Սամցխե-Ջավախքի մարզիկները շարունակում են հաջող ելույթները Վրաստանի երիտասարդական օլիմպիական փառատոնում՝ արժանանալով բարձր արդյունքների և պատվով ներկայացնելով տարածաշրջանը։
Հատկապես հաջող հանդես եկան Ախալքալաքի երիտասարդ բռնցքամարտիկները, ովքե մրցումներում նվաճեցին մի շարք մեդալներ.
Ժիրայր Ջինիսյանը (52 կգ քաշային կարգ) զբաղեցրեց երկրորդ հորիզոնականը և արժանացավ արծաթե մեդալի։
Նարեկ Մղդեսյանը (60 կգ) գրավեց երրորդ տեղը՝ նվաճելով բրոնզե մեդալ։
Գրիշա Սահարյանը (63 կգ) նույնպես դարձավ արծաթե մեդալակիր՝ զբաղեցնելով երկրորդ հորիզոնականը։
Վրաստանի երիտասարդական օլիմպիական փառատոնում Սամցխե-Ջավախքի տարածաշրջանը ներկայացնում են նաև Զիգմունդ Զիլբերշտեյնը, Գելա Ձամունաշվիլին և Էլիզբար Ստեփնաձեն։
Ախալքալաքի քաղաքապետարանը շնորհավորում է մարզիկներին և նրանց մարզիչներին արձանագրած հաջողությունների համար՝ մաղթելով նոր հաղթանակներ և մարզական բարձր նվաճումներ։