Հունվար-հուլիս ամիսներին սոցիալական աջակցության ծրագրերի շրջանակում տեղական բյուջեից հատկացվել է 155 հազար լարի։
Ախալցխայի քաղաքապետարանը շարունակում է հաշմանդամություն ունեցող անձանց սոցիալական աջակցության ծրագրերի իրականացումը։
«Ախալցխայի քաղաքապետարանի 2026 թվականի բյուջեից սոցիալական աջակցության տրամադրման կանոնի» շրջանակներում հաշմանդամություն ունեցող անձանց սոցիալական աջակցության ծրագրով նախատեսված են մի շարք ենթածրագրեր՝
- սոցիալական աջակցություն հաշմանդամության կարգավիճակ ունեցող պատերազմի վետերաններին,
- սոցիալական աջակցություն ծանր հաշմանդամություն ունեցող անձանց,
- սոցիալական աջակցություն զգալիորեն արտահայտված հաշմանդամություն ունեցող անձանց,
- սոցիալական աջակցություն հաշմանդամություն ունեցող երեխաներին։
2026 թվականի հունվար-հուլիս ամիսներին նշված ենթածրագրերի շրջանակներում սոցիալական աջակցություն է տրամադրվել 463 շահառուի։ Ծրագրերի իրականացման համար տեղական բյուջեից հատկացվել է ընդհանուր 155 հազար լարի։
Ծրագրի նպատակն է աջակցել հաշմանդամություն ունեցող անձանց և նրանց ընտանիքներին՝ նպաստելով նրանց սոցիալական պայմանների բարելավմանն ու անհրաժեշտ աջակցության ապահովմանը։