2023

Սեպտեմբերի 7-ին՝ ժամը 17:45֊ի սահմաններում, ադրբեջանական կողմը վերադարձրել է օգոստոսի 28֊ին ռուսական խաղաղապահ զորակազմի ուղեկցությամբ ԼՂ-ից Հայաստան տեղափոխվելու ժամանակ առևանգված և ապօրինի ազատազրկված ուսանողներ Ալեն Սարգսյանին, Վահե Հովսեփյանին և Լևոն Գրիգորյանին։   Ինչպես տեղեկացնում է ԼՂ ՄԻՊ Գեղամ Ստեփանյանը՝ տղաների փոխանցումը հայկական կողմին տեղի է ունեցել ռուս խաղաղապահների մասնակցությամբ Հակարիի կամրջի մոտ։ Նրանք տեղափոխվել են…

Հայաստանի փոխարտգործնախարար Պարույր Հովհաննիսյանը հայտարարել է, որ հայ-ռուսական հարաբերությունները չպետք է գնահատել որպես լարված՝ հայտնում է РИА Новости-ն։ «Ռուսաստանի հետ հարաբերություններն աշխատանքային են, ինչպես միշտ լինում է բոլոր գործընկերների հետ։ Կան տարաձայնություններ, քննարկումներ են ընթանում, ինչը չի նշանակում, որ դա կարելի է մեկնաբանել որպես լարվածություն։ Ռուսական կողմի հետ բոլոր հարցերով աշխատանքներ են տարվում»,- ասել է…

ԱՄՆ Կոնգրեսի` Թոմ Լանտոսի անվան Մարդու իրավունքների հանձնաժողովում ԼՂ հարցով հրավիրված լսումների ժամանակ Միջազգային քրեական դատարանի նախկին գլխավոր դատախազ Լուիս Մորենո Օկամպոն նշել է, որ քանի դեռ Հայաստանը և Ադրբեջանը չեն վավերացրել Հռոմի ստատուտը, Ադրբեջանի նախագահ Իլհամ Ալիևի հանդեպ միջազգային քրեական վարույթ հնարավոր չէ հարուցել: Նրա խոսքով՝ բոլոր փաստերն ու իրողությունները վկայում են մեկ բանի…

ԼՂ պետնախարար Սամվել Շահրամանյանը օրերս խորհրդարանում հանդիպումներ է ունեցել խմբակցությունների անդամների և անկախ պատգամավոր Կարեն Հովհաննիսյանի հետ: Քննարկվել են ԼՂ-ում օր օրի խորացող ճգնաժամային իրավիճակը և դրանից բխող խնդիրները որոշակի չափով մեղմելու ուղղությունները: Հանդիպումներին անդրադարձ է եղել ԼՂ ներքաղաքական կացությանը, առաջիկայում սպասվող՝ հանրապետության նախագահի ընտրությանը:

Վրաստանում աշխատանքային այցով գտնվող ՀՀ քննչական կոմիտեի նախագահ Արգիշտի Քյարամյանը հանդիպում է ունեցել Վրաստանի ներքին գործերի նախարար, Վրաստանի ազգային անվտանգության խորհրդի քարտուղար Վախթանգ Գոմելաուրիի հետ։   Ինչպես հայտնում են ՀՀ ՔԿ-ից, կողմերը կարևորել են Հայաստանի և Վրաստանի միջև իրավապահ ոլորտում ձևավորված արդյունավետ և փոխշահավետ համագործակցությունը և ընդգծել միջգերատեսչական ամուր կապերի նշանակությունը միջպետական հարաբերությունների կայուն զարգացման,…

Ադրբեջանի ՊՆ տարածած հաղորդագրությունն այն մասին, թե, իբր, ՊԲ ստորաբաժանումները սեպտեմբերի 7-ին՝ ժամը 12:35-ից ժամը 14։00-ն ընկած ժամանակահատվածում ամրաշինական աշխատանքներ են կատարել Ասկերանի և Մարտունու շրջաններում, որոնք իբր թե կասեցվել են ադրբեջանական ստորաբաժանումների գործողությունների արդյունքում, հերթական ապատեղեկատվությունն է։ Այդ մասին հայտնում են ԼՂ ՊԲ-ից:   «Վերջին շրջանում Ադրբեջանի ՊՆ-ն զգալիորեն ավելացրել է ստահոդ հաղորդագրությունների հրապարակման…

Ադրբեջանի ՊՆ-ն հերթական ապատեղեկատվությունն է տարածել՝ հայտարարելով, թե, իբր, ՊԲ ստորաբաժանումները սեպտեմբերի 7-ին՝ ժամը 10:05-ի սահմաններում, փորձել են Ասկերանի շրջանում իրականացնել ամրաշինական աշխատանքներ, և որոնք, իբր, խափանվել են ադրբեջանական կողմի գործողությունների արդյունքում։ Այդ մասին հայտնում են ԼՂ ՊԲ-ից:

Ուկրաինայի առաջին տիկին Օլենա Զելենսկայան X-ի (նախկին Twitter) իր միկրոբլոգում շնորհակալություն է հայտնել երեկ Կիևում տեղի ունեցած առաջին տիկնանց և ջենթլմենների ֆորումի պանելային քննարկման մասնակիցներին, այդ թվում՝ Հայաստանի վարչապետի տիկնոջը՝ Աննա Հակոբյանին: ՀՀ վարչապետի տիկինը Ուկրաինայի առաջին տիկին Օլենա Զելենսկայի հրավերով սեպտեմբերի 6-ին Կիևում մասնակցել է «Առաջին տիկնանց և ամուսինների ամենամյա երրորդ գագաթնաժողովին»։

Սեպտեմբերի 7-ին՝ ժամը 12:10-ի սահմաններում, ադրբեջանական ԶՈՒ ստորաբաժանումները կրակ են բացել Սարուշեն համայնքի դաշտերում աշխատող կոմբայնի ուղղությամբ: Հայկական կողմից կորուստեր չկան: Խախտման վերաբերյալ համապատասխան տեղեկատվություն է տրամադրվել ռուսական խաղաղապահ զորակազմի հրամանատարությանը։ Այդ մասին հայտնում են ԼՂ ՊՆ մամուլի ծառայությունից:

ԱՄՆ Կոնգրեսի Ներկայացուցիչների պալատի անդամ Ֆրենկ Փալոնը X-ի (նախկին Twitter) իր միկրոբլոգում անդրադարձել է ԱՄՆ պետքարտուղար Էնթոնի Բլինքենի և Ադրբեջանի նախագահ Իլհամ Ալիևի հեռախոսազրույցին։ «Պետքարտուղար Բլինքենն իրավացիորեն կոչ է անում դադարեցնել Լաչինի միջանցքի շրջափակումը, սակայն այս խոսքերին պետք է հետևեն իմաստալից գործողություններ, հատկապես այն պարագայում, երբ Արցախում հումանիտար ճգնաժամը շարունակում է վատթարանալ»,- նշել է կոնգրեսականը:…

Մոսկվան հիմք է ընդունում այն, որ Հավաքական անվտանգության պայմանագրի կազմակերպության անդամները պետք է հետևեն իրենց դաշնակիցների հետ զորավարժությունների պրակտիկային։ Այդ մասին հայտարարել է ՌԴ փոխարտգործնախարար Սերգեյ Ռյաբկովը՝ մեկնաբանելով հայ-ամերիկյան համատեղ զորավարժությունները, որոնք կանցկացվեն Հայաստանի տարածքում սեպտեմբերի 11-ից։ «Իհարկե, մենք ուշադրություն ենք դարձրել դրան։ Եվ մեր հայ դաշնակիցների, Հայաստանի դաշնակիցների ուշադրությունը հրավիրել ենք նրա վրա, որ…

Կանաչների եվրոպական կուսակցությունը X-ի (նախկին Twitter) պաշտոնական միկրոբլոգում անդրադարձել է Լեռնային Ղարաբաղի շրջափակմանը։ «Կրիտիկական իրավիճակ Լաչինի միջանցքում. ադրբեջանական ուժերն արգելափակում են մարդասիրական օգնության մուտքը Լեռնային Ղարաբաղ։ Դա մարդու իրավունքների խախտում է»,- ասված է գրառման մեջ։ Ընդգծվում է նաև, որ Գերմանիայի ԱԳ նախարար Աննալենա Բերբոքի կոչը Ադրբեջանին և Ռուսաստանին եղել է այն, որ Լաչինի միջանցքը պետք…

Վաշինգտոնը կշարունակի ռազմական և տնտեսական աջակցությունն Ուկրաինային: Այսօր Կիևում հայտարարել է ԱՄՆ պետքարտուղարը: Բլինքենը նշել է՝ Ուկրաինայում է, որպեսզի ցույց տա ԱՄՆ անսասան աջակցությունը: Թեմայի շարունակությունը և միջազգային անցուդարձի ուշագրավ այլ նորություններ՝ Մերի Ներսիսյանի տեսաշարում:

Սեպտեմբերի 7-ին Ստեփանակերտ քաղաքում հացի վաճառքը կիրականացվի համար 3 կտրոնով: ԼՂ սոցիալական զարգացման և միգրացիայի նախարարությունից հայտնում են, որ այն քաղաքացիները, ովքեր չեն կարողացել օգտվել սեպտեմբերի 5-ի և 6-ի համար նախատեսված համար 1 և 2 կտրոններից, կարող են այդ կտրոններով հացը գնել նույնպես սեպտեմբերի 7-ին: «Հայտնում ենք, որ անհրաժեշտ քանակությամբ ալյուրն ամբողջությամբ մատակարարված է հացի արտադրամասեր»,-…

ԱՄՆ Կոնգրեսի` Թոմ Լանտոսի անվան Մարդու իրավունքների հանձնաժողովում լսումներ են Օրակարգում ադրբեջանական շրջափակման հետևանքով ԼՂ-ում ստեղծված իրավիճակն է: Լսումներին մասնակցում է Միջազգային քրեական դատարանի նախկին դատախազ Լուիս Մորենո Օկամպոն։

ԼՂ նախկին նախագահ Արայիկ Հարությունյանը հարցազրույց է տվել CNN-ին: Հարցազրույցին նա անդրադարձել է իր ֆեյսբուքյան էջում:  «Վերջին շրջանում միջազգային առաջատար գրեթե բոլոր լրատվամիջոցներն անդրադարձել են Արցախի շրջափակմանը: Այդ շարքում կարևոր տեղ ունի CNN-ի այսօրվա հրապարակումը, որի հեղինակի հարցերին պատասխանել եմ Հանրապետության նախագահի պաշտոնից իմ հրաժարականից առաջ: Պատասխաններիս մի մասը տեղ է գտել նյութի մեջ, որը…

Սա սարսափելի հանցագործություն է, ցեղասպանություն է` որն իրականացվում է Ադրբեջանի իշխանությունների, բռնապետ Ալիևի կողմից։ Այս մասին ԱՄՆ Կոնգրեսի` Թոմ Լանտոսի անվան Մարդու իրավունքների հանձնաժողովում ԼՂ հարցով հրավիրված լսումների ժամանակ հայտարարեց հանձնաժողովի համանախագահ Քրիստոֆեր Սմիթը: Նա շեշտեց՝ 120 հազար էթնիկ հայեր տառապում են Ադրբեջանի կառավարության պատճառով: Սմիթը տեղեկացրեց ԼՂ-ում մարդու իրավունքների հետ կապված նոր օրինագծի պատրաստման…

Ուկրաինայում ընթացող մարտական գործողությունների մասին վերջին լուրերի համաձայն՝ ռուսական զորքերը հրետակոծել են Ուկրաինայի Դոնեցկի մարզի Կոնստանտինովկա բնակավայրի կենտրոնական շուկան: Արկերի ընկնելուց հետո առևտրային տաղավարներում հրդեհ է բռնկվել, ինչի հետևանքով զոհվել է 16 խաղաղ բնակիչ, այդ թվում՝ երեխա, ևս 31 մարդ ստացել է տարբեր աստիճանի վնասվածքներ: Ուկրաինայի նախագահ Վոլոդիմիր Զելենսկին հրապարակել է հարվածի տեսագրությունը և ընդգծել….

Ադրբեջանի ՊՆ տարածած հաղորդագրությունն այն մասին, թե իբր ՊԲ ստորաբաժանումները սեպտեմբերի 6֊ին , ժամը 19։50֊ի սահմաններում կրակ են բացել օկուպացված Քաշաթաղի շրջանում տեղակայված ադրբեջանական դիրքերի ուղղությամբ, հերթական ապատեղեկատվությունն է։ Այս մասին հայտնում են ԼՂ ՊՆ մամուլի ծառայությունից: «Ավելի վաղ Ադրբեջանի ՊՆ֊ն հրապարակել էր ևս մեկ ստահող հաղորդագրություն պնդելով, թե ՊԲ ստորաբաժանումներն իբր թե փորձել են…

ԱՄՆ պետքարտուղար Էնթոնի Բլինքենն Ուկրաինայի արտգործնախարարի հետ հանդիպման ժամանակ ասել է, որ Վաշինգտոնը «նկատելի առաջընթաց» է տեսնում ուկրաինական հակահարձակման մեջ: «Մենք տեսել ենք զգալի առաջընթաց հակահարձակման մեջ, ինչը շատ հուսադրող է: Մենք ցանկանում ենք, որ Ուկրաինան ունենա այն ամենը, ինչ անհրաժեշտ է ոչ միայն հակահարձակման հարցում հաջողության հասնելու, այլև երկարաժամկետ հեռանկարում ուժեղ զսպող գործոն, ուժեղ…

Սեպտեմբերի 6-ին ԼՂ նախագահի պաշտոնակատար Դավիթ Իշխանյանը հրավիրել է աշխատանքային խորհրդակցություն, որի օրակարգում ԼՂ-ում ստեղծված իրավիճակն էր: «Խորհրդակցությանը մասնակցել են Ազգային ժողովի նախագահի պաշտոնակատար Գագիկ Բաղունցը, պետական նախարար Սամվել Շահրամանյանը, նախագահի աշխատակազմի ղեկավար Կարեն Շահրամանյանը, ուժային կառույցների և խորհրդարանական խմբակցությունների ղեկավարները, Ստեփանակերտի քաղաքապետը: Ադրբեջանի հետ շփման գծում տիրող իրավիճակի և Արցախի Հանրապետության անվտանգության և պաշտպանության…

Ցեղասպանության կանխարգելման Լեմկինի ինստիտուտը 126-էջանոց զեկույց է հրապարակել Լեռնային Ղարաբաղում Ադրբեջանի կողմից ցեղասպանության վտանգի վերաբերյալ։ Նշվել է, որ զեկույցի նախագծի հրապարակումը պայմանավորված է շրջափակման ծանր հանգամանքներով և Լեռնային Ղարաբաղի ու Հայաստանի սահմաններին Ադրբեջանի ռազմական կուտակումներով։ «Մենք խորապես մտահոգված ենք այն ամենով, ինչ ներկայում տեղի է ունենում, և կարծում ենք, որ դա ցեղասպանություն է։ Միջազգային հանրությունը…

Եվրախորհրդարանում անցկացված հարցուպատասխանի ժամանակ ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելն անդրադարձել է նաև Լեռնային Ղարաբաղում խորացող հումանիտար ճգնաժամին և Լաչինի միջանցքի արգելափակմանը:  Հայաստանի ու Ադրբեջանի հարցը որպես օրակարգի առանձին կետեր քննարկվել են նաև 2023 թվականի հունիսի 26-ին արտաքին գործերի խորհրդի նիստում, որտեղ բարձր ներկայացուցիչը/փոխնախագահը ներկայացրել է Լաչինի միջանցքի գրեթե ամբողջական…

ԱՄՆ պետքարտուղարության խոսնակի գրասենյակն անդրադարձել է սեպտեմբերի 1-ին պետքարտուղար Բլինքենի հեռախոսազրույցին Ադրբեջանի նախագահ Ալիևի հետ: «Պետքարտուղար Էնթոնի Բլինքենն Ադրբեջանի նախագահ Ալիևի հետ հեռախոսազրույց է ունեցել՝ արտահայտելու Միացյալ Նահանգների մտահոգությունը Լեռնային Ղարաբաղում վատթարացող հումանիտար իրավիճակի վերաբերյալ: Նա կրկնել է Լաչինի միջանցքը հումանիտար, առևտրային և ուղևորափոխադրումների համար կրկին բացելու մեր կոչը՝ միաժամանակ ընդունելով Ադրբեջանից լրացուցիչ երթուղիների կարևորությունը։…

Հայաստանի Հատուկ հանձնարարություններով դեսպան Էդմոն Մարուքյանը X-ի (նախկին Twitter) իր էջում արձագանքել է Ալիևի օգնական Հիքմեթ Հաջիևի հայտարարությանը Լեռնային Ղարաբաղի շրջափակման մասին: «Arab News-ի հետ հարցազրույցի ժամանակ Ալիևի օգնական Հիքմեթ Հաջիևը հայտարարել է, որ Լաչինի միջանցքն արգելափակված չէ, և Լեռնային Ղարաբաղում շրջափակում չկա: Դրանով Ադրբեջանը ցանկանում է խաբել միջազգային հանրությանն այն փաստի առնչությամբ, որ Լաչինի…

Ըստ վերջին տեղեկությունների՝ Բուլղարիայում, Թուրքիայում և Հունաստանում յոթ մարդ տեղատարափ անձրևի հետևանքով առաջացած ջրհեղեղների զոհ է դարձել, չորեքշաբթի հաղորդում է Associated Press-ը: Թուրքիայում երկու հանգստացողներ մահացել են երկրի հյուսիս-արևմուտքում գտնվող վրանային ճամբարում, ևս չորսին որոնում են։ Ստամբուլի փողոցները վերածվել են գետերի, հեղեղվել են տները, զոհվել է առնվազն երկու մարդ, մետրոյի որոշ կայարաններ փակվել են: Քաղաքի…

ԵՄ Նախարարների կոմիտեն հանդիպման ավարտից հետո տարածել է ԼՂ-ում հումանիտար իրավիճակին և Լաչինի միջանցքին վերաբերող հայտարարություն: Փաստաթղթում, մասնավորապես, ասված է. «Եվրամիությունը մեծ մտահոգությամբ հետևում է Լաչինի միջանցքով ազատ տեղաշարժի շարունակական սահմանափակումներին և Ղարաբաղի հայերի վրա դրանց մարդասիրական ու անվտանգային լուրջ հետևանքներին։ Լաչինի միջանցքով տեղաշարժը գրեթե 9 ամիս խաթարվել է, իսկ հունիսի 15-ից միջանցքը գրեթե ամբողջությամբ…

15 և բարձր տարիքի մոտ 300 դպրոցական աղջկա, որոնք երկուշաբթի Ֆրանսիայում դպրոցներ էին գնացել մուսուլմանական աբայա ավանդական հանդերձանքով, թույլ չեն տվել հաճախել դասերին, հայտնել է Ֆրանսիայի կրթության նախարարությունը, հայտնում է BBC-ն: Աբայան, որ երկար ավանդական արաբական կանացի զգեստ է և մահմեդական մի շարք երկրների հասարակական վայրերում այն կրում են հիջաբի ու նիկաբի հետ, արգելվել է…

Ուկրաինայի զինված ուժերի ցամաքային զորքերի հրամանատար, գեներալ Ալեքսանդր Սիրսկին չորեքշաբթի հայտարարել է, որ իրավիճակը երկրի արևելքում դարձյալ բարդ է, և գլխավոր խնդիրը հուսալի պաշտպանություն ապահովելն ու հենակետերի կորուստը կանխելն է, հայտնում է BBC-ն։ «Արևելյան ուղղություններում օպերատիվ իրավիճակը շարունակում է ծանր մնալ: Հակառակորդը չի հրաժարվում Դոնեցկի և Լուգանսկի շրջանների սահմաններին հասնելու իր ծրագրերից,  համառորեն պատրաստվում է…

Օգոստոսի 29-ից սեպտեմբերի 2-ը «Հումանիտար ականազերծման և փորձագիտական կենտրոն» ՊՈԱԿ պատվիրակությունը՝ տնօրեն Վաղինակ Սարգսյանի գլխավորությամբ, պաշտոնական այցով գտնվել է Իրանի Իսլամական Հանրապետությունում։ Այդ մասին հայտնում են  «Հումանիտար ականազերծման և փորձագիտական կենտրոն» ՊՈԱԿ-ից:  «Հումանիտար ականազերծման և փորձագիտական կենտրոն» պատվիրակությունն այցելել է ԻԻՀ Քրդստան նահանգում իրականացվող ականազերծման գործողությունների տարածք՝ ծանոթացել մաքրման մեթոդներին և պայթուցիկ զինամթերքի վտանգի իրազեկման աշխատանքներին։…