Կիևը փորձել է կապ հաստատել Ֆիլիպինների նախագահ Ֆերդինանդ Մարկոսի հետ՝ նրա և Վոլոդիմիր Զելենսկու միջև հեռախոսազրույց կազմակերպելու համար, սակայն հունիսից ոչ մի պատասխան չի ստացել, ասել է Մանիլայում Ուկրաինայի դեսպանատան գործերի ժամանակավոր հավատարմատար Դենիս Միխայլյուկը, գրում է Inquirer թերթը: Դիվանագետը պարզաբանել է, որ 2022 թվականի հունիսից փորձել են ամիսը երկու անգամ կապ հաստատել նախագահ Մարկոսի…

Գերմանիայի ԱԳ նախարար Աննալենա Բերբոքը չհայտարարված այց է կատարել Արևելյան Ուկրաինա, մասնավորապես՝ Խարկով: Ընդ որում՝ Ուկրաինա նրա այցի մասին նախապես չեն հայտարարել՝ անվտանգության նկատառումներից ելնելով, փոխանցում է RTL-ը։ Բերբոքին ուղեկցել են նրա ուկրաինացի գործընկեր Դմիտրո Կուլեբան և Գերմանիայում Ուկրաինայի դեսպան Ալեքսեյ Մակեևը։ Գերմանիայի արտգործնախարարը վստահեցրել է ուկրաինացիներին, որ նրանք կարող են ապավինել Բեռլինի աջակցությանը, այդ…

Արցախի նախագահ Արայիկ Հարությունյանի գլխավորությամբ հունվարի 11-ին հրավիրվել է Անվտանգության խորհրդի նիստ, որին մասնակցել են Արցախի ԱԺ քաղաքական բոլոր ուժերի ներկայացուցիչները: Ինչպես հայտնում են Արցախի նախագահի աշխատակազմի տեղեկատվության գլխավոր վարչությունից, քննարկվել են Ադրբեջանի կողմից Լաչինի միջանցքի արգելափակման պատճառով Արցախում արդեն շուրջ մեկ ամիս տևող հումանիտար ճգնաժամի հետևանքները, դրա վերաբերյալ վերջին օրերին հնչած բարձր մակարդակի քաղաքական…

Հայաստանի հատուկ հանձնարարություններով դեսպան Էդմոն Մարուքյանն անդրադարձել է Ադրբեջանի նախագահ Իլհամ Ալիևի՝ նախօրեին ասուլիսի ընթացքում հնչեցրած հակահայկական հայտարարություններին: «Ալիևի երեկվա հայտարարությունը Լաչինի միջանցքի շրջափակման վերաբերյալ պետական մակարդակով իրականացված էթնիկ զտումների մաքուր խոստովանություն էր։ Նա ասաց, որ ճանապարհը բաց է նրանց համար, ովքեր չեն ցանկանում լինել Ադրբեջանի քաղաքացի, նրանք կարող են հեռանալ մեքենաներով կամ ռուս խաղաղապահների…

Արցախի նախագահ Արայիկ Հարությունյանը Ֆեյսբուքի իր էջում գրառում է կատարել ու նշել, որ խաղաղությունն անհնար է առանց արցախահայության իրավունքների հարգման և ճանաչման:   «Հարգելի՛ հայրենակիցներ   Արցախի Հանրապետության ժողովուրդը խաղաղության, բարիդրացիական հարաբերությունների ամենամեծ կողմնակիցն ու ջատագովն է, սակայն խաղաղությունն ուղղակի անհնար է առանց արցախահայության իրավունքների հարգման և ճանաչման: Այլ պայմաններով խաղաղության գինը արցախցիների կյանքն ու ցեղասպանությունն…

Հայտնի են հունվարի 10-ին Բևերլի Հիլզում տեղի ունեցած «Ոսկե գլոբուսի» 80-րդ մրցանակաբաշխության հաղթողները: «Լավագույն դրամատիկական ֆիլմ» անվանակարգում մրցանակի է արժանացել «Ֆաբելմանները» ժապավենը, իսկ Սթիվեն Սփիլբերգն այդ աշխատանքի համար ճանաչվել է լավագույն ռեժիսոր: Ֆիլմը պատմում է աշխարհահռչակ ռեժիսորի ընտանիքի, մանկության և ռեժիսոր դառնալու ճանապարհի մասին: «Լավագույն կատակերգություն կամ մյուզիքլ» անվանակարգում հաղթել է «Ինիշերինի Բանշիները» ֆիլմը: Ռեժիսոր…

ՌԴ-ն և Հայաստանը Ղարաբաղի վերաբերյալ տարբեր մակարդակներով բանակցում են՝ ասել է Դմիտրի Պեսկովը: ՌԴ նախագահի մամուլի քարտուղարը մեկնաբանել է նաև ՀՀ վարչապետ Նիկոլ Փաշինյանի՝ երեկվա ասուլիսում հնչեցրած միտքը՝ Արցախում ՄԱԿ-ի մանդատով օժտված միջազգային խաղաղապահ ուժեր տեղակայելու վերաբերյալ։ «ՄԱԿ-ի Անվտանգության խորհրդի խաղաղապահներ Ղարաբաղ ուղարկելու թեման մեկ անգամ չէ, որ օրակարգում է եղել: Հայաստանի առաջարկը՝ ՄԱԿ-ի ԱԽ…

Վրաստանի Տարածաշրջանային զարգացման և ենթակառուցվածքների նախարարության ավտոմոբիլային ճանապարհների դեպարտամենտի տեղեկատվության համաձայն՝ ծանր օդերևութաբանական պայմանների, ձյան և մառախուղի պատճառով Նիչբիսի-Դիդգորի-Դիդի Թոնեթի հանրապետական ​​նշանակության ավտոճանապարհին (Շ-153) արգելվել է բոլոր տեսակի ավտոմոբիլային տրանսպորտի տեղաշարժը։ Բացի այդ, իրենց հաղորդմամբ՝ բքի և ցածր ջերմաստիճանի պատճառով Գոմի-Սաչխերե-Ճիաթուրա-Զեստափոնի հանրապետական ​​նշանակության ավտոճանապարհի կմ1-կմ52 հատվածում արգելվում է կցովի և կիսակցովի ավտոտրանսպորտի տեղաշարժը, մինչդեռ այլ…

Թուրքիան անցյալ տարվա նոյեմբերից Կիևին մատակարարում է կասետային ռումբեր, որոնք արտադրվել են սառը պատերազմի ժամանակաշրջանում՝ ԱՄՆ-ի հետ համատեղ արտադրության համաձայնագրով: Այս մասին հայտնում է Foreign Policy թերթը՝ վկայակոչելով ԱՄՆ-ի և Եվրամիության անանուն աղբյուրներին։ Կասետային ռումբը պայթում է օդում և ցրում տասնյակ կամ հարյուրավոր ավելի փոքր ռումբեր: Չպայթած զինամթերքը լուրջ վտանգ է ներկայացնում, և դրանց օգտագործումը…

ԱՄՆ Հելսինկյան հանձնաժողովն անդրադարձել է Լաչինի միջանցքի շրջափակմանը: «Լաչինի միջանցքով առևտրի և տարանցման արգելափակումը նպաստում է Ղարաբաղում հումանիտար աղետի առաջացմանը և այն պետք է անհապաղ վերացվի։ Ադրբեջանը բարոյական պատասխանատվություն է կրում Ղարաբաղի հայերի բարեկեցությունն ապահովելու համար»,- Թվիթերի միկրոբլոգում գրել է հանձնաժողովը:

ԱՀ նախագահի աշխատակազմի տեղեկատվության գլխավոր վարչություն] Արցախի նախագահ Արայիկ Հարությունյանը ստորագրել է հրամանագրեր և հաստատել կառավարության որոշում: Արցախի նախագահի աշխատակազմի տեղեկատվության գլխավոր վարչությունից հայտնում են` համաձայն հրամանագրերի՝ Սրբուհի Արզումանյանն ազատվել է Արցախի Հանրապետության Նախագահի աշխատակազմի ղեկավարի առաջին տեղակալի պաշտոնից և նշանակվել Արցախի Հանրապետության արդարադատության նախարար: Արամ Սարգսյանը նշանակվել է Արցախի Հանրապետության քաղաքաշինության նախարար: Դավիթ Բաբայանն…

Արցախում շրջափակման մեջ է 120 000 քաղաքացի, որից 30 000-ը երեխաներն են: Տվյալները ներկայացրել է Արցախի տեղեկատվական շտաբը:  11 երեխա գտնվում է «Արևիկ» բուժմիավորման նորածնային և վերակենդանացման բաժանմունքներում: 9 բուժառու գտնվում է վերակենդանացման բաժանմունքում, 4-ը ծայրահեղ ծանր վիճակում են: Շարունակվում են դադարեցված մնալ պլանային վիրահատությունները:  Կարմիր Խաչի միջազգային կոմիտեի միջնորդությամբ և ուղեկցությամբ երեք հիվանդներն այսօր…

«Հայաստանն ուզի, թե չուզի՝ «Զանգեզուրի միջանցքն» ամեն դեպքում կյանքի կկոչվի», այսօր ադրբեջանական հեռուստաալիքներին տված հարցազրույցում Ալիևի հայտարարությունն է: Իլհամ Ալիև (Ադրբեջանի նախագահ) — Սա ռազմավարական նախագիծ է ոչ միայն մեզ համար, այլև մի քանի հարևան երկրի համար: Այն արտացոլված է Հայաստանի, Ռուսաստանի և Ադրբեջանի ղեկավարների՝ 2020 թվականի նոյեմբերի 9-ի եռակողմ հայտարարության մեջ։ Ճիշտ է, այնտեղ «Զանգեզուրի…

Լրատվամիջոցներին տված հարցազրույցում Ադրբեջանի նախագահն անդրադարձել է այսպես կոչված Զանգեզուրի միջանցքին՝ շեշտելով, որ այդ նախագիծը կյանքի կկոչվի ցանկացած դեպքում: «Զանգեզուրի միջանցքը Ադրբեջանի համար ոչ միայն տնտեսական և տրանսպորտային, այլև ռազմավարական նախագիծ է։ Ամբողջապես համոզված ենք, որ այս նախագծի իրականացումը մեր բնական իրավունքն է»,- նշել է նա: Ալիևը խոստովանել է, որ 2020 թվականի նոյեմբերի 10-ի եռակողմ…

Ուկրաինայի նախագահ Վոլոդիմիր Զելենսկին հայտարարել է, որ Եվրոպական խորհրդի ղեկավար Շառլ Միշելի հետ քննարկել է Կիևի սպառազինության կարիքները։ «Եվրախորհրդի նախագահ Շառլ Միշելի հետ հեռախոսազրույցի ընթացքում նրան տեղեկացրել եմ մարտի դաշտում տիրող իրավիճակի և Ուկրաինայի սպառազինության հրատապ կարիքների մասին»,- գրել է Զելենսկին Twitter-ի իր միկրոբլոգում: Հյուսիսատլանտյան դաշինքի և Եվրամիության միջև համագործակցության մասին հռչակագրի ստորագրման արդյունքներին նվիրված…

Եվրամիությունը և ՆԱՏՕ-ն գործակցության երրորդ հռչակագիրն են ստորագրել։ Հյուսիսատլանտյան դաշինքի գլխավոր քարտուղար Ենս Ստոլտենբերգը նշել է, որ փաստաթղթի նպատակն է ամրապնդել կողմերի միջև ռազմավարական գործընկերությունը։ Ավելի վաղ լրատվամիջոցները տեղեկացրել էին, որ կառույցները ռուս-ուկրաինական հակամարտության ֆոնին մտադիր են ակտիվացնել գործակցությունը պաշտպանության ոլորտում և գործի դնել քաղաքական, տնտեսական ու ռազմական բոլոր գործիքները՝ հասնելու իրենց ընդհանուր նպատակներին:

Պերուում վերսկսվել են հակակառավարական ցույցերը: Խուլյակա քաղաքում ոստիկանների հետ բախումների ժամանակ 10-ից ավելի մարդ է զոհվել, շուրջ 40-ը վիրավորվել է։ Պերուի մի շարք քաղաքացիներ պահանջում են ազատ արձակել դեկտեմբերի սկզբին ձերբակալված նախկին նախագահ Պեդրո Կաստիլոյին, որը փորձել էր իր իմփիչմենթի հարցով քվեարկությանն ընդառաջ ցրել խորհրդարանը։ Կաստիլոն մեղադրվում է ապստամբություն կազմակերպելու համար։ Նրան սպառնում է 10-20…

Արցախի Հանրապետության նախագահ Արայիկ Հարությունյանը հունվարի 10-ին ԱՀ նախագահին կից Անվտանգության խորհրդի աշխատակազմին է ներկայացրել ԱՀ ԱԽ նոր քարտուղար Արարատ Մելքումյանին: Արարատ Մելքումյանը Հանրապետության նախագահի հրամանագրով այդ պաշտոնում նշանակվել է  հունվարի 7-ին: Երկրի ղեկավարն իր խոսքում շնորհակալություն է հայտնել ԱԽ նախկին քարտուղար Վիտալի Բալասանյանին, որը, հետպատերազմյան ծանր իրավիճակում ստանձնելով այդ կարևորագույն աշխատանքի պատասխանատվությունը, պատվով է…

ԱՄՆ նախագահ Ջո Բայդենը հեռախոսազրույց է ունեցել Բրազիլիայի նախագահ Լուիս Ինասիու Լուլա դա Սիլվայի հետ՝ աջակցություն հայտնելով նրան և դատապարտելով երկրի մայրաքաղաքում անկարգությունների ընթացքում տեղի ունեցած բռնությունը: «Նախագահ Բայդենը նախագահ Լուլային հրավիրել է փետրվարի սկզբին այցելել Վաշինգտոն՝ ընդհանուր հարցերի լայն շրջանակի շուրջ խորացված խորհրդակցություններ անցկացնելու համար, և նախագահ Լուլան ընդունել է այդ հրավերը»,- տեղեկացրել են…

Մենք առաջնային ենք համարում այսօր ԼՂ հայության անվտանգության և իրավունքների ապահովման հարցը և կարևոր ենք համարում, որ ԼՂ ժողովուրդը լինի այն սուբյեկտը, որը խոսի բոլոր թեմաների մասին: Իրենք պետք է որոշումներ կայացնեն, և մենք իրենց կաջակցենք մեզ հասու բոլոր հնարավոր միջոցներով: Այդ մասին ասուլիսի ժամանակ ասաց ՀՀ վարչապետ Նիկոլ Փաշինյանը: «Մենք այսօր ապահովում ենք հումանիտար…

Հավաքական անվտանգության պայմանագրի կազմակերպության Միացյալ շտաբը առաջարկներ է մշակում 2023 թ. ՀԱՊԿ խաղաղապահ ուժերի հետ համատեղ զորավարժությունները կազմակերպության անդամ այլ երկրների տարածքում անցկացնելու հնարավորության վերաբերյալ: Այս մասին ТАСС-ին հայտնել է ՀԱՊԿ միացյալ շտաբի մամուլի քարտուղար Վլադիսլավ Շեգրիկովիչը։ Նա նշել է, որ ՀԱՊԿ Միացյալ շտաբը ՀՀ պաշտպանության նախարարությունից տեղեկություն է ստացել 2023 թ. Հայաստանի տարածքում ՀԱՊԿ…

  Հունվարի 10-ին կայացած մամուլի ասուլիսում ՀՀ վարչապետ Նիկոլ Փաշինյանի հայտարարության համաձայն՝ Երևանն աննպատակահարմար է համարում 2023 թվականին Հայաստանում ՀԱՊԿ զորավարժությունների անցկացումը, ինչի մասին, ըստ նրա, կազմակերպության անդամներն արդեն տեղեկացված են։ Փաշինյանն այս հայտարարության վերաբերյալ այլ մեկնաբանություն չի արել։  

Այն, ինչ տեղի է ունենում Լաչինի միջանցքում, առաջին հերթին ԼՂ հայության՝ սեփական հայրենիքում ապրելու կամքը կոտրելու նպատակ ունի։ Այս մասին այսօր լրագրողների հետ հանդիպմանը նշեց ՀՀ վարչապետ Նիկոլ Փաշինյանը։ «ՀՀ կառավարության դիրքորոշումներն արտահայտվել են, և մենք կարծում ենք, որ մեր գործիքակազմը պետք է լինի դիվանագիտական, այն է՝ միջազգային հնարավորինս մեծ ճնշում գործադրել Լաչյնի միջանցքը բացելու…

Բրազիլիայի մայրաքաղաքում ապամոնտաժել են նախկին նախագահ Ժաիր Բոլսոնարուի կողմնակիցների վրանային ճամբարը, ձերբակալվել է մոտ 1500 մարդ: Իշխանությունները փորձում են պարզել վարչական շենքերի վրա հարձակումների մասնակիցներին։ Հունվարի 8-ին հազարավոր ցուցարարներ փորձել էին գրավել նախագահի նստավայրը՝ Պլանալտուի պալատը, Գերագույն դատարանը, Ազգային կոնգրեսը: Ժաիր Բոլսոնարուն դատապարտել է իր կողմնակիցների գործողությունները՝ կողոպուտներն ու հասարակական շենքերի ներթափանցումը որակելով «սահմանված կարգի…

Միավորված ազգերի կազմակերպության գլխավոր քարտուղար Անտոնիու Գուտերեշը վերահաստատում է իր կոչը՝ ապահովելու Լաչինի միջանցքով ազատ ու անվտանգ տեղաշարժը։ Այս մասին «Արմենպրես»-ին հայտնել է ՄԱԿ-ի գլխավոր քարտուղարի խոսնակ Ստեֆան Դյուժարիկը։   «Գլխավոր քարտուղարը ներկա իրավիճակի վերաբերյալ իր մտահոգությունները հայտնել է 2022 թվականի դեկտեմբերի 14-ի իր հայտարարության մեջ։ Այս մտահոգությունները Քարտուղարությունը բարձրաձայնել է նաև 2022 թվականի դեկտեմբերի…

ՀՀ հատուկ հանձնարարություններով դեսպան Էդմոն Մարուքյանը Twitter-ի իր միկրոբլոգում գրառում է կատարել: «Ադրբեջանը Լեռնային Ղարաբաղի 120 հազար բնակչի պաշարման մեջ է պահում մեկ ամիս, իսկ հայ ռազմագերիներին՝ ավելի քան 2 տարի՝ խախտելով միջազգային իրավունքը։ Ադրբեջանը պետք է վերացնի Լաչինի միջանցքի շրջափակումը և ազատի ռազմագերիներին։ Միջազգային իրավունքը պետք է հարգվի՝ անկախ նրանից, թե որքան գազ և…

Վրաստանի խորհրդարանը պաշտոնապես կվերսկսի իր գործունեությունը փետրվարի 7-ից։ Կանոնակարգի համաձայն՝ օրենսդիր մարմինն իր գարնանային նստաշրջանը սկսում է փետրվարի առաջին երեքշաբթի օրը։ Այս տարվա գարնանային նստաշրջանը բավականին հագեցած է լինելու։ Եվրահանձնաժողովի կողմից Վրաստանին տրված հանձնարարականների վերաբերյալ մի քանի որոշումներ ընդունելի են։ Այդ թվում խորհրդարանը պետք է ընտրի ժողովրդական պաշտպան, որի ընտրության գործընթացը օրենսդիր մարմնում անցյալ տարի…

ԱՄՆ Կալիֆոռնիա նահանգում եղանակային վատ պայմանների պատճառով արտակարգ դրություն է հայտարարվել։ Այս մասին ասված է Սպիտակ տան կայքում հրապարակված հաղորդագրության մեջ։ Հորդառատ անձրևների ու ուժեղ քամիների առաջացրած փոթորկի զոհ է դարձել 12 մարդ: Այսօր առավոտյան Կալիֆոռնիայում ավելի քան 120 հազար տուն մնացել է առանց էլեկտրականության։ Օդերևութաբանները նահանգի լեռնային շրջաններում կանխատեսում են հորդառատ անձրևներ և ձյուն,…

Վրաստանը դիմում է Համաշխարհային բանկին Սևծովյան ստորջրյա էլեկտրահաղորդման գծի նախագծի տեխնիկատնտեսական ուսումնասիրության համար, արդեն ձեռք է բերվել 75 միլիոն դոլարի նախնական պայմանավորվածություն,- նշվում է կառավարության աշխատակազմի մամուլի ծառայության հաղորդագրության մեջ։ Նրանց տվյալներով՝ կառավարության այսօրվա նիստում քննարկվելիք հարցերի թվում է եղել Վրաստանի կառավարության որոշման նախագիծը՝ «Սևծովյան ստորջրյա էլեկտրահաղորդման գծի նախագծի տեխնիկատնտեսական հիմնավորման իրականացման համար դրամահավաքի մասին»։…

Ուկրաինայի արևելյան հատվածում հակամարտությունը վերածվում է «խրամատային պատերազմի», այս մասին CBS-ի հետ հարցազրույցում ասել է ամերիկացի սենատոր Անգուս Քինգը։ «Դա գրեթե նման է Առաջին համաշխարհային պատերազմին: Սարսափելի է»,- ասել է քաղաքական գործիչը։ Քինգի խոսքով՝ հետևակի զրահամեքենաները, որոնք ներառված են Ուկրաինային տրամադրվող օգնության նոր փաթեթում, նախատեսված են օգնելու Կիևին՝ փոխելու իրավիճակը արևելյան ուղղությամբ։ Սենատորը նաև կարևորել…