Սամցխե-Ջավախքի շրջանի պետական ներկայացուցիչ Իոսեբ Ալիբեգաշվիլին՝ Ասպինձայի մունիցիպալիտետի քաղաքապետ Ռոստոմ Մաղրաքվելիձեի հետ համատեղ, աշխատանքային հանդիպում է անցկացրել քաղաքապետարանի կառուցվածքային ստորաբաժանումների ղեկավարների և սակրեբուլոյի անդամների մասնակցությամբ։
Հանդիպման ընթացքում քննարկվել են մունիցիպալիտետում իրականացվող և նախատեսվող ենթակառուցվածքային ու սոցիալական ծրագրերը, բնակչության կարիքներն ու առկա մարտահրավերները։ Առանձնահատուկ ուշադրություն է դարձվել խնդիրների ժամանակին լուծման ուղիներին, ինչպես նաև տեղական ինքնակառավարման և պետական կառույցների միջև արդյունավետ ու համակարգված համագործակցության կարևորությանը։
Հանդիպումից հետո պետական ներկայացուցիչը տեղական ինքնակառավարման մարմինների ներկայացուցիչների հետ միասին այցելել է մունիցիպալիտետի տարբեր հատվածներ՝ ծանոթանալու իրականացվող ենթակառուցվածքային նախագծերի ընթացքին։
Այս փուլում Ասպինձայի մունիցիպալիտետում ակտիվորեն իրականացվում են մի շարք ենթակառուցվածքային ծրագրեր, որոնք ֆինանսավորվում են Տարածաշրջանային զարգացման հիմնադրամի և տեղական բյուջեի միջոցներով։
Հանդիպմանը մասնակցել են նահանգապետի տեղակալներ Սերգի Մուշկուդիանին և Վախթանգ Մերաբիշվիլին, տարածաշրջանային նախագծերի համակարգման ծառայության ղեկավար Մարինա Գաչեչիլաձեն, Ասպինձայի սակրեբուլոյի նախագահ Բեսիկ Բերիձեն, քաղաքապետի տեղակալը, ինչպես նաև սակրեբուլոյի ներկայացուցիչները։