«Ալտ-Ինֆո» Պահպանողական շարժում կուսակցությունը նախատեսում է գրասենյակ բացել Ախալցխայում։ Այս տեղեկությունը հաստատել է կուսակցության հիմնադիրներից Զուրաբ Մախարաձեն։ Նրա խոսքով, գրասենյակը պաշտոնապես կբացվի մոտ ժամանակներս, իսկ ներկայումս ընթանում են նախապատրաստական աշխատանքները։
Մինչ կուսակցությունը պաշտոնապես կբացի իր գրասենյակը տարածաշրջանում և կսկսի շփվել պոտենցիալ ընտրողների հետ, մեզ հետաքրքրում էր, թե քաղաքական կուսակցությունների տեղական ներկայացուցիչներն ինչպես կգնահատեն Պահպանողական շարժման որոշումը, հատկապես ազգային փոքրամասնություններով բնակեցված տարածաշրջանում։
Որովհետև ATL-Info-ն համարվում է որպես ռուսական քարոզչության և ապատեղեկատվության տարածող ուժ: Ախալցխայի «Լելո» գրասենյակի ներկայացուցիչ Մանուչար Չաչանիձեն կուսակցությունն անվանում է «պուտինյան»։
«Կարծում եմ, որ սա պետության թուլությունն է, մասնավորապես նման կուսակցությունների ի հայտ գալը, թե կոնկրետ տվյալ կուսակցության մասին եք հարցնում ապա դա Պուտինի կուսակցություն է, և այդ ամենը հաստատվում է տվյալ կուսակցության գործողություններով»,- ասում է Մանուչար Չաչանիձեն։
Ախալցխայի սակրեբուլոյի «Միացյալ ազգային շարժում» խմբակցության պատգամավոր Դավիթ Ախալկացին մեզ հետ զրույցում ասաց, որ կուսակցությունները նման գաղափար ունեն։ Նրանք կարող են սկսել աշխատել ազգային փոքրամասնությունների ներկայացուցիչների հետ, քանի որ էթիկական տեսանկյունից հայերի եկամտի աղբյուրներից մեկը Ռուսաստանն է։
«Դա կարող է շատ վտանգավոր լինել մեր երկրի համար։ Եթե մեր հասարակությունը թույլ տա, հնարավոր է, որ մի քանի տարի հետո այստեղ՝ մեր երկրում, ստեղծվի ու բացվի Կրեմլյան «Եդինայա Ռոսիա» կուսակցությունը»։
Մեր տարածաշրջանի էթնիկ փոքրամասնությունների եկամտի աղբյուրներից մեկը Ռուսաստանն է։ Հետեւաբար, երեւի ամեն միջոց օգտագործում նման ընտրողների վրա ազդելու համար»։
«Գլխավորը սահմանադրական շրջանակներից դուրս չգալն է»,- ասում է «Եվրոպական Վրաստանի» ներկայացուցիչ Մակա Բերիձեն։ «Որպես ընտրող ինձ համար սա տհաճ և անընդունելի է, քանի որ մենք գիտենք, թե ովքեր են կանգնած սրա հետևում և ինչքան վատ բան կարող են անել, բայց որպես կուսակցության ներկայացուցիչ կարող եմ ասել, որ մենք ժողովրդավարական երկիր ենք, և բոլորը կարող են ստեղծել կուսակցություն և աշխատանք։ Չեմ կարծում, որ ապատեղեկատվություն կարող են տարածել, որովհետեւ շատ կազմակերպություններ արդեն աշխատում են մեդիագրագիտության ոլորտում, բայց վտանգը դեռ կա»։
Ախալցխայի քաղաքապետ Իրակլի Լազարաշվիլին կուսակցության մասին տեղեկություն չունի և չի կարող գնահատական տալ։ «Ես տեղեկություն չունեմ, գիտեմ նրանց նպատակներն ու տեսլականները, ուստի չեմ կարող մեկնաբանել»:
Հիշեցնենք, որ Alt-Info-ն ասոցացվում է հուլիսի 5-6-ը տեղի ունեցած բռնության փաստերի հետ։ Alt-Info-ն Վրաստանում համարվում է ռուսական քարոզչության և ապատեղեկատվության տարածող: