Ախալքալաքի մունիցիպալիտետի փոխքաղաքապետ Թեյմուրազ Մճեդլիձեն, քաղաքապետարանի ենթակառուցվածքների ծառայության պետ Արա Մովսիսյանը և վերահսկողության ծառայության պետ Արթուր Դավթյանը ծանոթացել են Ազմանա գյուղ տանող ներքին ճանապարհի վերականգնողական աշխատանքների ընթացքին։
Նախագծով նախատեսվում է Քարցեփ գյուղի մայրուղուց մինչև Ազմանա գյուղ տանող ճանապարհի ամբողջական վերանորոգում։ Աշխատանքների շրջանակում իրականացվում է ճանապարհի ասֆալտապատում, ինչպես նաև կոյուղու համակարգի տեղադրում։
Ենթակառուցվածքային նախագիծն իրականացվում է Տարածաշրջանային նախագծերի հիմնադրամի ֆինանսավորմամբ։ Ծրագրի ընդհանուր արժեքը կազմում է 845 000 լարի։