Առաջին դասարանցիների ծնողները սեպտեմբերի 1-ից կկարողանան դպրոցական համազգեստ գնել ինչպես վաճառքի կետերում, այնպես էլ առցանց՝ formebi.emis.ge էլեկտրոնային հարթակի միջոցով։
Նոր հարթակը լրատվամիջոցների ներկայացուցիչներին ներկայացրել են Վրաստանի կրթության, գիտության և երիտասարդության նախարարի առաջին տեղակալ Լևան Ղիրգիաշվիլին և կրթության կառավարման տեղեկատվական համակարգի ղեկավար Գիորգի Արսոշվիլին։
«Էլեկտրոնային հարթակը թույլ կտա աշակերտի ծնողին/օրինական ներկայացուցչին առցանց գնել դպրոցական համազգեստ և ստանալ պատվերը՝ առանց տնից դուրս գալու, նշված հասցեում։ Վրաստանի փոստը կապահովի փաթեթի առաքումը նշված հասցեին և հաճախորդին հանձնումը։
Դպրոցական համազգեստի հարթակի միջոցով օգտատերերը կստանան տեղեկատվություն դպրոցական համազգեստի մոդելների արժեքի և չափերի մասին, ինչպես նաև կտեսնեն բանկային առաջարկները և վաճառքի կետերի ճշգրիտ հասցեները։
Դպրոցական համազգեստի առցանց հարթակի անխափան գործունեությունը և կառավարումը ապահովվում է Վրաստանի կրթության, գիտության և երիտասարդության նախարարության կրթության կառավարման տեղեկատվական համակարգի (EMIS) կողմից», — հայտնել են նախարարությունից։