ԱՄՆ-ի 2023 թվականի բյուջեն ներառում է 132,025,000 միլիոն դոլարի օգնություն Վրաստանին։ Վաշինգտոնը մտադիր է նաեւ 300 մլն դոլար ծախսել ռուսական ազդեցության դեմ պայքարելու համար։ Բյուջեում ավանդաբար ընդգծվում է, որ այն երկրները, որոնք ճանաչում են Աբխազիան և Հարավային Օսիան կամ ունեն դիվանագիտական հարաբերություններ նրանց հետ, չեն կարողանա ստանալ ԱՄՆ ֆինանսական աջակցությունը։
Արցախի նախագահ Արայիկ Հարությունյանը դեկտեմբերի 20-ին հրավիրել է խորհրդակցություն՝ հանրապետության ուժային կառույցների ղեկավարների մասնակցությամբ: Քննարկվել են Ադրբեջանի կողմից Արցախի շրջափակման հետևանքով ստեղծված նոր իրողության պայմաններում երկրի անվտանգության ապահովմանը վերաբերող հարցեր: Խորհրդակցությանը մասնակցել են Արցախի Անվտանգության խորհրդի քարտուղար Վիտալի Բալասանյանը և պետական նախարար, օպերատիվ շտաբի պետ Ռուբեն Վարդանյանը:
Իրանի արտաքին գործերի նախարար Հոսեյն Ամիր Աբդոլլահիանը Հորդանանում հանդիպել է ԵՄ արտաքին գործերի բարձր ներկայացուցիչ Ժոզեպ Բորելի հետ։ Հանդիպմանը ներկա են եղել նաև Իրանի ավագ բանակցող և քաղաքական հարցերով փոխարտգործնախարար Ալի Բաղերին և ԵՄ արտաքին եվրոպական ծառայության գլխավոր քարտուղարի տեղակալ Էնրիկե Մորան։ Իրանական կողմի հաղորդագրության համաձայն՝ հանդիպման հիմնական նպատակն էր դիտարկել միջուկային ծրագրի ակտիվացման և…
Արցախի Հանրապետության արտաքին գործերի նախարարությունը հանդես է եկել հայտարարությամբ՝ անդրադառնալով Արցախի շրջափակմանը: Հայտարարության մեջ ասվում է. «Դեկտեմբերի 12-ից Ադրբեջանը փակել է Արցախը Հայաստանի և արտաքին աշխարհի հետ կապող միակ ճանապարհը՝ ապօրինաբար շրջափակելով Արցախը և արհեստականորեն ստեղծելով ծանր հումանիտար պայմաններ Արցախի 120 հազարանոց բնակչության համար։ Շրջափակման պատճառով խախտվում են Արցախի ժողովրդի հիմնարար իրավունքները։ Մարդիկ զրկված են …
Այսօր Արցախում՝ հիվանդանոցում, հիվանդ է մահացել, քանի որ Ադրբեջանի շրջափակումը զրկել է նրան բուժում ստանալու հնարավորությունից: Այս մասին Twitter-ի իր միկրոբլոգում գրել է ԱՄՆ կոնգրեսական Ադամ Շիֆը: «Շատ հիվանդների դեռ վտանգ է սպառնում: Հիմնական պաշարները սպառնում են: Մարդասիրական ճգնաժամն արդեն ոչ թե հնարավոր է, այլ այն արդեն իրողություն է»,- նշել է Շիֆը: Նա կրկին հորդորել…
ԱՄՆ-ի 2023 թվականի բյուջեի նախագծով նախատեսվում է Վրաստանին որպես օգնություն հատկացնել առնվազն 132,025,000 մլն դոլար։ ԱՄՆ բյուջեի նախագծում առանձին գլուխ է հատկացված Վրաստանի օկուպացված շրջաններին։ Համաձայն 2023 թվականի Համախմբված հատկացումների ակտի՝ բյուջետային ֆինանսական օգնություն չի տրամադրվի այն կառավարություններին կամ երկրներին, որոնց ԱՄՆ-ի պետքարտուղարը կտեղեկացնի Հատկացումների կոմիտեին, որ ճանաչում են Ռուսաստանի կողմից օկուպացված Վրաստանի, Աբխազիայի և…
Իրանը բազմիցս ընդգծել է, որ կողմ է Ադրբեջանի և Հայաստանի միջև վեճերի խաղաղ կարգավորմանը։ Այս մասին հայտարարել է Իրանի ԱԳՆ մամուլի խոսնակ Նասեր Քանանին՝ պատասխանելով Լաչինի միջանցքի արգելափակման վերաբերյալ իրանական ISNA լրատվական գործակալության հարցին: «Մենք կարծում ենք, որ 2020 թ. նոյեմբերի 9-ի հրադադարի մասին եռակողմ հայտարարության պայմանների ամբողջական կատարումը կարող է վերջակետ դնել երկու երկրի…
Արցախի Հանրապետության նախագահ Արայիկ Հարությունյանի նախագահությամբ հրավիրվել է Անվտանգության խորհրդի ընդլայնված նիստ, որի օրակարգում Արցախում ստեղծված ռազմաքաղաքական իրադրությունն էր: Քննարկվել են Արցախի Հանրապետության անվտանգության և ժողովրդի կենսապահովման համար ձեռնարկվող քայլերը, հումանիտար աղետի կանխման հնարավորությունները: Նախագահ Հարությունյանը քննարկված հարցերի վերաբերյալ մի շարք հանձնարարականներ է տվել:
Եվրոպական եկեղեցիների համաժողովը և Եկեղեցիների համաշխարհային խորհուրդը Եվրոպական Միության արտաքին քաղաքական գերատեսչության ղեկավար Ջոզեֆ Բորելին ուղղված համատեղ նամակում դատապարտել են Ադրբեջանի կողմից էթնիկ հայկական Արցախ/Լեռնային Ղարաբաղ տարածաշրջանի շրջափակումը «որպես եռակողմ համաձայնագրի, միջազգային մարդասիրական իրավունքի և մարդու իրավունքների իրավունքի, ինչպես նաև բարոյական ամենահիմնարար սկզբունքների խախտում»։ Այս մասին հայտնել են Եվրոպական եկեղեցիների համաժողովի մամուլի ծառայությունից: Նամակում նշվում…
Ազգային վիճակագրական ծառայության տվյալների համաձայն՝ 2022 թվականի հունվար-նոյեմբերին Վրաստանում ապրանքներով արտաքին առևտրաշրջանառությունը կազմել է 17 018,2 մլն. դոլար, ինչը 32,2 տոկոսով ավելի է նախորդ տարվա համապատասխան ժամանակահատվածի համեմատ։ Այս արտահանումից 5 037,1 մլն. կազմում է ԱՄՆ դոլար (աճը 31,8 տոկոսով), իսկ ներմուծումը` 11981,1 մլն. դոլար (32,4 տոկոսով ավելի): «Վրաստանի բացասական առեւտրային հաշվեկշիռը 2022 թվականի հունվար-նոյեմբերին…
Արցախի առողջապահության նախարարությունից հայտնում են՝ Արցախը Հայաստանին կապող միակ ճանապարհը Ադրբեջանի կողմից արգելափակելու պատճառով նախարարության ենթակայության տակ գործող բուժհաստատություններում շարունակում են դադարեցված մնալ պլանային վիրահատությունները։ «Արևիկ» բուժմիավորումում 13 երեխա գտնվում է ռեանիմացիոն և նորածնային բաժանմունքներում: Նրանցից 4 ամսական փոքրիկի առողջական վիճակը, որին ախտորոշվել էր «Վիսցերալ լեյշմանիոզ», շարունակում է մնալ ծանր: Արցախի բժիշկները անհրաժեշտ բուժօգնությունը…
Բաքուն Ուկրաինա է ուղարկել մարդասիրական օգնության հերթական խմբաքանակը՝ հայտնել է Ադրբեջանում Ուկրաինայի դեսպան Վլադիսլավ Կանևսկին։ Նրա խոսքով՝ Ուկրաինան կստանա գեներատորային սարքավորումներ և առաջին բուժօգնության փաթեթներ՝ Խերսոնի հիվանդանոցներից մեկի համար։ Ավելի վաղ Ուկրաինայի էներգետիկայի նախարարը հեռախոսազրույց էր ունեցել ադրբեջանցի գործընկերոջ հետ: Պայմանավորվածություն է ձեռք բերվել, որ Ադրբեջանը էլեկտրատեխնիկա կտրամադրի Կիևին՝ ռուսական հարվածների հետևանքով Ուկրաինայում էներգետիկ ճգնաժամը…
ԱՄՆ Կոնգրեսի Ներկայացուցիչների պալատի անդամ Ջուդի Չուն Twitter-ի իր միկրոբլոգում անդրադարձել է Ադրբեջանի կողմից Լաչինի միջանցքի փակմանը: «Ես աջակցում եմ հազարավոր մարդկանց, որոնք տառապում են Ադրբեջանի կողմից Լաչինի միջանցքի՝ Արցախը Հայաստանի հետ կապող միակ ճանապարհի ապօրինի շրջափակման պատճառով: Ես հպարտորեն միանում եմ Ադամ Շիֆին և մեր գործընկերներին նախագահ Բայդենին ուղղված նամակում՝ կոչ անելով նրան քայլեր…
ՀՀ հատուկ հանձնարարություններով դեսպան Էդմոն Մարուքյանը Twitter-ի իր միկրոբլոգում անդրադարձել է Ադրբեջանի կողմից Լաչինի միջանցքում բեռների անարգել տեղաշարժը խոչընդոտելուն: «Ադրբեջանի «բնապահպանական ակտիվիստներն» իրենց իրավունք են վերապահել՝ ստուգելու մարդասիրական բեռները և խոչընդոտում են Լաչինի միջանցքով բեռների անարգել անցմանը։ Ըստ էության, նրանք ապօրինաբար իրենց վերապահել են մաքսավորի գործառույթ։ Այս անհեթեթությունը պետք է դադարեցվի»,- գրել է Մարուքյանը։
Դեկտեմբերի 18-ին Ախալքալաքում տեղի ունեցավ շախմատի մրցույթ, որը կազմակերպել էր Ախալքալաքի քաղաքապետարանը: Մասնակիցները 70-ն էին՝ 26 աղջիկ և 44 տղա: Աղջիկների խմբում երրորդ հորիզոնականն է զբաղեցրել Անահիտ Մոսոյանը (գյուղ Դիլիսկա),երկրորդ հորիզոնականը Սիրուշ Եզոյանը (գյուղ Դիլիսկա)և առաջին հորիզոնականը զբաղեցրել է Սոնա Կարախանյանը Ախալքալաքից։ Մինչև 12 տարեկան տղաների խմբում երրրոդ հորիզոնականը զբաղեցրել է Տիգրան Չախալյանը , երկրորդ…
Ռուսաստանի քաղաքացի Միխայիլ Ալեքսանդրովի նկատմամբ Ադրբեջանը միջազգային հետախուզում է հայտարարել։ Այս մասին այսօր՝ դեկտեմբերի 19-ին, հայտնել են այդ հանրապետության գլխավոր դատախազության մամուլի ծառայությունից։ Դեկտեմբերի 13-ին Մոսկվայի միջազգային հարաբերությունների պետական ինստիտուտի (МГИМО) ռազմաքաղաքական հետազոտությունների կենտրոնի առաջատար փորձագետ, իրավաբանական գիտությունների դոկտոր Միխայիլ Ալեքսանդրովը լայն լսարանի համար հանդես է եկել աուդիոուղերձով: Ալեքսանդրովն ակնարկել է, թե Բաքվին պետք է հասկացնել,…
Ի գիտություն Արցախի սննդամթերքի առևտրով զբաղվող ձեռնարկությունների՝ Արցախի գյուղի և գյուղատնտեսության աջակցության հիմնադրամը տեղեկացնում է, որ հիմնադրամի պահեստներում առկա են սննդային հաճարի բավարար քանակությամբ պաշարներ, որը հիմնադրամը պատրաստ է տրամադրել սննդամթերքի առևտրով զբաղվող ձեռնարկություններին՝ լրացնելու ստեղծված իրավիճակով պայմանավորված վաճառքի ենթակա և բնակչության կողմից սպառվող հաճարի պակասը: Տնտեսվարողները հաճարը կարող են ձեռք բերել կիլոգրամը 393…
Եվրամիության 9 երկիր, այդ թվում՝ Հունգարիան և Գերմանիան, դեմ են եղել գազի գնի սահմանաչափին էներգետիկայի նախարարների հանդիպմանը թեստային քվեարկության ժամանակ, ասել է Հունգարիայի արտաքին գործերի նախարար Պետեր Սիյարտոն, գրում է РИА Новости-ն։ «Քանի որ այն պետությունները, որոնք դեմ են քվեարկել գնային շեմին, բացառությամբ Գերմանիայի, սակավաբնակ են, չկարողացան «կազմել արգելափակման համար անհրաժեշտ փոքրամասնությունը»,- հստակեցրել է Սիյարտոն:…
Էստոնիայի արտգործնախարարությունը Թվիթերում գրել է. «Լաչինի միջանցքում շարունակվող շրջափակումը ծանր տառապանքներ է առաջացնում Լեռնային Ղարաբաղի բնակիչների շրջանում և վնասակար ազդեցություն է ունենում Հայաստանի ու Ադրբեջանի միջև շարունակվող խաղաղ գործընթացի վրա: Էստոնիան կոչ է անում կողմերին հավատարիմ մնալ 2020 թվականի նոյեմբերի 9-ի հայտարարությանը և վերադառնալ խաղաղ բանակցություններին»:
Արցախի Հանրապետության 22-մետրանոց դրոշը՝ ՄԱԿ-ի հայաստանյան գրասենյակի ցանկապատին: Մեկ օր Արցախի դրոշը կծածանվի նաև ՄԱԿ-ի կենտրոնակայանում՝ որպես կառույցի լիիրավ անդամ: Այս մասին Ֆեյսբուքի իր էջում գրել է Արցախի Հանրապետության պետնախարարի խորհրդական Արտակ Բեգլարյանը:
Ուկրաինայի զինված ուժերի ռազմաօդային ուժերի հրամանատարությունը հայտնել է, որ դեկտեմբերի 19-ի գիշերը Ուկրաինայի վրա հարձակվել են 35 կամիկաձե անօդաչու թռչող սարքեր, որոնցից 30-ը ոչնչացվել են։ Գրոհային անօդաչու սարքերը գործարկվել են Ազովի ծովի արևելյան ափից։ Թիրախում հիմնականում եղել է Կիևը: Ուկրաինայի մայրաքաղաքի քաղաքապետ Վիտալի Կլիչկոն հայտարարել է, որ Կիևի մի քանի թաղամասում պայթյուններ են որոտացել: Օդային…
Ուկրաինայում ռուսական պայմաններով զինադադարը չի կանխի «ժողովրդի ապրած սարսափները», այլ միայն կսրի դրանք։ Այս մասին գերմանական Bild թերթի հետ հարցազրույցում ասել է Գերմանիայի արտգործնախարար Աննալենա Բերբոքը։ Դիվանագետը նշել է, որ ինքը մերժում է Ռուսաստանի ցանկացած նախաձեռնություն այս կապակցությամբ՝ սկզբունքորեն կասկածելով վաղաժամ զինադադարի հնարավորությանը։ Նա նաև ասել է, որ տարածաշրջանում խաղաղությունը վերականգնելու համար Ռուսաստանի նախագահ Պուտինը…
Ծանր վիճակում գտնվող մեկ պացիենտ Արցախում Կարմիր խաչի միջազգային կոմիտեի չեզոք միջնորդությամբ Ստեփանակերտի հիվանդանոցից տեղափոխվել է Հայաստան: «Լուրերին» տեղեկացրել է Հայաստանում Կարմիր խաչի միջազգային կոմիտեի պատվիրակության հաղորդակցման ծրագրերի ղեկավար Զառա Ամատունին: ՀՀ առողջապահության նախարարությունից հայտնում են՝ պացիենտին նախ Արցախից տեղափոխել են Գորիսի բժշկական կենտրոն: Վերջինիս առողջական վիճակը գնահատելուց հետո առողջապահության նախարարության ռեանիմոբիլով…
Կարմիր խաչի միջազգային կոմիտեի միջնորդությամբ Արցախի Հանրապետության առողջապահության նախարարության հանրապետական բժշկական կենտրոնից սրտային պաթոլոգիայով հիվանդը տեղափոխվել է ՀՀ մասնագիտացված բժշկական կենտրոն: Այս մասին հայտնում են Արցախի առողջապահության նախարարությունից: 1960 թվականին ծնված տղամարդը հրատապ վիրահատության կարիք ունի: Արցախի շտապօգնության մեքենային ուղեկցել են ռուս խաղաղապահ զորակազմի և ԿՄԽԿ մեքենաները:
«ԱՄՆ նախկին պետքարտուղար Հենրի Քիսինջերը ոչինչ չի հասկացել Ուկրաինայում զինված հակամարտության բնույթից և աշխարհակարգի վրա դրա ազդեցությունից»,- ասել է նախագահ Վոլոդիմիր Զելենսկու գրասենյակի ղեկավարի խորհրդական Միխայիլ Պոդոլյակը։ Նրա խոսքը հայտնում է Al Jazeera-ն։ Ավելի վաղ Քիսինջերը հայտարարել էր, որ ուկրաինական հակամարտությունում շրջադարձային պահ է եկել, երբ կողմերին անհրաժեշտ է նստել բանակցությունների սեղանի շուրջ։ Նա նաև…
Եվրոպական խորհրդարանի Եվրոպական ժողովրդական կուսակցության (ԵԺԿ) խմբակցության ղեկավար Մանֆրեդ Վեբերը Funke մեդիա խմբի թերթերի հետ հարցազրույցում կոչ է արել պատնեշներ կառուցել Եվրամիության սահմաններին միգրացիոն ճգնաժամի վտանգի պատճառով: Նրա խոսքով՝ միգրացիոն ճգնաժամն անխուսափելի է, եթե միության երկրները չուժեղացնեն վերահսկողությունն արտաքին սահմաններում՝ ծովում ու ցամաքում։ Վեբերն ընդգծել է, որ անհրաժեշտ է արգելքներ տեղադրել հատկապես ԵՄ-ի հարավ-արևելքում՝ «ներգնա…
Դեկտեմբերի 12-ից Արցախը կտրված է արտաքին աշխարհի հետ կապող միակ ճանապարհից: Ադրբեջանն առավոտյան ժամը 10:30-ից, բնապահպանական պատճառաբանություններով փակել է Ստեփանակերտ-Գորիս-Երևան միջպետական մայրուղու Շուշի-Քարին տակ խաչմերուկը: Արդեն մեկ շաբաթ է՝ Արցախը շրջափակման մեջ է: ՆԳ նախարարության բոլոր ստորաբաժանումներն անցել են ուժեղացված ռեժիմով ծառայության: Դեկտեմբերի 12-19-ն ընկած ժամանակահատվածում ԱԻ պետական ծառայության կենտրոնական ու տարածքային ստորաբաժանումների 911…
Հունաստանի վարչապետի դիվանագիտական գրասենյակի տնօրեն Աննա-Մարիա Բուրան Բրյուսելում գաղտնի հանդիպում է ունեցել Թուրքիայի նախագահի ներկայացուցիչ Իբրահիմ Քալընի հետ, հայտնում է newsbreak.gr-ը։ «Նրանք խոսել են Գերմանիայի կանցլեր Օլաֆ Շոլցի դիվանագիտական խորհրդական Ենս Պլետների ներկայությամբ»,- նշել են լրագրողները՝ ընդգծելով, որ խոսակցությունը տեղի է ունեցել՝ չնայած երկու երկրի միջև լարվածության արագ աճին ու սպառնալիքներին։ ՆԱՏՕ-ի դաշնակիցներ Հունաստանն ու…
Դեկտեմբերի 12-ից Ադրբեջանի մի խումբ քաղաքացիներ, ներկայանալով որպես բնապահպաններ, կեղծ պատրվակով ապօրինաբար զավթել են Արցախը Հայաստանին կապող ճանապարհը՝ այդ կերպ դադարեցնելով երթևեկությունը և խզելով արտաքին աշխարհի հետ Արցախի քաղաքացիների միակ կապը: Երկու օր շարունակ Ադրբեջանը դիտավորությամբ դադարեցրել էր նաև ՀՀ-ից Արցախ գազի մատակարարումը: Այս մասին հայտնում են Արցախի դատախազությունից։ Հիշյալ դեպքերի կապակցությամբ Արցախի գլխավոր…
Արցախը Հայաստանին կապող միակ ճանապարհը Ադրբեջանի կողմից արգելափակելու պատճառով Արցախի Հանրապետության առողջապահության նախարարության ենթակայության տակ գործող բուժհաստատություններում շարունակում են դադարեցված մնալ պլանային վիրահատությունները։ Այս մասին հայտնում են Արցախի առողջապահության նախարարությունից: Առաջին բուժօգնության համար անհրաժեշտ դեղերի և բժշկական պարագաների պակաս այս պահին չկա, բայց մատակարարումը շարունակում է մնալ անհնարին: Արցախի ԱՆ հանրապետական բժշկական կենտրոնում…
