Վրաստանում ՀՀ դեսպան Աշոտ Սմբատյանն ընդունել է Վրաստանի նախագահի աշխատակազմի նորանշանակ ղեկավար Լուկա Ուխվաիան։ Այս մասին հայտնում է դեսպանությունը։
ՀՀ դեսպանը շնորհավորել է Լ. Ուխվաիային պաշտոնը ստանձնելու կապակցությամբ՝ մաղթելով հաջողություններ և նոր ձեռքբերումներ։
Զրուցակիցներն անդրադարձել են Հայաստանի և Վրաստանի միջև ձևավորված ավանդական կապերին, ինչպես նաև երկկողմ օրակարգի շրջանակներում իրականացվող ընթացիկ ծրագրերին։