2008 թվականի պատերազմից հետո մենք չենք տեսել, որ Ռուսաստանի դեմ պատժամիջոցներ կիրառվեն, ընդհակառակը, Ռուսաստանի հետ բիզնեսը շարունակվեց սովորականի պես, ինչը շատ վատ ազդանշան էր,- այս մասին Մյունխենի անվտանգության համաժողովի ժամանակ հայտարարել է Վրաստանի վարչապետ Իրակլի Ղարիբաշվիլին։
Ինչպես նշել է Իրակլի Ղարիբաշվիլին, խաղաղությունն այլընտրանք չունի, և Վրաստանն ունի տարածքային ամբողջականությունը վերականգնելու խաղաղ ծրագիր։
«Խաղաղությունն այլընտրանք չունի, և ես ձեզ այստեղ կասեմ, որ Վրաստանը հետևում է հակամարտությունների կարգավորման խաղաղ քաղաքականությանը։ Ինչ վերաբերում է ինքնիշխանությանը, տարածքային ամբողջականությանը, մենք շատ հստակ նշել ենք, որ Վրաստանն ունի իր տարածքային ամբողջականությունը վերականգնելու խաղաղ ծրագիր։ Ցանկանում եմ շնորհակալություն հայտնել ԵԱՀԿ-ին և մյուս մասնակիցներին, ովքեր ակտիվորեն ներգրավված են միջնորդության գործընթացում։ Ժնևում միջազգային քննարկումները նաև այն հարթակն են, որը մենք ունենք Ռուսաստանի հետ հարաբերությունների համար։ Ուստի պետք է կրկնեմ, որ այս պատերազմը պետք է դադարեցվի։ Մենք տեսել ենք պատերազմի արդյունքը սեփական երկրում 2008 թվականին։ Չափազանց շատ մարդիկ են զոհվել, մենք ամբողջությամբ կորցրել ենք վերահսկողությունը մեր տարածքների նկատմամբ, իսկ Ռուսաստանը դեռևս ռազմաբազաներ ունի մեր տարածքում։ Սա շարունակական գործընթաց է, այն չի դադարեցվել։
Նշեմ նաև, որ 2008-ի պատերազմից հետո մենք չենք տեսել Ռուսաստանի դեմ պատժամիջոցների կիրառում։ Ընդհակառակը, մենք Ռուսաստանի հետ սովորական բիզնես տեսանք, ուստի ես կասեի, որ դա շատ վատ ազդանշան էր, որ պատժամիջոցները չհետևեցին մեր գործին։ Պետք է նշեմ, որ միջազգային հանրությունը պետք է ձեւավորվի, ինչպե՞ս ենք առաջ գնալու։ Եթե այս պատերազմը շարունակվի, նշանակում է, որ այն էլ ավելի կործանարար ուժ կունենա։ Ավելի շատ անմեղ մարդիկ կմահանան։ Աշխարհը պետք է վերջ տա այս պատերազմին»,- ասել է Իրակլի Ղարիբաշվիլին։Այս մասին տեղեկանում ենք Վրաստանի առաջին ալիքի կայքից։
Իրակլի Ղարիբաշվիլի. 2008 թվականի պատերազմից հետո մենք չտեսանք Ռուսաստանի դեմ պատժամիջոցների կիրառում, ընդհակառակը, Ռուսաստանի հետ բիզնեսը շարունակվեց սովորականի պես, ինչը շատ վատ ազդանշան էր
