Ադիգենիի մունիցիպալիտետի քաղաքապետարանի տեսչական և վերահսկողական բաժնի պետ Անտոն Գելաձեն աշխատակիցների հետ այցելել է Ղորթուբանի գյուղ՝ տեղում ծանոթանալու ընթացող ճանապարհաշինարարական աշխատանքներին։
Գյուղում արդեն բետոնապատվել է ճանապարհի 188 մետրանոց հատվածը, այդ թվում՝ դեպի բնակիչների բակեր տանող մուտքերը։ Ներկայում իրականացվում են ճանապարհի կողնակների կառուցման աշխատանքները։
Ծրագրի իրականացումը նախատեսված է «Գյուղական աջակցության ծրագրի» և տեղական բյուջեի համաֆինանսավորմամբ։ Նախագծի ընդհանուր արժեքը կազմում է 69 899 լարի։
Իրականացվող աշխատանքների արդյունքում Ղորթուբանի գյուղի բնակիչների համար կբարելավվեն ճանապարհային պայմաններն ու գյուղի ներհամայնքային տեղաշարժի հնարավորությունները։