Ախալցխայում նախատեսվում է իրականացնել կարևոր ենթակառուցվածքային նախագիծ, որի շրջանակում կապիտալ վերանորոգման կենթարկվի Ապրիլի 9-ի փողոցի 14 հասցեում գտնվող հրապարակը։
Նախագծի շրջանակում հրապարակում կտեղադրվի նոր տաղավար, կտնկվեն ծառեր և կիրականացվեն բարեկարգման աշխատանքներ, որոնք կստեղծեն բնակիչների համար առավել հարմարավետ, գեղեցիկ և ներդաշնակ միջավայր։
Բացի այդ, նախատեսվում է կառուցել ճանապարհի երկայնքով նոր բաժանարար պատ և հետիոտնային արահետներ, վերականգնել լուսավորության ցանցը, ինչպես նաև խմելու և ոռոգման ջրի համակարգերը։ Հանրային տարածքը կհամալրվի նաև մանկական նոր ժամանցային սարքավորումներով։
Վերականգնողական աշխատանքները կիրականացվեն տեղական բյուջեի ֆինանսավորմամբ։
Մրցույթի և նախագծի վերաբերյալ մանրամասն տեղեկատվությանը կարող եք ծանոթանալ հետևյալ հղումով։