Տարածաշրջանային ու եվրասիական ինտեգրման ու ֆինանսավարկային և բյուջետային հարցերի մշտական հանձնաժողովների համատեղ նիստին ՀՀ էկոնոմիկայի նախարար Վահան Քերոբյանն անդրադարձավ 2021 թվականի ընթացքում ԵԱՏՄ երկրների հետ առևտրաշրջանառության ծավալներին:
«ԵԱՏՄ երկրների հետ առևտրաշրջանառությունը կազմել է 2.74 միլիարդ ԱՄՆ դոլար, ինչը նախորդ տարվա համեմատ աճել է 20.7 տոկոսով: Արտահանումը ԵԱՏՄ երկրներ 2021 թվականին կազմել է 888.8 միլիոն ԱՄՆ դոլար, ինչը նախորդ տարվա համեմատ աճել է 25.2 տոկոսով, իսկ ներմուծումը կազմել է 1.85 միլիարդ դոլար, ինչը նախորդ տարվա համեմատ աճել է 18.6 տոկոսով»,- ասաց Քերոբյանը:
2021 թվականին ԵԱՏՄ երկրների կողմից օտարերկրյա ներդրումների զուտ հոսքերի ծավալը կազմել է 32.4 միլիարդ դրամ՝ 2020 թվականի նկատմամբ աճելով 111.8 միլիարդ դրամով:
Քերոբյանը տեղեկացրեց նաև, որ Հայաստանին առանձին ապրանքատեսակների մասով տրամադրվել են սակագնային արտոնություններ, որոնք ուղղված են եղել Հայաստանի սպառողական շուկայում այդ ապրանքների գների հնարավոր աճի կանխարգելմանը և սպեկուլյացիոն երևույթների բացառմանը: