ՌԴ ԱԳՆ ներկայացուցիչ Զախարովան անդրադարձել է նաև Ղարաբաղի վերաբերյալ ՀՀ վարչապետ Նիկոլ Փաշինյանի հայտարարություններին: «Ես այս հարցն ընդունում եմ միայն այն առումով, որ Ռուսաստանը միջնորդ է կարգավորման հարցում, և սրա հետ կապված մեզ համար կարևոր է թեմայի վերաբերյալ պետության, մասնավորապես՝ Հայաստանի հստակ դիրքորոշումը: Դա երկարատև հակամարտություն է և միջնորդական ջանքեր, որոնք իրականացվել են միջազգային կառույցների և տարածաշրջանային երկրների միջոցով։
Անշուշտ, առաջ շարժվելու համար, այդ թվում՝ ըստ ստորագրված փաստաթղթերի, անհրաժեշտ է հասկանալ պետության հստակ դիրքորոշումն այս հարցում։
Այս առումով Նիկոլ Փաշինյանի հայտարարությունը համարում ենք Պրահայի գագաթնաժողովի ժամանակ նրա որդեգրած դիրքորոշման հաստատում։ Այն ժամանակ Ֆրանսիայի և ԵՄ-ի հետ համատեղ հայտարարություն ընդունվեց՝ հղում անելով Ալմա Աթայի 1991 թ. հռչակագիրը: Պրահայի պայմանավորվածությունը նոր երանգ է հաղորդել Երևանի և Բաքվի միջև գործընթացին։ Ինչ վերաբերում է բուն խաղաղության պայմանագրի նախագծին, Հայաստանի և Ադրբեջանի արտգործնախարարների միջև Մոսկվայում կայացած բանակցությունների վերջին փուլը նպաստեց կողմերի փոխըմբռնման բարելավմանը և մոտեցրեց մի շարք հարցերի շուրջ նրանց դիրքորոշումները»,- ասել է Զախարովան:
Նիկոլ Փաշինյանի հայտարարությունը համարում ենք Պրահայի գագաթնաժողովի ժամանակ նրա որդեգրած դիրքորոշման հաստատում. Զախարովա
