Հայաստանի ԱԳՆ-ն X-ի իր էջում հիշատակել է Մարաղայի ջարդերի զոհերին:
«32 տարի առաջ այս օրը Լեռնային Ղարաբաղի Մարաղա քաղաքում հայերի դեմ իրականացված ջարդերը դարձան Ադրբեջանի էթնիկ զտումների քաղաքականության ևս մեկ մասը։ Ավելի քան 50 խաղաղ բնակիչ դաժանաբար սպանվեց, շատերը գերի ընկան, մնացած շուրջ 5000 հայ բնակչություն բռնի տեղահանվեց։
Այն փաստագրված է իրավապաշտպան կազմակերպությունների զեկույցներում, ինչպիսիք են Amnesty International-ը և Human Rights Watch-ը:
Մենք հարգանքի տուրք ենք մատուցում անմեղ զոհերի հիշատակին և շեշտում ենք նման քաղաքականությունը կանխելու հրամայականը»,- ասված է հաղորդագրության մեջ: