Նինոծմինդայի մունիցիպալիտետի քաղաքապետարանի մշակույթի ծառայության կողմից կազմակերպված «Իմ հայրենիքը» թեմայով մրցույթի հաղթողների համար Սիղնաղիում անցկացվել է ճանաչողական էքսկուրսիա։
Էքսկուրսիայի ընթացքում մասնակիցները շրջել են «Սիրո քաղաք» անվանումը կրող Սիղնաղիի պատմական փողոցներով, այցելել քաղաքի մշակութային և ճարտարապետական տեսարժան վայրեր, ծանոթացել նրա դարավոր պատմությանը և Կախեթիի հարուստ ու յուրահատուկ մշակութային ժառանգությանը։
Նինոծմինդայի քաղաքապետարանի մշակույթի ծառայության ղեկավար Լևոն Վարդանյանի խոսքով՝ նման նախաձեռնությունները կարևոր դեր ունեն երիտասարդների կրթական և մշակութային զարգացման գործում։ Դրանք հնարավորություն են տալիս ավելի լավ ճանաչել Վրաստանի պատմությունը, մշակույթն ու տեսարժան վայրերը, ընդլայնել գիտելիքները և ձեռք բերել նոր, անմոռանալի տպավորություններ։
Նման կրթական-ճանաչողական ծրագրերը նպաստում են երիտասարդների հետաքրքրության մեծացմանը երկրի մշակութային արժեքների և պատմական ժառանգության նկատմամբ։