ԵՄ արտաքին հարաբերությունների ծառայությունն արձագանքել է ՀՀ Սյունիքի մարզի Տեղ գյուղում ադրբեջանական ԶՈՒ հերթական սադրանքին: «ԵՄ-ն ափսոսանք է հայտնում Տեղ գյուղի շրջանում զինված բախումների կապակցությամբ, ինչը հանգեցրել է հայ և ադրբեջանցի մի քանի զինծառայողի զոհվելուն և վիրավորվելուն։ Այս միջադեպը ևս մեկ անգամ ընդգծում է, որ սահմանազատված սահմանի բացակայության պայմաններում հարկավոր է հարգել 1991 թ. գիծը։…

ԱՄՆ ԿՀՎ ղեկավար Ուիլյամ Բերնսը հայտարարել է, որ ՌԴ նախագահ Վլադիմիր Պուտինը լուրջ չի վերաբերվում ուկրաինական հակամարտության բանակցություններին։ Այսպես է նա գնահատել Ռուսաստանի ղեկավարի պատրաստակամությունը բանակցային գործընթացին, նրա խոսքը ներկայացրել է CNN-ը։ Ամերիկյան հետախուզության ղեկավարի կարծիքով՝ Ուկրաինայի զինված ուժերի հաջողությունները մարտի դաշտում կարող են դիվանագիտական ​​կարգավորման հեռանկարներ ստեղծել։ Նա ընդգծել է, որ ռուսական կողմը կրկնապատկել…

Հղում անելով Պենտագոնի գաղտնի փաստաթղթերին, որոնք հայտնվել են համացանցում, Reuters-ը գրում է, որ  Սերբիայի կառավարությունը հնարավոր է համարում մահաբեր զենքի մատակարարումն Ուկրաինայի զինված ուժերին։ Ըստ այդ փաստաթղթերի՝ Սերբիան ընդունել և դրական է համարել Ուկրաինայի զինված ուժերին զենք մատակարարելու հարցում երկրում ռազմական հնարավորությունների և քաղաքական կամքի առկայությունը: Բելգրադը, սակայն, հրաժարվել է վերապատրաստել ուկրաինացի զինվորականներին: Ավելի վաղ…

Վրաստանում ՀՀ դեսպանությունից տեղեկացնում են, որ Վերին Լարս անցակետի ռուսական հատվածում առկա տեխնիկական խնդրի պատճառով բարդություններ են առաջացել անցակետը հատող մեքենաների մաքսային ձևակերպումների հետ կապված:   «Վրաստանում ՀՀ դեսպանությունը և Դոնի Ռոստովում ՀՀ գլխավոր հյուպատոսությունը հարցի առնչությամբ մշտական կապի մեջ են համապատասխան երկրների պատկան գերատեսչությունների հետ:   Աշխատանքներ են տարվում խնդրի շուտափույթ կարգավորման ուղղությամբ»,- ասված…

Երեքշաբթի Աստանայում բերման են ենթարկվել 126 նավթային աշխատողներ, որոնք հավաքվել են էներգետիկայի նախարարության շենքի մոտ՝ աշխատանք պահանջելով, հայտնել է գլխավոր դատախազի տեղակալ Ժանդոս Ումիրալիևը։ «Ընդհանուր առմամբ, մոտ 120-126 մարդ է բերման ենթարկվել: Նրանք բոլորն այժմ ազատ են արձակվել»,- ասել է Ումիրալիևը: Նրա խոսքով՝ ապօրինի գործողության 5 մասնակիցների նկատմամբ կիրառվել է կարգապահական տույժ՝ նախազգուշացման տեսքով։ Լրատվամիջոցները…

Սամցխե-Ջավախքի մեդիա վերլուծական կենտրոնի տնօրեն Էդուարդ Այվազյանը՝ հայ-ադրբեջանական ռազմական վերջին զարգացումների մասին։

ՀՀ հատուկ հանձնարարություններով դեսպան Էդմոն Մարուքյանը Թվիթերի իր միկրոբլոգում անդրադարձել է հայ-ադրբեջանական սահմանի իրադրությանը: «ՀՀ պաշտպանության նախարարությունը տեսանյութ է հրապարակել, որում երևում է, թե ինչպես են Ադրբեջանի զինված ուժերի զինծառայողները սադրանքի նպատակով անցնում ինժեներական աշխատանքներ իրականացնող ՀՀ զինված ուժերի զինծառայողների կողքով և կրակ բացում նրանց ուղղությամբ՝ սպանելով 4 և ծանր վիրավորելով 6 զինծառայողի: Ադրբեջանի իրականացրած…

Եվրոպական Միությունը հետաքրքրված է տարածաշրջանում անվտանգության, կայունության և խաղաղության պահպանմամբ: Այս մասին հայտարարել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը «Հարավային Կովկասի անվտանգությունը. ո՞րն է ԵՄ-ի դերը» միջազգային վեբինարի շրջանակում: «ԵՄ-ն Հարավային Կովկասի երկրների հետ աշխատում է ոչ թե ինչ-որ մեկին դեմ գնալու համար, այլ որովհետև այս տարածաշրջանը կարևոր է…

Շրջակա միջավայրի ազգային գործակալության տվյալներով՝ ապրիլի 12-ին և 13-ին Վրաստանի շրջանների զգալի մասում սպասվում է անձրև և ամպրոպ, բարձր լեռնային շրջաններում՝ ձյուն, տեղ-տեղ ուժեղ քամի։ Արևելյան Վրաստանում հնարավոր է կարկուտ։ Հորդառատ անձրևի պատճառով հնարավոր է նաև Վրաստանում գետերում ջրի մակարդակի բարձրացում, ինչպես նաև Հանրապետության լեռնային շրջաններում սողանքային գործընթացների  ակտիվացում և լեռնային շրջաններում ձնահոսքի ձևավորում։ …

Հայաստանի հատուկ հանձնարարություններով դեսպան Էդմոն Մարուքյանը գրառում է կատարել Twitter-ի իր միկրոբլոգում՝ անդրադառնալով Ադրբեջանի սանձազերծած ագրեսիային: «Ադրբեջանը շարունակում է Հայաստանի դեմ չհրահրված, չարդարացված ագրեսիան, քանի որ որպես ագրեսոր պետություն Ադրբեջանի նկատմամբ պատժամիջոցներ չեն կիրառվել, և նրա գործողությունները պատշաճ կերպով չեն դատապարտվել միջազգային հանրության կողմից»,- գրել է Մարուքյանը:   Azerbaijan continues unprovoked unjustified aggression against Armenia,…

Ռուսական ուժերը վերահսկում են Բախմուտի տարածքի ավելի քան 75 տոկոսը՝ հայտարարել է Դոնեցկի ղեկավարի պաշտոնակատար Դենիս Պուշիլինը: Նա նշել է, որ դեռ վաղ է խոսել ամբողջական վերահսկողության մասին. քաղաքի արևմտյան հատվածում կատաղի մարտերը շարունակվում են։ Պուշիլինը հավելել է, որ «Վագներ» մասնավոր ռազմական ընկերության ծառայողները ավելի վաղ դրոշ են բարձրացնել Բախմուտի վարչական շենքի վրա։ Ընկերության ղեկավար…

Վրաստանի վարչապետ Իրակլի Ղարիբաշվիլին, մեկնաբանելով օրեր առաջ վրացի 4 դատավորների դեմ Վաշինգտոնի սահմանած պատժամիջոցները, իր լիակատար աջակցությունն է հայտնել դատավորներին: Նա զգուշացրել է, որ երկրի դատական համակարգի աշխատանքին ցանկացած միջամտություն անընդունելի է։ «ԱՄՆ պետքարտուղարության որոշումը հիմնավորող որևէ ապացույց չենք տեսել»,- նշել է Ղարիբաշվիլին։ Վրաստանի նախագահ Սալոմե Զուրաբիշվիլին ավելի վաղ մտավախություն էր հայտնել, որ չորս բարձրաստիճան…

Կազմակերպված հանցավորության և կոռուպցիայի լուսաբանման նախագիծը (OCCRP) հոդված է հրապարակել, որում ներկայացրել է սոցիալական ցանցերում Ադրբեջանի լրագրողների և ակտիվիստների անձնական տվյալների և լուսանկարների հանրայնացման դեպքեր: Նշվում է, որ շատ ադրբեջանցիներ ենթադրում են, որ դա երկրի իշխանությունների ձեռքի գործն է. այդպիսով նրանք փորձում են վրեժ լուծել իրենց ընդդիմախոսներից:   Անդրադարձ է կատարվում ադրբեջանցի ակտիվիստ Բախտիար Հաջիևին,…

Ռուսաստանի և Ուկրաինայի օդային տարածքը փակ կմնա դեպի Եվրոպա թռիչքների համար մինչև 2029 թվականը: Նման կարծիք են հայտնել Օդային նավիգացիայի անվտանգության եվրոպական կազմակերպությունից (Eurocontrol): Ուկրաինայում Ռուսաստանի կողմից ռազմական գործողությունների մեկնարկից հետո Եվրամիության երկրները, ԱՄՆ-ը և Կանադան փակել են օդային տարածքը ռուսական ավիաընկերությունների համար։ Մեծ Բրիտանիան արգելել է «Աերոֆլոտ»-ի և ռուսական մասնավոր ինքնաթիռների թռիչքները: Ի պատասխան՝…

Ադրբեջանը 2023 թվականի հունվար-մարտ ամիսներին ավելացրել է գազի արտահանումը 11,2 %-ով՝ հասցնելով 6,5 մլրդ խ.մ-ի: Այս մասին հայտնել է Ադրբեջանի էներգետիկայի նախարար Փարվիզ Շահբազովը։ Նա տեղեկացրել է, որ 2023 թվականի հունվար-մարտ ամիսներին ադրբեջանական գազի արտահանումը Եվրոպա կազմել է 2,9 մլրդ խ.մ կամ Ադրբեջանից մատակարարումների 45%-ը։ Ներկայումս Եվրոպայում ադրբեջանական գազի գնորդներն են Իտալիան, Հունաստանը, Բուլղարիան և…

Ապրիլի 10-ին տեղի ունեցավ Վրաստանում ՀՀ դեսպան Աշոտ Սմբատյանի գլխավորած պատվիրակության այցը Վրաստանի Ծալկայի մունիցիպալիտետ։ Ծալկայում ՀՀ դեսպանը հանդիպում ունեցավ քաղաքապետ Իլիա Սաբաձեի և սակրեբուլոյի նախագահ Իրակլի Գիգինեիշվիլիի հետ։ Հանդիպմանն անդրադարձ կատարվեց Հայաստանի և Վրաստանի քաղաքների միջև ապակենտրոնացված համագործակցության ակտիվացման հնարավորություններին։ Այցի շրջանակներում դեսպանության պատվիրակությունը եղավ մունիցիպալիտետի մի շարք հայաբնակ գյուղերում (Դաշբաշ, Դարագյուղ, Այազմա, Նարդևան,…

Այսօր՝ ժամը 16:00-ի սահմաններում, Ադրբեջանի ԶՈՒ ստորաբաժանումները կրակ են բացել Տեղ համայնքի հատվածում ինժեներական աշխատանքներ իրականացնող ՀՀ ԶՈՒ զինծառայողների ուղղությամբ: Հայկական կողմը դիմել է պատասխան գործողությունների: Նախնական տվյալներով հայկական կողմն ունի զոհեր և վիրավորներ: Պաշտպանության նախարարությունը հանդես կգա լրացուցիչ հաղորդագրությամբ: Հաղորդագրությունը տարածում է ՀՀ ՊՆ-ը։

Ռուսաստանի արտգործնախարար Սերգեյ Լավրովը Ղազախստանի իր պաշտոնակից Մուրատ Նուրտլեուի հետ հանդիպումից հետո կայացած մամուլի ասուլիսի ընթացքում պատասխանել է լրագրողի այն հարցին, թե արդյոք Մոսկվան վախենո՞ւմ է ԱՄՆ-ի և Եվրամիության փոխգործակցությունից Ռուսաստանի հարևանների հետ: «Եթե խոսքն իսկապես միջազգային իրավունքին համապատասխան իրավահավասար, փոխշահավետ, թափանցիկ փոխգործակցության մասին է, ապա ոչ ոք ոչ մի մտավախություն չի կարող ունենալ։ Իսկ…

Ռուսաստանի Դաշնային ժողովի Պետդուման ապրիլի 11-ին կքննարկի «Զինապարտության և զինվորական ծառայության մասին» օրենքում նախատեսվող փոփոխությունները, որոնք վերաբերում են զինապարտների միասնական ռեեստրի ստեղծմանը: Այս մասին հայտարարել է Պետդումայի պաշտպանության հարցերով հանձնաժողովի ղեկավար Անդրեյ Կարտապոլովը: Նրա խոսքով՝ այս փոփոխություններն ուղղված են՝ շտկելու զինվորական հաշվառման թերությունները, որոնք ի հայտ են եկել 2022 թվականին։ Պաշտոնյան նշել է, որ օրինագծով…

«Հայփոստ» ընկերությունից հայտնում են՝ Վրաստանի մայրաքաղաք Թբիլիսիում  համագործակցության հուշագիր է ստորագրվել Վրաստանի փոստի հետ: Հուշագրով նախատեսվում է համագործակցության նոր ձևաչափեր մշակել և կյանքի կոչել նոր ծրագրեր. 1․  Վրաստանի Հանրապետությունից Հայաստանի Հանրապետություն և հակառակ ուղղությամբ փոստային առաքումների պայմանների բարելավում. 2. Երկու երկրների միջև սահմանային ծախսերի իջեցում, որը կհանգեցնի հաճախորդներին մատուցվող փոստային ծառայությունների սակագների երկկողմանի նվազեցման. 3․…

Արցախի Հանրապետության նախագահ Արայիկ Հարությունյանի հրամանագրով Գրիգորի Արկադիի Գաբրիելյանցը նշանակվել է ԱՀ պետական խորհրդական-հատուկ հանձնարարություններով դեսպան՝ ազատվելով պետական խորհրդականի պաշտոնից։ Այս մասին տեղեկացնում են Արցախի նախագահի աշխատակազմից:      

ԱՄՆ նախագահ Ջո Բայդենը հաստատել է երկրում կորոնավիրուսի պատճառով սահմանված արտակարգ դրությունը չեղարկելու մասին օրենքը՝ հայտնում են Սպիտակ տան մամուլի ծառայությունից։ Առողջապահության ոլորտում արտակարգ դրություն էր մտցվել 2020 թվականի մարտին՝ նախագահ Դոնալդ Թրամփի կողմից։ Այն թույլ էր տալիս ԱՄՆ վարչակազմին կորոնավիրուսի տարածման դեմ պայքարում լրացուցիչ ռեսուրսներ օգտագործել, այդ թվում՝ առանց Կոնգրեսի համաձայնության։

Արցախը Հայաստանին կապող միակ ճանապարհը Ադրբեջանի կողմից արգելափակելու պատճառով ԱՀ առողջապահության նախարարության «Հանրապետական բժշկական կենտրոն» ՓԲԸ-ից ուռուցքային հիվանդություններով, վիրահատական միջամտություններ և հետիմպլանտացիոն համուղղում պահանջող ախտաբանությամբ 15 անձ այսօր Կարմիր խաչի միջազգային կոմիտեի միջնորդությամբ և ուղեկցությամբ տեղափոխվել է ՀՀ մասնագիտացված բժշկական կենտրոններ։   10 բուժառու, որոնք պետական պատվերի շրջանակներում ուղեգրվել են ՀՀ բուժում ստանալու համար, ուղեկցողների…

Թբիլիսի-Սենակի-Լեսելիձե ավտոճանապարհի 147-րդ կմ-ում քարաթափման պատճառով առաջացել է ճանապարհի մաքրման անհրաժեշտություն, ինչի պատճառով նշված ճանապարհի 114-կմ 194 կմ (Ախալսոփելի երթևեկի հանգույց-Զեստափոնի) հատվածով ժամանակավորապես արգելվում է բոլոր տեսակի ավտոմեքենաների տեղաշարժը:  Այս մասին տեղեկացնում է Տարածաշրջանային զարգացման և ենթակառուցվածքների նախարարության ճանապարհների վարչությունը։ Գերատեսչությունից հայտնում են, որ մինչև ավտոճանապարհի մաքրումը կիրականացվի թեթև տրանսպորտային միջոցների երթևեկությունը կենցաղային նշանակության Գոմի-Սաչխերե-Ճիաթուրա-Զեստափոնի…

Արցախի Ռուսական խաղաղապահ զորախմբի հետ համագործակցության ապահովման կենտրոնը, փոխգործակցելով Արցախի Հանրապետությունում տեղակայված ռուսական խաղաղապահ զորախմբի հետ, ըստ ներկայացված դիմումների կազմակերպում է շփման գծին մոտ տարածքներում գյուղատնտեսական աշխատանքների անվտանգության ապահովումը։   Վերջին ժամանակահատվածում, հատկապես՝ Մարտունու և Ասկերանի շրջաններում, աշխատանքների կատարման վայրերին հարակից ադրբեջանական մարտական դիրքերից հաճախակի են արձանագրվում տարբեր տրամաչափի հրաձգային զինատեսակներով թիրախային կրակոցներ՝ խաթարելով գյուղատնտեսական…

Էր Ռիադում Սաուդյան Արաբիայի և Թուրքիայի արտաքին գործերի նախարարությունների միջև տեղի է ունեցել երկար տարիների ընթացքում քաղաքական խորհրդակցությունների առաջին փուլը՝ հայտնում են տեղական լրատվամիջոցները: Կողմերը քննարկել են տարբեր ոլորտներում գործակցության ընդլայնման ուղիները, ինչպես նաև միջազգային զարգացումները և տարածաշրջանում ստեղծված իրավիճակը: Նշվում է, որ Անկարան քաղաքական խորհրդակցություններ կանցկացնի նաև Եմենի և Քուվեյթի հետ։

Սիրիայի խնդրի շուրջ Թուրքիայի, Ռուսաստանի, Սիրիայի և Իրանի ԱԳ նախարարների հանդիպումը կարող է կայանալ մայիսի սկզբին Մոսկվայում: Այս մասին A Haber հեռուստաալիքի եթերում հայտարարել է Թուրքիայի ԱԳ նախարար Մևլութ Չավուշօղլուն։ Նրա խոսքով՝ նախարարները հանդիպմանը կքննարկեն այդ երկրների ղեկավարների բանակցությունների նախապատրաստումը: «Քառակողմ հանդիպումների նպատակը Սիրիայում կարգավորման մեխանիզմների, մասնավորապես՝ Աստանայի գործընթացի կարգավորումն ու վերականգնումն է։ Դրա շրջանակներում…

Ադրբեջանը հետաքրքրված է բոլոր երկրների, այդ թվում՝ Իրանի հետ բարիդրացիական հարաբերություններով և դրական է գնահատում երկու երկրների արտաքին գործերի նախարարների՝ ապրիլի 7-ի և 8-ի հեռախոսազրույցները: Այս մասին հայտարարել է Ադրբեջանի արտգործնախարարության խոսնակ Այխան Հաջիզադեն: Նրա խոսքով՝ Հոսեյն Ամիր Աբդոլլահիանը և Ջեյհուն Բայրամովը մանրամասն քննարկել են երկկողմ հարաբերությունները և դրանցում առկա խնդիրները: «Տարածքային ամբողջականության և ինքնիշխանության…

Արցախի տեղեկատվական շտաբից հայտնում են՝ Արցախի իշխանությունները Ռուսաստանի Դաշնության խաղաղապահ առաքելության միջոցով վերջիններիս տեղակայման վայրում և զորախմբի հրամանատարության միջնորդությամբ հանդիպում անցկացնելու առաջարկ են փոխանցել ադրբեջանական կողմին՝ հումանիտար բնույթի անհետաձգելի հարցեր քննարկելու համար։

Ֆրանսիայից ստացված տեղեկության համաձայն՝ փրկարարները 3 դիակ են հանել Մարսելի կենտրոնում փլուզված քառահարկ շենքի փլատակներից: Նրանք հայտնել են, որ դեռևս ողջ մարդիկ կան փլատակներում, և ամեն ինչ անելու են նրանց փրկելու համար, գրում է Euronews-ը: Շենքը փլուզվել է պայթյունից, որը, ըստ նախնական վարկածի, գազի արտահոսքի հետևանք է: Պայթյունից մասամբ վնասվել է նաև հարևան երկու շենք:…