Ախալքալաքի մունիցիպալիտետի փոխքաղաքապետ Թեյմուրազ Մճեդլիձեն, քաղաքապետարանի ենթակառուցվածքների ծառայության ղեկավար Արա Մովսիսյանը և վերահսկողության ծառայության ղեկավար Արթուր Դավթյանը ծանոթացան Կումուրդո գյուղի հրապարակի կառուցման և բարեկարգման աշխատանքներին։
Ենթակառուցվածքային նախագիծը նախատեսում է ժամանակակից հանրային տարածքի ստեղծում, որը կբավարարի բնակիչների հանգստի և զվարճանքի կարիքները։ Աշխատանքների շրջանակներում կկառուցվեն բաց և փակ տաղավարներ, կկազմակերպվեն մանկական ժամանցային ատրակցիոններ, տարածքը կբարեկարգվի, կկառուցվեն հետիոտնային արահետներ և կտեղադրվի արտաքին լուսավորության համակարգ։
Բացի այդ, հրապարակը կհագեցվի անհրաժեշտ ենթակառուցվածքներով՝ ապահովելով հարմարավետ և խնամված միջավայր գյուղի բնակիչների և այցելուների համար։
Նախագիծը ֆինանսավորվում է տեղական բյուջեի միջոցներով, և դրա ընդհանուր արժեքը կազմում է 284,500 լարի։ Նախագծի ավարտից հետո Կումուրդոն կունենա նոր, ժամանակակից և բազմաֆունկցիոնալ հանրային տարածք, որը կնպաստի համայնքային կյանքի ակտիվացմանը և բնակիչների ժամանցի հնարավորությունների ընդլայնմանը։