Հունգարիան հայտարարել է հակաքայլերի մասին, երբ Ուկրաինան արգելել է Лукойл-ից ռուսական նավթի տարանցումն իր տարածքով։ «Մենք կարգելափակենք Խաղաղության եվրոպական հիմնադրամից միջոցների հատկացումը, քանի դեռ Ուկրաինան չի լուծել Лукойл-ի խնդիրը»,- հունգարական ATV հեռուստաալիքին ասել է արտգործնախարար Պետեր Սիյարտոն: Ըստ Հունգարիայի՝ խոսքը 6,5 միլիարդ եվրոյի մասին է, որը պետք է ծախսվի Ուկրաինային զենք ու զինամթերք մատակարարելու համար։…

Ֆրանսիայի ժամանակավոր կառավարությունը կշարունակի աշխատել առնվազն մինչև Փարիզի оլիմպիական խաղերի ավարտը։ Այդ մասին հայտարարել է հանրապետության նախագահ Էմանուել Մակրոնը։ Վարչապետի առաջադրման վերաբերյալ բանակցությունները ձգձգվել են, և չնայած Մակրոնի ելույթից մի քանի ժամ առաջ ձախերը համաձայնել էին Փարիզի քաղաքապետարանի աշխատակցուհի Լյուսի Կաստեի թեկնածությանը, նախագահն ընդգծել է, որ оլիմպիական խաղերի ժամանակ անհրաժեշտ է «քաղաքական հրադադար» կնքել: «Մինչև օգոստոսի…

ԱՄՆ Գաղտնի ծառայության ղեկավար Քիմբերլի Չիթլը հրաժարական է ներկայացրել, քանի որ իր գլխավորած գերատեսչությունը չի կարողացել կանխել ԱՄՆ նախագահի թեկնածու Դոնալդ Թրամփի դեմ մահափորձը: Ավելի վաղ ԱՄՆ Կոնգրեսի Ներկայացուցիչների պալատի վերահսկողության և հաշվետվողականության հանձնաժողովի լսումների ժամանակ նա խոստովանել է, որ մահափորձը Գաղտնի ծառայության մեծ ձախողումն էր, և որ այն հնարավոր էր կանխել: Լսումներին մասնակցած մի…

Ուկրաինայի արտգործնախարար Դմիտրո Կուլեբան իր չինացի գործընկեր Վան Իի հրավերով ժամանել է Չինաստան։ «Բանակցությունների թեման մեկն է լինելու՝ խաղաղությունն Ուկրաինայում։ Գործընթացում անհրաժեշտ է գտնել ընդհանուր եզրեր և խուսափել խաղաղ ծրագրերի մրցակցությունից»,- հայտարարել է Կուլեբան: Ուկրաինայի արտաքին քաղաքական գերատեսչության հաղորդագրության մեջ էլ ասվում է, որ բանակցությունների հիմնական թեման կլինի «հակամարտության դադարեցման ուղիների որոնումը և Չինաստանի հնարավոր…

Ադրբեջանը հրավեր չի ուղարկել Եվրոպայի խորհրդի խորհրդարանական վեհաժողով (ԵԽԽՎ)՝ դիտարկելու սեպտեմբերի 1-ին կայանալիք Միլի Մեջլիսի արտահերթ ընտրությունը: Այդ մասին հայտնել են ադրբեջանական լրատվամիջոցները՝ վկայակոչելով դիվանագիտական աղբյուրները։ Նշվում է, թե ԵԽԽՎ հրավեր չուղարկելու հիմնական պատճառը այն է, որ Եվրոպայի խորհուրդը, իբր, կանխակալ վերաբերմունք ունի Ադրբեջանի նկատմամբ: Հիշեցնենք, որ հունվարի 24-ին Ադրբեջանի պատվիրակությունը վեհաժողովի նիստում հայտարարել էր…

Ադրբեջանի նախագահ Իլհամ Ալիևը հաստատել է Ընտանեկան օրենսգրքի փոփոխությունները, որոնք մերձավոր ազգականների միջև ամուսնությունների արգելք են նախատեսում: Ընտանեկան օրենսգրքի հոդվածում, որում ամրագրված են ամուսնության կնքմանը խոչընդոտող հանգամանքները, ավելացել է երկու կետ, որոնք արգելում են նման ամուսնությունները:

Պաղեստինի ՖԱԹՀ և ՀԱՄԱՍ կուսակցությունները միասնության և հարաբերությունների ամրապնդման համաձայնագիր են ստորագրել Պեկինում: Այդ մասին հայտնել է Associated Press գործակալությունը՝ հղում անելով Չինաստանի պետական հեռուստաընկերությանը:    Ըստ Չինաստանի արտգործնախարարության՝ այդպիսի որոշում կայացվել է Իսրայելի և ՀԱՄԱՍ կուսակցության միջև 2023 թ. հոկտեմբերի 7-ից ընթացող պատերազմի ֆոնին: Չինաստանի արտգործնախարար Վան Ին նշել է, որ փաստաթուղթն ուղղված է…

Եվրոպական Միությունն առաջին անգամ աջակցություն է ցուցաբերում Հայաստանին Խաղաղության եվրոպական հիմնադրամի միջոցով՝ X-ի իր միկրոբլոգում գրել է Եվրախորհրդարանի պատգամավոր Նատալի Լուազոն: «Ես ուրախ եմ այս որոշման կապակցությամբ, որի համար ես պայքարել եմ ամիսներ շարունակ»,- գրել է Լուազոն։

Ռուսաստանի արտաքին գործերի նախարարի տեղակալ Ալեքսանդր Գրուշկոն Մոսկվայում խորհրդակցություններ է անցկացրել Ադրբեջանի արտաքին գործերի նախարարի տեղակալ Սամիր Շարիֆովի հետ: ՌԴ ԱԳՆ-ից հայտնել են, որ կողմերը քննարկել են Հարավային Կովկասում և հարակից տարածաշրջաններում առկա իրավիճակը: Մտքեր են փոխանակվել ԵՄ-ի, ՆԱՏՕ-ի, ԵԱՀԿ-ի և Եվրոպայի խորհրդի վերաբերյալ: Անդրադարձ է կատարվել երկկողմ և միջազգային փոխադարձ հետաքրքրություն ներկայացնող մի շարք…

Արևելյան գործընկերության Քաղաքացիական հասարակության ֆորումը ողջունել է Հայաստանի հետ վիզային ռեժիմի ազատականացման շուրջ բանակցություններ սկսելու Եվրոպական Միության որոշումը: «Դրանց ավարտից հետո ՀՀ քաղաքացիները կկարողանան այցելել Եվրամիություն կարճաժամկետ այցերով՝ առանց վիզաների։ Սա կարևոր հանգրվան է ԵՄ-Հայաստան հարաբերություններում, որը մերձեցնում է Արևելյան գործընկերությունը»,- նշված է ֆորումի X-ի միկրոբլոգում: We welcome #EU decision to start visa liberalisation talks with…

Ուրախ եմ այն լավ լուրի կապակցությամբ, որ Հայաստանը հասանելիություն կունենա Խաղաղության եվրոպական հիմնադրամին՝ X-ի իր միկրոբլոգում գրել է Ֆրանսիայի նախկին արտգործնախարարը։ «Սա ֆրանսիական վաղեմի նախաձեռնության գագաթնակետն է։ Շնորհավորում եմ Ստեֆան Սեժուրնեին՝ այն ավարտին հասցնելու համար: Ֆրանսիան աջակցում է Հայաստանին»,- գրել է Կատրին Կոլոննան։

Ուկրաինայի փոխվարչապետ Օլգա Ստեֆանիշինան հայտարարել է, որ ռուսախոս քաղաքացիների իրավունքները պաշտպանելն ապակայունացնող է: Ուկրաինական իշխանությունը կարևոր չի համարում ռուսերենը երկրի տարածքում ռուս քաղաքացիների ցանկությամբ պահպանելը: Ըստ փոխվարչապետի՝ Ուկրաինայում քաղաքացիների հանդեպ չկա օրենսդրական խտրականություն, իսկ ուկրաիներենի պահպանումն անհրաժեշտություն է՝ այդ մասին հայտնել են ռուսական լրատվամիջոցները: «Ուզում եմ նշել, որ ռուս քաղաքացիներն ունեն նույնչափ իրավունքներ և սահմանափակումներ,…

Ռուսաստանն ու Իրանը ավարտել են համապարփակ ռազմավարական գործընկերության մասին պայմանագրի նախապատրաստումը, ստորագրումը տեղի կունենա մոտ ժամանակներս: Այդ մասին հայտարարել է ՌԴ փոխարտգործնախարար Անդրեյ Ռուդենկոն։ Այժմ երկու երկրները սկսում են ներպետական ընթացակարգերը, որոնք անհրաժեշտ են բարձր մակարդակով առաջիկա շփումների շրջանակում պայմանագիրը ստորագրման նախապատրաստելու համար: Ավելի վաղ IRNA գործակալությունը հայտնել էր, որ Իրանի նորընտիր նախագահ Մասուդ Փեզեշքիանը…

Նիդերլանդների արտգործնախարար Կասպար Վելդկամպը ողջունել է ԵՄ Խորհրդի կողմից Հայաստանի Զինված ուժերին աջակցության միջոցի ընդունումը։ «Սա առաջին դեպքն է, երբ Եվրամիությունը որոշել է աջակցել Հայաստանին խաղաղության եվրոպական հիմնադրամի միջոցով: Սա կարևոր քայլ է՝ ուղղված երկրի դիմակայունության բարձրացմանը»,- նշված է նախարարի X-ի միկրոբլոգում։ I welcome the @EUCouncil‘s adoption of this assistance measure in support of the…

Իրանը և Սուդանը վերականգնել են դիվանագիտական հարաբերությունները և դեսպաններ նշանակել։ Երկու երկրները դեսպանությունները փակել էին 2016 թվականին, երբ Սուդանը միացել էր Եմենի հութիների դեմ դաշինքին։ Իրանն ու Սուդանը հարաբերությունների վերականգնման բանակցությունները սկսել էին 2023 թվականին։ Լրատվամիջոցները գրում էին, որ Սուդանն Իրանից ԱԹՍ-ներ է ստանում, սակայն 2024 թվականի մարտին Սուդանը հերքել էր Թեհրանից ռազմական օգնություն ստանալը։

ՆԱՏՕ-ի գլխավոր քարտուղար Ենս Ստոլտենբերգը Խավիեր Կոլոմինային նշանակել է Հարավային հարևանության ՆԱՏՕ-ի հատուկ ներկայացուցիչ: Մինչ այդ Կոլոմինան զբաղեցնում էր Հարավային Կովկասում և Կենտրոնական Ասիայում կազմակերպության հատուկ ներկայացուցչի պաշտոնը։ «Մերձավոր Արևելքի, Հյուսիսային Աֆրիկայի և Սահելի շրջանները կարևոր են Հյուսիսատլանտյան դաշինքի համար: Խավիեր Կոլոմինան ՆԱՏՕ-ի գործընկերների հետ փոխգործակցության մեծ փորձ ունի։ Նրա նշանակումը է՛լ ավելի կամրապնդի ՆԱՏՕ-ի…

Եվրախորհրդարանի պատգամավոր Միրիամ Լեքսմանը ողջունել է Եվրամիություն-Հայաստան վիզային ռեժիմի ազատականացման հարցով երկխոսություն սկսելու և Խաղաղության եվրոպական հիմնադրամից Հայաստանին աջակցություն ցուցաբերելու մասին ԵՄ խորհրդի որոշումները։ «Վերջապես Խորհուրդն իմաստուն և ռազմավարական որոշումներ կայացրեց: Ես անկեղծորեն ողջունում եմ Հայաստանի հետ մեր երկկողմ հարաբերությունների ամրապնդումը և աջակցում եմ բարեփոխումներին»,- նշել է Լեքսմանը X-ի իր միկրոբլոգում։ Some wise and strategic…

ԱՄՆ փոխնախագահ Քամալա Հարիսը բավականաչափ ձայներ է հավաքել նախագահի ընտրություններում առաջադրվելու համար։ Associated Press գործակալության տվյալով՝ Հարիսը ստացել է 2538 դեմոկրատ պատվիրակների աջակցությունը, ինչը զգալիորեն գերազանցել է առաջադրման համար անհրաժեշտ 1976 ձայնը: Դեմոկրատական կուսակցության ազգային կոմիտեի նախագահ Ջեյմի Հարիսոնը հայտարարել է, որ նախագահի թեկնածուն կառաջադրվի մինչև օգոստոսի 7-ը: ԱՄՆ նախագահ Ջո Բայդենը հուլիսի 21-ին հայտարարել…

Եվրամիություն-Հայաստան վիզային ռեժիմի ազատականացման շուրջ երկխոսություն սկսելու և Խաղաղության եվրոպական հիմնադրամից Հայաստանին աջակցություն ցուցաբերելու որոշումները կարևոր քայլ են ԵՄ-Հայաստան հարաբերություններում: Այդ մասին նշված է Լատվիայի արտգործնախարարության X-ի միկրոբլոգում։ «Ժողովրդավարության, խաղաղության և բարգավաճման ուղղությամբ աշխատանքները կշարունակվեն»,- նշված է գերատեսչության գրառման մեջ։

Վրաստանը, Ադրբեջանը, Թուրքմենստանը և Ռումինիան կստեղծեն Կասպից-Սև ծով տրանսպորտային երթուղի։ Քառակողմ միջկառավարական համաձայնագիրը կստորագրվի սեպտեմբերին՝ Բուխարեստում, հաղորդում է Թուրքմենստանի արտաքին գործերի նախարարությունը։ Ծրագրի գաղափարը Ռումինիայի կողմից բարձրաձայնվել էր դեռ 2018 թվականի հուլիսին, սակայն կորոնավիրուսային համավարակի պատճառով դրա իրականացումը հետաձգվել էր։ Նախագծի նկատմամբ արդեն իսկ հետաքրքրություն են ցուցաբերում Թուրքիան, Բուլղարիան և Ուկրաինան։

ԵՄ խորհուրդն այսօր համաձայնել է Խաղաղության Եվրոպական հիմնադրամի միջոցով աջակցություն ցուցաբերել Հայաստանի դիմակայունության բարձրացմանը և ՀՀ հետ վիզային ռեժիմի ազատականացման շուրջ երկխոսություն սկսելուն։ Այդ մասին հաղորդում է ԵՄ-ում Չեխիայի պատվիրակությունը։ «Այս կարևոր որոշումներն աջակցում են երկրին, որը, չնայած ՌԴ ճնշմանը, ընտրել է բարեփոխումների ու ժողովրդավարության ուղին»,- հայտարարել է պատվիրակությունը։

Ֆրանսիայի նախագահ Էմանուել Մակրոնն օլիմպիական խաղերի ժամանակ կողմերին «քաղաքական հրադադար» է առաջարկել՝ նշելով, որ այս պահին ուշադրությունը պետք է կենտրոնացնել սպորտի վրա, ոչ թե քաղաքականության։ Նախագահը նշել է, որ հունիսին Ազգային ժողովի լուծարումը բացասաբար չի ազդել խաղերի վրա, ինչի համար իրեն ավելի վաղ մեղադրել էին ընդդիմությունն ու քաղաքապետարանը: «Սա «հրադադարի» մի տեսակ է»,- ասել է…

Եվրոպական խորհրդի՝ արտաքին գործերի նախարարներն այսօր քննարկել են Հայաստանի հետ վիզային ռեժիմի ազատականացման շուրջ երկխոսության հարցը՝ տալով դրական եզրակացություն: Այդ մասին նշված է խորհրդի տարածած հաղորդագրությունում: «Եվրոպական Խորհուրդը ողջունում է Հանձնաժողովի մտադրությունը Հայաստանի հետ վիզային ռեժիմի ազատականացման շուրջ երկխոսություն սկսելու և երկխոսության փուլերում, այդ թվում՝ չափանիշների սահմանման և դրանց իրականացման գնահատման գործընթացում, Խորհրդին և անդամ…

ԵՄ բարձրագույն քաղաքական մարմնի ապագա ղեկավար Անտոնիու Կոշտան ժամանել է Իտալիա՝ բանակցելու վարչապետ Ջորջիա Մելոնիի հետ: ԵՄ անդամ երկրների 27 առաջնորդներից նա միակն է եղել, որը դեմ է քվեարկել Կոշտայի նշանակմանը: Չնայած դրան՝ Պորտուգալիայի նախկին վարչապետ սոցիալիստն իր «շնորհանդես-շրջագայությունը» եվրոպական մայրաքաղաքներով որոշել է սկսել Հռոմից և հայտարարել է, որ իր աշխատանքում հաշվի է առնելու նաև…

Իսրայելի վարչապետ Բենիամին Նեթանյահուի՝ ԱՄՆ մեկնելուց առաջ Թել Ավիվի «Բեն Գուրիոն» օդանավակայանում հարյուրավոր ցուցարարներ բողոքի ակցիա են անցկացրել։ Այդ մասին հայտնել է իսրայելական Haaretz թերթը։ Ցուցարարները վարչապետին կոչ են արել չմեկնել Վաշինգտոն, քանի դեռ համաձայնություն ձեռք չի բերվել Գազայի հատվածում արմատական ​​իսլամիստական ​​ՀԱՄԱՍ շարժման կողմից պահվող իսրայելցի պատանդներին ազատ արձակելու վերաբերյալ։ Հաղորդվում է, որ ցուցարարների…

ՀԱՄԱՍ-ի դեմ ինտենսիվ գործողության վերսկսման նախաշեմին Իսրայելի իշխանությունները պաղեստինցիներին հրամայել են լքել Գազայի հատվածի հումանիտար գոտին, որտեղ նրանք պատսպարվում են ռազմական գործողություններից: Իսրայելը հայտարարել է, որ ծրագրում է գործողություն սկսել զինյալների դեմ, որոնք հաստատվել են այդ տարածքում և այն օգտագործում են հրեական պետության ուղղությամբ հրթիռներ արձակելու համար: Ամսվա սկզբին Իսրայելը հայտարարել էր, որ մոտ մեկ…