Ախալցխայի մունիցիպալիտետի հայաբնակ Խակ գյուղում ավարտվել են ճանապարհային ենթակառուցվածքների վերականգնման աշխատանքները, որոնք իրականացվել են բնակավայրի ճանապարհային պայմանների բարելավման նպատակով։
Ծրագրի շրջանակում գյուղի ներքին ճանապարհի շուրջ 1800 մետր երկարությամբ հատվածում կառուցվել է բետոնե ծածկույթ, ինչպես նաև տեղադրվել են ջրահեռացման ջրանցքներ՝ ապահովելով ճանապարհի անվտանգ և երկարաժամկետ շահագործումը։
Իրականացված աշխատանքները նպաստելու են բնակիչների տեղաշարժի պայմանների բարելավմանը, ինչպես նաև գյուղի ենթակառուցվածքների զարգացմանն ու կենսամակարդակի բարձրացմանը։