Ախալցխայում քաղաքի արտաքին տեսքի բարելավման և ենթակառուցվածքների զարգացմանն ուղղված աշխատանքները շարունակվում են։
Ախալցխայի քաղաքապետ Վարլամ Ծիկլաուրին ծանոթացել է քաղաքում ընթացող շրջանաձև խաչմերուկների վերականգնման աշխատանքների ընթացքին։
Վերականգնման աշխատանքներ են իրականացվում Ապրիլի 9-ի փողոցում գտնվող, ինչպես նաև Ախալքալաքի մայրուղու վրա՝ Ռուսթավելի և Ջաղելի փողոցների խաչմերուկում տեղակայված շրջանաձև խաչմերուկներում։
Ենթակառուցվածքային նախագիծը ֆինանսավորվում է Ախալցխայի մունիցիպալիտետի տեղական բյուջեից։
Քաղաքի ենթակառուցվածքների բարելավման շրջանակներում նոր փողոցային լուսավորություն է տեղադրվել նաև Կոստավայի և Ապրիլի 9-ի փողոցների կամուրջների վրա։
Աշխատանքների ընթացքին քաղաքապետ Վարլամ Ծիկլաուրիի հետ միասին ծանոթացել են Ախալցխայի քաղաքապետարանի սակրեբուլոյի նախագահի առաջին տեղակալ Դավիթ Տաբատաձեն և քաղաքապետարանի համապատասխան ստորաբաժանումների ներկայացուցիչները։