի է։

Աննալենա Բերբոքը հայտարարել է, որ Լեռնային Ղարաբաղում իրավիճակը ներառված է Եվրամիության արտգործնախարարների ոչ պաշտոնական հանդիպման օրակարգում, որն ընթանում է Իսպանիայի Տոլեդո քաղաքում: «Իմ ֆրանսիացի գործընկեր Կատրին Կոլոննայի հետ ԱԳ նախարարների հանդիպման օրակարգում ներառել ենք նաև Լեռնային Ղարաբաղի իրավիճակը։ Մարդկանց վիճակն այնտեղ աղետալի է: Մենք դիմում ենք Ադրբեջանին և Ռուսաստանին հրատապ կոչով. Լեռնային Ղարաբաղի ժողովուրդը պետք…

Կանադայի Սենատի անդամ Լեո Հուսակոսը իր X-ի (նախկին Twitter-ի) իր միկրոբլոգում անդրադարձել է Լեռնային Ղարաբաղի շրջափակմանը: «Ավելի քան 120 հազար էթնիկ հայ անելանելի իրավիճակում է հայտնվել Ադրբեջանի բռնապետ Իլհամ Ալիևի պատճառով»,- նշել է սենատորը, հավելել՝ Արևմուտքն էլ հավանություն է տալիս դրան: «Ամոթ է»,- նշել է Հուսակոսը: Over 120,000 ethnic Armenians are trapped in desperate circumstances…

Լեռնային Ղարաբաղի նախագահ Արայիկ Հարությունյանը շնորհակալություն է հայտնել Ֆրանսիայի քաղաքներին: «Շնորհակալություն ենք հայտնում ֆրանսիական համայնքներին ցեղասպանության ժամանակ Արցախին ցուցաբերած աջակցության համար։ Շնորհակալություն նրանց ղեկավարներին՝ Լաչինի միջանցքի արգելափակված մուտք այցելելու համար: Ադրբեջանը նաև արգելափակում է նրանց օգնությունը»,- X-ի (նախկին Twitter-ի) իր միկրոբլոգում գրել է Հարությունյանը։ Nous remercions les communautés françaises pour l’aide à Artsakh pendant le…

Իրանի արտգործնախարար Հոսեյն Ամիր Աբդոլլահիանը մեկնել է Դամասկոս, որտեղ հանդիպել է Սիրիայի իր պաշտոնակից Ֆեյսալ Ալ Միղդադի հետ: IRNA գործակալության փոխանցմամբ՝ հանդիպման ավարտին տեղի ունեցած մամուլի ասուլիսի ժամանակ Աբդոլլահիանը, անդրադառնալով Թուրքիա-Սիրիա հարաբերություններին, ընդգծել է, որ Իրանը կշարունակի ջանքեր գործադրել Սիրիայի ու Թուրքիայի միջև թյուրըմբռնումների վերացման, երկու երկրի սահմանին անվտանգության հաստատման համար: Աբդոլլահիանը նաև քննադատել է…

Պատերազմի ավարտը և Ռուսաստանի հետ երկխոսությունը հնարավոր են՝ հայտարարել է Ուկրաինայի նախագահ Վոլոդիմիր Զելենսկին RTP լրատվամիջոցին տված բացառիկ հարցազրույցում և նշել դրանց համար անհրաժեշտ պայմանը՝ Մոսկվան պետք է հարգի մեր իրավունքները, մեր հողում ապրելու իրավունքը, և ռուսական ուժերը ամբողջությամբ պետք է լքեն Ուկրաինայի տարածքը՝ շեշտել է Զելենսկին: Ուկրաինայի նախագահի խոսքով՝ իր երկրի համար կարևոր է,…

Մեր միակ ճանապարհը Լաչինի միջանցքն է՝ սա Լեռնային Ղարաբաղի դիրքորոշումն է, որը մերժում է Աղդամի ճանապարհով Բաքվի օգնությունը: Ասկերան-Աղդամ ճանապարհին բողոքի ակցիայի մասնակիցները նաև հիշեցնում են՝ ալյուր ուղարկող Ադրբեջանը թույլ չի տալիս, որ ԼՂ-ում հացահատիկ հավաքեն: Մանրամասները՝ տեսանյութում:

ԱՄՆ-ը հայտարարել է, որ Ուկրաինային կտրամադրի 250 միլիոն դոլարի ռազմական օգնության ևս մեկ փաթեթ, գրում է DW-ն։ Այն, ըստ ԱՄՆ պետքարտուղար Էնթոնի Բլինքենի, կներառի, մասնավորապես, հակաօդային պաշտպանության AIM-9M հրթիռներ, HIMARS բազմակի հրթիռային համակարգերի արկեր, 155 մմ և 105 մմ տրամաչափի հրետանային արկեր, ականազերծման սարքավորումներ, Javelin համալիրներ, ինչպես նաև այլ հակատանկային համակարգեր և հրթիռներ։ Բացի այդ,…

ԼՂ ԿԳՄՍ նախարարությունից տեղեկացնում են, որ ԼՂ բոլոր ուսումնական հաստատություններում սեպտեմբերի 1-ին կտրվի ուսումնական տարվա մեկնարկը։   «Հաշվի առնելով Արցախի լիակատար պաշարման հետևանքով առաջացած հիմնախնդիրները՝ գրենական պիտույքների, ուսումնաօժանդակ նյութերի, սննդի, հիգիենայի պարագաների խիստ սղությունը և տրանսպորտի բացակայությունը, այնուամենայնիվ, որոշում է կայացվել սկսել ուսումնական գործընթացը՝ չոտնահարելով սովորողների կրթության իրավունքը։ Ստեղծված ծանր պայմաններում տարվել են նախապատրաստական աշխատանքներ՝…

«Իդալիա» փոթորիկը, որին տրվել է վտանգավորության երրորդ կարգ, հարվածել է Ֆլորիդայի Բիգ Բենդի ափին», հայտնում է ԱՄՆ Փոթորիկների ազգային կենտրոնը։ Օդերևութաբանների տվյալներով՝ այժմ փոթորիկը շարժվում է ժամում 30 կիլոմետր արագությամբ, քամու պոռթկումները հասնում են ժամում 205 կիլոմետրի։ Ֆլորիդա նահանգի ավելի քան 161 հազար բնակիչ մնացել է առանց էլեկտրականության։ Ավելի վաղ Navy Times-ը հայտնել էր, որ…

Հեղինակ՝ Գոռ Գևորգյան