Երկիրը հարստանում է ու հզորանում։ Եվս մեկ անգամ ուզում եմ ընդգծել, որ մենք դրանով նպաստում ենք կայունությանը։ Մենք ամրապնդում ենք մեր պետությունը,-ասել է Վրաստանի վարչապետ Իրակլի Ղարիբաշվիլին վրացական սփյուռքի օրվան նվիրված համաժողովում իր ելույթի ժամանակ:
Կառավարության ղեկավարը խոսել է տնտեսական ցուցանիշների մասին և նշել, որ վերջին երկու տարիներին երկիրը երկնիշ տնտեսական աճ է գրանցել, իսկ գործազրկությունն ու աղքատությունը պատմական նվազագույնի են։
«Հիմա ինչ վերաբերում է մեր երկրի զարգացմանը։ Ես այդ մասին կխոսեմ միայն թվերով ու փաստերով։ Մեր երկրի տնտեսությունը վերջին երկու տարիներին աճում է, և մենք ունենք երկնիշ տնտեսական աճ։ Արդյունքում մեր տնտեսությունը տարեվերջին կկազմի 80 մլրդ լարի։ Ինչը կազմում է մոտ 25 միլիարդ դոլար։ Մեկ շնչի հաշվով սա 8000 դոլար է: Ընդամենը երկու տարի առաջ մեր տնտեսությունը 50 միլիարդ լարի էր՝ 2020թվականին: Ֆինանսների նախարարն այստեղ է, և նա կհամաձայնի ինձ հետ։ Այսինքն՝ 2-3 տարի հետո գրեթե 30 միլիարդ լարիի աճ կլինի։ Այստեղ նշեմ, որ մենք նաև ուժեղացրել ենք ազգային արժույթը, այն կայուն է, և մեր երկրի զարգացումն ընթանում է ճիշտ ուղղությամբ։ Նշեմ նաև, որ մեր երկրի պաշարները գտնվում են պատմական առավելագույնի վրա։ Ամեն ամիս Ազգային բանկը գնում է մոտ 200-300 մլն դոլար։ Մեր երկրի ազգային պահուստները գերազանցել են հինգ միլիարդը։ Այսինքն՝ երկիրը հարստանում է ու հզորանում։ Ուզում եմ նշել, որ մենք դրանով նպաստում ենք կայունությանը։ Ամրապնդելով մեր պետությունը՝ մենք վերջին երկու տարում ստեղծել ենք ավելի քան 220 հազար նոր աշխատատեղ։ Գործազրկությունն ու աղքատությունը պատմական նվազագույնի են», – ասել է վարչապետը։Այս մասին տեղեկանում ենք Վրաստանի առաջին ալիքի կայքից։
Իրակլի Ղարիբաշվիլի. Երկիրը հարստանում է, մենք դրանով նպաստում ենք կայունությանը, հզորացնում ենք մեր պետությունը
