Չինաստանի ԱԳՆ խոսնակը լրագրողների հետ ճեպազրույցում անդրադարձել է ԱՄՆ նախագահ Դոնալդ Թրամփի հայտարարությանը, որ Պեկինը կարող է կառուցողական դեր խաղալ ռուս-ուկրաինական հակամարտության կարգավորման գործում:
Մաո Նինգը հայտարարել է՝ երկխոսությունը ուկրաինական ճգնաժամի կարգավորման միակ կենսունակ միջոցն է:
«Ուրախ ենք տեսնել, որ բոլոր կողմերը պայմաններ են ստեղծում ապաէսկալացիայի համար։ Չինաստանը կշարունակի աջակցել խաղաղ բանակցություններին և պատրաստ է կապ պահպանել կողմերի հետ»,- նշել է Չինաստանի ԱԳՆ խոսնակը:
Լրագրողի հարցին՝ արդյոք Թրամփը քննարկե՞լ է այդ հարցը Սի Ծինփինի հետ՝ Մաո Նինգը միայն կրկնել է՝ Պեկինը պատրաստ է կապ պահպանել բոլոր կողմերի հետ: