ԵՄ երկրներում առարկություններ չկան Ռուսաստանի նկատմամբ էներգետիկ պատժամիջոցների խստացման դեմ, հայտնում է Politico ամերիկյան հրատարակությունը՝ հղում անելով աղբյուրներին։ «Ներկայումս չկա լուրջ հակազդեցություն գործող էներգետիկ էմբարգոների ուժեղացմանը, նույնիսկ այն երկրներից, որոնք, ենթադրաբար, շահում են ռուսական նավթի չհայտարարագրված ներմուծումից»,- պարբերականը մեջբերում է աղբյուրներից մեկի խոսքը: Պատժամիջոցների փաթեթի աշխատանքային տարբերակը, հրատարակության տվյալներով, արգելում է ոչ պաշտոնապես ռուսական նավթ…

Երեկ կայացավ Եվրատեսիլ 2023-ի երկրորդ կիսաեզրափակիչը, որտեղ հանդիսատեսին ներկայացան 16 երկրների ներկայացուցիչներ։ Հանդիսատեսի որոշմամբ եզրափակիչ դուրս եկավ տասը երկիր՝ Ալբանիան, Կիպրոսը, Էստոնիան, Բելգիան, Ավստրիան, Լիտվան, Լեհաստանը, Ավստրալիան, Հայաստանը, Սլովենիան։ Այս տարվա կանոնակարգի համաձայն՝ կիսաեզրափակիչից եզրափակիչ անցումը որոշում է միայն հանդիսատեսը, իսկ ժյուրին չի մասնակցում քվեարկությանը։ «Եվրատեսիլ 2023»-ի եզրափակիչ մրցույթին կերգի 25 երկիր: Սրանից եզրափակիչ են…

Արցախի ՊԲ-ից հայտնում են, որ Ադրբեջանի ՊՆ տարածած հաղորդագրությունն այն մասին, թե իբր ՊԲ ստորաբաժանումները մայիսի 11-ի լույս 12-ի գիշերը կրակ են բացել Արցախի Մարտակերտի, Ասկերանի, Շուշիի և Քաշաթաղի շրջանների օկուպացված տարածքներում տեղակայված ադրբեջանական դիրքերի ուղղությամբ, հերթական ապատեղեկատվությունն է։  

ԱՄՆ պետքարտուղարի գլխավոր փոխխոսնակ Վեդանտ Պատելը մայիսի 11-ի ճեպազրույցի ժամանակ անդրադարձել է հայ-ադրբեջանական սահմանային լարվածությանը. «Կարծում ենք, որ այս տեսակի լարվածությունը խաթարում է Հայաստանի և Ադրբեջանի միջև տևական ու արժանապատիվ խաղաղության հասնելու առաջընթացը և կոչ ենք անում երկու երկրի ղեկավարներին մայիսի 14-ին Բրյուսելում կայանալիք հանդիպման ժամանակ համաձայնել սահմանի երկայնքով հետ քաշել զորքերը, ինչպես քննարկել էր…

Արևմուտքը Կիևին է փոխանցել 28 ինքնաթիռ և 575 տանկ՝ հայտնել են Եվրամիությունում Լեհաստանի մշտական ներկայացուցչությունից, հավելել՝ ինքնաթիռներից 14-ը և տանկերից 325-ը հատկացրել է Լեհաստանը: Նշվում է, որ տանկերից 85-ը հատկացրել է Ֆրանսիան, 80-ը՝ Գերմանիան, 76-ը՝ ԱՄՆ-ը: Ավելի վաղ ԵՄ դիվանագիտական ծառայության ղեկավար Ժոզեպ Բորելը հայտարարել էր, որ ԵՄ երկրները Ուկրաինայում ռազմական գործողության սկզբից Կիևին 16…

Ադրբեջանի արտաքին գործերի նախարար Ջեյհուն Բայրամովը հանդիպել է Հնդկաստանի նորանշանակ դեսպան Սրիդհարան Մադհուսուդհանանի հետ։ Հանդիպման ընթացքում մտքեր են փոխանակվել Ադրբեջանի և Հնդկաստանի երկկողմ և բազմակողմ հարաբերությունների ներկա վիճակի, տարածաշրջանում տեղի ունեցող զարգացումների, այդ թվում՝ Հայաստանի և Ադրբեջանի միջև կարգավորման գործընթացի վերաբերյալ:

Պակիստանի Գերագույն դատարանը երկրի նախկին վարչապետ Իմրան Խանի ձերբակալությունն անօրինական է ճանաչել՝ հայտնում են տեղական լրատվամիջոցները: Ավելի վաղ հայտնի էր դարձել, որ երկրի նախկին վարչապետը մեղադրվում է Պակիստանի պետական գանձարանից 52 արժեքավոր իրեր վաճառելու և վարչապետ եղած ժամանակ ստացած նվերների մասին տեղեկությունները թաքցնելու համար։ Իմրան Խանի ձերբակալությունից հետո բողոքի զանգվածային ցույցեր են սկսվել: Կարաչի քաղաքում…

ԱՄՆ նախագահի ազգային անվտանգության հարցերով օգնական Ջեյք Սալիվանը հանդիպել է Չինաստանի Կոմկուսի կենտկոմի արտաքին գործերի հանձնաժողովի նախագահ Վան Յիի հետ և քննարկել իրավիճակը Ուկրաինայում և Թայվանում՝ հայտնել են Սպիտակ տնից: «Կողմերը անկեղծ, բովանդակալից և կառուցողական քննարկումներ են անցկացրել ԱՄՆ-ի և Չինաստանի երկկողմ հարաբերությունների առանցքային հարցերի, ինչպես նաև համաշխարհային և տարածաշրջանային անվտանգության խնդիրների շուրջ»,- նշվում է…

Եվրամիությունը Վրաստանին կոչ է անում աջակցել Ռուսաստանի դեմ պատժամիջոցներին ավիացիայի ոլորտում և թույլ չտալ ռուսական ինքնաթիռներին մուտք գործել իր տարածք: Այս մասին հայտարարել է ԵՄ արտաքին քաղաքական ծառայության ներկայացուցիչ Պետեր Ստանոն՝ մեկնաբանելով Վրաստանի հետ ավիահաղորդակցությունը վերսկսելու ՌԴ որոշումը։ «Եվրամիությունն արգելել է իր ավիաընկերությունների թռիչքները դեպի Ռուսաստան և նրա տարածքի վրայով և կոչ է անում մյուս…

Արցախի առողջապահության նախարարությունից տեղեկացնում են, որ այսօր ծանր վիճակում գտնվող 9 բուժառու ռուս խաղաղապահների ուղեկցությամբ և շտապ օգնության մեքենայով Արցախից տեղափոխվել է ՀՀ մասնագիտացված բժշկական կենտրոններ, իսկ ևս 21-ը դեռևս սպասում են իրենց տեղափոխման հնարավորությանը:   «Հաշվի առնելով, որ ապրիլի 29-ից ադրբեջանական կողմի հարուցած խոչընդոտների պատճառով դադարեցված են Կարմիր խաչի միջազգային կոմիտեի կողմից Արցախի բուժառուների…

Եվրամիության երկրների և կառույցների կողմից Ուկրաինային ընդհանուր օգնությունը կազմել է 16 միլիարդ եվրո: Այդ մասին պաշտպանության և անվտանգության հարցերով եվրոպական խորհրդաժողովում հայտնել է ԵՄ դիվանագիտության ղեկավար Ժոզեպ Բորելը: Նրա խոսքով՝ սա դեռ ամենը չէ: ԵՄ դիվանագիտության ղեկավարը նաև հայտարարել է, որ մինչև տարեվերջ ԵՄ-ում վերապատրաստում անցած ուկրաինացի զինվորականների թիվը կկազմի 30 հազար մարդ:

Թուրքիայի նախագահի թեկնածու, «Հայրենիք» կուսակցության առաջնորդ Մուհարեմ Ինջեն ընտրություններից երեք օր առաջ հանել է իր թեկնածությունը՝ հայտնում են լրատվամիջոցները: Այժմ ընտրապայքարում մնացել է երեք թեկնածու՝ գործող նախագահ Ռաջեփ Թայիփ Էրդողանը, ընդդիմադիր «Ժողովրդական դաշինքի» միասնական թեկնածու Քեմալ Քըլըչդարօղլուն և «Աթա» դաշինքի թեկնածու Սինան Օգանը: Ընտրությունները տեղի կունենան մայիսի 14-ին:

ԱՄՆ պետքարտուղարությունը նախազգուշացրել է, որ կարող է պատժամիջոցներ սահմանել, եթե Ռուսաստանի և Վրաստանի միջև ավիահաղորդակցությունը վերսկսելու դեպքում վրացական ավիաընկերությունները սկսեն սպասարկել պատժամիջոցների տակ հայտնված ռուսական ինքնաթիռները: Այս մասին պետքարտուղարության ներկայացուցիչը հայտնել է վրացական Accent news պարբերականին: «Մի շարք արևմտյան պետություններ, այդ թվում՝ ԱՄՆ-ը, արգելել են ռուսական ավիաընկերությունների թռիչքներն իրենց օդային տարածքում։ Ռուսաստանի և Վրաստանի միջև…

Ադրբեջանի պաշտպանության նախարար Զաքիր Հասանովն իր թուրք գործընկեր Հուլուսի Աքարի հրավերով մեկնել է Թուրքիա՝ հետևելու Կոնիայում անցկացվող «Անատոլիական արծիվ-2023» միջազգային զորավարժությունների ընթացքին: Զորավարժություններին ներգրավված են Ադրբեջանի ռազմաօդային ուժերի զինծառայողներն ու ավիացիոն միջոցները։ Մասնակցում են Թուրքիայի, Պակիստանի, ԱՄԷ-ի, Կատարի և Մեծ Բրիտանիայի զինված ուժերի ներկայացուցիչներ:

Ռուսաստանը Լեռնային Ղարաբաղի հարցում միջնորդի գործառույթներ է իրականացնում և Հայաստանից ու Ադրբեջանից զսպվածություն է ակնկալում: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը: Նրա խոսքով՝ Մոսկվան կշարունակի շփումները կողմերի հետ: «Ռուսաստանը կշարունակի իրականացնել եռակողմ փաստաթղթերով նախատեսված գործառույթները և կոչ է անում խուսափել այնպիսի գործողություններից, որոնք կարող են հանգեցնել լարվածության աճի»,- ասել է Կրեմլի…

Իրանի էկոնոմիկայի նախարար Էհսան Խանդուզիի գլխավորած տնտեսական պատվիրակությունը մեկնել է Սաուդյան Արաբիա։ ISNA գործակալության փոխանցմամբ՝ նախատեսված է երկկողմ հանդիպումներ անցկացնել Սաուդյան Արաբիայի պաշտոնյաների հետ, ինչպես նաև մասնակցել և ելույթ ունենալ Իսլամական զարգացման բանկի միջոցառմանը:

Հայաստանը, Իրանը և Հնդկաստանը աշխատանք են տանում «Պարսից ծոց-Սև ծով» միջազգային տրանսպորտային միջանցքի նախագծի վրա՝ հայտնել է Հնդկաստանի առևտրատնտեսական կազմակերպության նախագահ Ասիֆ Իքբալը: Նա նշել է, որ հարցն այժմ քննարկվում է երեք երկրների ղեկավարների մակարդակով, և նախագծում նախատեսվում է ներգրավել նաև մասնավոր հատվածին։ Իքբալի խոսքով՝ Հնդկաստանը պատրաստվում է ԵԱՏՄ դիտորդ դառնալ 2024 թվականին, և Հայաստանը…

Արցախի ՔԿ տարածքային քննչական վարչության Մարտակերտի շրջանի քննչական բաժնում վարույթ է ընդունվել 2023 թ. մարտի 26-ին` ժամը 11:30-ի սահմաններում, ԱՀ Մարտակերտի շրջանի Ճանկաթաղ գյուղի վարչական տարածքում գտնվող «Ճանկաթաղի դաշտ» կոչվող տեղամասի մերձակա հատվածում տեղակայված ադրբեջանական մարտական դիրքից՝ ազգային ատելության շարժառիթով, ապօրինաբար երկու կամ ավելի անձանց կյանքից զրկելու՝ սպանելու դիտավորությամբ, հրաձգային զենքից նշված տեղամասում գյուղատնտեսական աշխատանքներ…

ԱՄՆ պետքարտուղարության խոսնակ Մեթյու Միլերը տեղեկացրել է, որ պետքարտուղար Էնթոնի Բլինքենը հեռախոսազրույց է ունեցել Եվրոպական խորհրդի նախագահ Շառլ Միշելի հետ: «Պետքարտուղար Բլինքենը և նախագահ Միշելը վերահաստատել են ԱՄՆ-ի և Եվրամիության աջակցությունն Ուկրաինայի ինքնիշխանությանը, անկախությանը և տարածքային ամբողջականությանը։ Քննարկվել են նաև Հայաստանի և Ադրբեջանի միջև կայուն խաղաղությանն աջակցելու հնարավորությունները»,- նշված է հաղորդագրության մեջ։

Թուրքիայի արտգործնախարար Մևլութ Չավուշօղլուն տեղեկացրել է, որ Մոսկվայում Ռուսաստանի, Իրանի և Սիրիայի արտգործնախարարների հետ ունեցած հանդիպման շրջանակում երկկողմ հանդիպում է ունեցել Սերգեյ Լավրովի հետ, քննարկել իրավիճակը Հարավային Կովկասում: «Մեր հանդիպման ժամանակ քննարկեցինք Կովկասում տեղի ունեցող զարգացումները, հատկապես՝ Հայաստան-Ադրբեջան, Հայաստան-Թուրքիա վերջին զարգացումները»,- նշել է Չավուշօղլուն՝ Անթալիայի օդանավակայանում հանդես գալով մամուլի համար հայտարարությամբ: Նրա խոսքով՝ երկկողմ հանդիպման…

Բաքվի կողմից Լեռնային Ղարաբաղի շրջափակումից 150 օր անց ակնհայտ է, որ Ալիևը հումանիտար ճգնաժամ է ստեղծում և անջատում կարևոր ենթակառուցվածքների էլեկտրաէներգիան: Այս մասին նշված է ԱՄՆ Սենատի Արտաքին հարաբերությունների հանձնաժողովի Twitter-ի պաշտոնական միկրոբլոգում: «Ադրբեջանի բարձրաստիճան պաշտոնյաների նկատմամբ պատժամիջոցների հարցը պետք է քննարկման առարկա լինի, եթե մենք ճնշում ենք գործադրում Լաչինի միջանցքը բացելու համար»,- նշված է…

Եվրախորհրդարանի անդամներն ընդունել են Եվրամիության և Սերբիայի հարաբերությունների վերաբերյալ զեկույց, որում հայտարարել են, որ անհնարին են համարում ԵՄ-ին երկրի անդամակցության վերաբերյալ բանակցությունները շարունակելը, քանի դեռ այն չի միացել Ռուսաստանի դեմ եվրոպական պատժամիջոցներին: Փաստաթուղթը հրապարակվել է չորեքշաբթի՝ Եվրախորհրդարանի կայքում։ «Վերահաստատում ենք մեր դիրքորոշումը, որ Սերբիայի հետ ԵՄ անդամակցության բանակցությունները պետք է առաջ ընթանան միայն այն դեպքում,…

ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույց է անցկացրել, որի ընթացքում նշել է, որ Մոսկվան հակաարդյունավետ է համարում ՀԱՊԿ-ի նկատմամբ Երևանի հրապարակային քննադատությունը։ «Անկեղծ ասած, Հայաստանի ղեկավարության ցանկությունը՝ քննարկել կազմակերպության արդյունավետությունը դրա սահմաններից դուրս, տարակուսանք է առաջացնում: Մինչդեռ ՀԱՊԿ-ն ունի դրա համար անհրաժեշտ բոլոր ձևաչափերը, կազմակերպության անդամներն էլ ոչ միայն պատրաստ են լսելու այդ…

Վրաստանի արտգործնախարար Իլյա Դարչիաշվիլին մարդասիրական տեսանկյունից ողջունել է մայիսի 15-ից  Վրաստանի քաղաքացիների համար ՌԴ մուքտի արտոնագրի չեղարկման մասին նախագահ Պուտինի որոշումը: Նա պարզաբանել է, որ Ռուսաստանում միլիոնից ավելի վրացիներ են ապրում, որոնք Վրաստանում բնակվող հարազատներ, ընտանիքի անդամներ ունեն և սերտ կապերի մեջ են նրանց հետ: Ըստ նախարարի՝ վիզային ռեժիմի չեղարկումը  կպարզեցնի վրացի քաղաքացիների կենցաղային պայմանները: Նա…

Թուրքիայի նախագահին առընթեր պաշտպանական արդյունաբերության դեպարտամենտի ղեկավար Իսմայիլ Դեմիրն ասել է, որ Թուրքիան արդիականացնում է ադրբեջանական Սու-25 տիպի մարտական ​​ինքնաթիռները։ Նա նշել է, որ նախագծի շրջանակներում նախատեսվում է սպառազինության որոշակի տեսակների ինտեգրման, ինտելեկտուալ համակարգերի ավելացման գործընթաց, և այդ ուղղությամբ աշխատանքներ են տարվում:

Ասպինձաում Ղրիմ-Կոնգո տենդի մեկ դեպք է գրանցվել: Հիվանդությունը հաստատվել է 45-ամյա կնոջ մոտ, այս տեղեկությունը հաստատում են Ասպինձայի հանրային առողջության կենտրոնից։ Նրանց խոսքով՝ դեպքը տեղի է ունեցել նախորդ շաբաթ, հիվանդը տեղափոխվել է ինֆեկցիոն հիվանդանոց։ Ինչպես մեզ հայտնեցին պոլիկլինիկայում, նրա առողջական վիճակը բավարար է, և, հնարավոր է, վաղը նա դուրս գա կլինիկայից։ Ախալցխայում Ղրիմ-Կոնգո հեմոռագիկ տենդի…

ԱՄՆ նախագահ Ջո Բայդենը հայտարարել է, որ կարող է հրաժարվել օտարերկրյա այցերից, այդ թվում՝ G7-ի երկրների գագաթնաժողովին մասնակցելուց, եթե պետական պարտքի հետ կապված իրավիճակը չլուծվի: Այնուամենայնիվ, նախագահը նշել է, որ ուղևորությունների չեղարկումն, այնուամենայնիվ, «քիչ հավանական է»: Ինչպես հաղորդվել է, պետական պարտքի շեմը բարձրացնելու խնդրի հարցով Բայդենի հանդիպումը ամերիկյան Կոնգրեսի առաջնորդների հետ ավարտվել է անարդյունք: Բանակցություններից…

Մոսկվայում ՌԴ ԱԳՆ ընդունելությունների տանն ավարտվել է չորս երկրի արտգործնախարարներ Սերգեյ Լավրովի, Մևլութ Չավուշօղլուի, Ֆեյսալ Միքդադի և Հոսեյն Ամիր Աբդոլլահիանի հանդիպումը՝ Սիրիայի խաղաղ կարգավորման վերաբերյալ, գրում է ՏԱՍՍ-ը։ Սիրիայի արտաքին գործերի նախարար Միքդադը հայտարարել է, որ Դամասկոսը պատրաստ է բաց և կառուցողական երկխոսության Անկարայի հետ՝ Սիրիայի տարածքային ամբողջականությունը հարգելու պայմանով։ Նախարարը ևս մեկ անգամ ընդգծել…

Նրա խոսքով, Ռուսաստանի կողմից վիզային ռեժիմի և ուղիղ չվերթների վերացումը սադրանք է, որը մեծ մարտահրավեր է վրացական իշխանությունների համար։ Ինչպես նշել է Զուրաբիշվիլին, Վրաստանի կառավարությունը չի հասկանում, որ Ռուսաստանը երբեք զիջումներով չի պատասխանում կառավարության զիջումներին, այլ պատասխանում է այնպես, որ բարդացնում է իրավիճակը։ Ուստի նա կոչ է անում կառավարությանը դիրքորոշվել։ «Ես կոչ եմ անում կառավարությանը,…

Ապրիլի 23-ին Գորիս-Ստեփանակերտ մայրուղու վրա՝ Հագարի կամրջի մոտ, անօրինական հսկիչ անցագրային կետ տեղադրելուց ի վեր Ադրբեջանի կողմից արհեստական պատճառաբանություններով խոչընդոտվում է Լեռնային Ղարաբաղում Կարմիր խաչի միջազգային կոմիտեի բնականոն գործունեությունը, որով ադրբեջանական կողմը ոչ միայն ոտնահարում է միջազգային մարդասիրական իրավունքի դրույթները, այլև կոպտորեն խախտում է շրջափակման ընթացքում ծայրահեղ ծանր առողջական վիճակում գտնվող անձանց ՀՀ տեղափոխելու շուրջ…