Եվրամիությունը դեմ է արտահայտվել ԱՄՆ նախագահ Դոնալդ Թրամփի՝ Գազայի հատվածից պաղեստինցիներին Հորդանան և Եգիպտոս տեղափոխելու նախաձեռնությանը։ ԵՄ դիվանագիտության ղեկավար Կայա Կալասը երկուշաբթի՝ հունվարի 27-ին, Բրյուսելում ԵՄ ԱԳ նախարարների հանդիպման շրջանակում ասել է, որ Գազայի հատվածի բնակիչներն արդեն չափից դուրս շատ են տուժել և, ինչպես իսրայելցիները, արժանի են խաղաղության։ ԵՄ-ն շարունակում է աջակցել կարգավորմանը՝ հիմնված Իսրայել…
ԵՄ անդամ 27 պետության արտգործնախարարները խորհրդի այսօրվա նիստում հաստատել են Վրաստանի դիվանագիտական անձնագրերի համար առանց վիզայի ռեժիմը կասեցնելու որոշումը։ Այդ մասին ՏԱՍՍ-ին հայտնել է ԵՄ խորհրդում եվրոպական երկրներից մեկի պատվիրակության աղբյուրը։ 2024 թվականի դեկտեմբերի 20-ին Եվրահանձնաժողովը պաշտոնապես առաջարկել էր վրացի պաշտոնյաների և դիվանագետների համար կասեցնել առանց վիզայի ռեժիմը։ Աղբյուրը տեղեկացրել է, որ նիստում ԵՄ անդամ…
ՌԴ նախագահ Վլադիմիր Պուտինը շնորհավորել է Ալեքսանդր Լուկաշենկոյին նախագահի պաշտոնը 7-րդ անգամ ստանձնելու կապակցությամբ: Կրեմլը կարծում է, որ Բելառուսի նախագահի ընտրությունը եղել է բացարձակապես լեգիտիմ, թափանցիկ և լավ կազմակերպված, Ալեքսանդր Լուկաշենկոյի հաղթանակն էլ՝ ավելի քան համոզիչ: ՌԴ նախագահի մամուլի քարտուղար Դմիտրի Պեսկովն ընդգծել է, որ Բելառուսի ընտրության արդյունքներին Արևմուտքի արձագանքը կանխատեսելի էր: Բելառուսի նախագահ Ալեքսանդր…
Ստրասբուրգում մեկնարկել է Եվրախորհրդի խորհրդարանական վեհաժողովի ձմեռային լիագումար նստաշրջանը: Պատգամավորները քննարկումներ կանցկացնեն Գազայում հումանիտար ճգնաժամի և միջազգային կարգի նորացման անհրաժեշտության, Բելառուսի նախագահի ընտրության, Վրաստանի խորհրդարանի ընտրության, Եվրոպայում ներգաղթի ու բնակչության ծերացման խնդրի, վարձկանների և մասնավոր ռազմական ընկերությունների խնդիրների, սոցիալական ցանցերում բովանդակության, խոսքի ազատության և այլ հարցերի վերաբերյալ։ Թեմաներից մեկն էլ լինելու է ԵԽԽՎ-ում մեկ տարի…
Հունգարիայի ներկայացուցիչներն արգելափակել են Եվրամիության երկրների համատեղ հայտարարությունը Բելառուսում նախագահի ընտրության արդյունքները չճանաչելու վերաբերյալ։ Այդ մասին հայտնել է «Ազատություն» ռադիոկայանը՝ վկայակոչելով Բրյուսելի աղբյուրները։ Փոխարենը՝ ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը և Եվրոպական հարևանության ու ընդլայնման քաղաքականության հարցերով հանձնակատար Մարթա Կոսը հրապարակել են իրենց հայտարարությունը, որում նշվում է, որ հունվարի 26-ի…
Ուկրաինայում ԱՄՆ Միջազգային զարգացման գործակալությանը (USAID) հանձնարարվել է կասեցնել բոլոր նախագծերը և դրանց համար արվող ծախսերը՝ պետքարտուղար Մարկո Ռուբիոյի հրամանից հետո: Ըստ փաստաթղթի՝ 90 օրով սառեցվում են արտասահմանյան օգնության ծրագրերի մեծ մասի վճարումները, և կասեցվում նոր դրամաշնորհների հատկացումները։ Այդ մասին հայտնել է Կիևում ԱՄՆ ՄԶԳ գրասենյակի աշխատակիցը։ USAID-ն Ուկրաինայում աջակցում է դպրոցների վերականգնմանը, բուժծառայությունների մատուցմանը…
Եգիպտոսի և Հորդանանի արտգործնախարարությունները մերժել են ԱՄՆ նախագահ Դոնալդ Թրամփի՝ Գազայի հատվածից պաղեստինցի փախստականներին Եգիպտոս, Հորդանան և արաբական այլ երկրներ տեղափոխելու առաջարկը՝ հայտարարելով, որ աջակցում են «պաղեստինցի ժողովրդի հաստատուն գոյությանն իր հողի վրա»: «Մեր դիրքորոշումն է չընդունել պաղեստինցիների վտարումը, և այն անփոփոխ է»,- ընդգծել Է Հորդանանի արտաքին գործերի նախարար Այման աս-Սաֆադին: Պաղեստինի ղեկավար Մահմուդ Աբասը…
Կոլումբիայի կառավարությունը համաձայնել է Միացյալ Նահանգներից արտաքսվող ներգաղթյալներին ընդունելու վերաբերյալ` ԱՄՆ նախագահ Դոնալդ Թրամփի առաջ քաշած բոլոր պայմաններին։ Այդ մասին հաղորդում է Սպիտակ տունը։ Կոլումբիայի կառավարությունը համաձայնել է նախագահ Թրամփի բոլոր պայմաններին, այդ թվում՝ Կոլումբիայից ԱՄՆ ներգաղթած ու այնտեղ հաստատված բոլոր ապօրինի ներգաղթյալների ընդունմանը՝ առանց սահմանափակման և ձգձգումների։ Միևնույն ժամանակ Կոլումբիայի քաղաքացիների և այդ երկրից…
ԵՄ արտաքին գործերի և անվտանգության քաղաքականության բարձր ներկայացուցիչ Կայա Կալասը հայտարարել է, որ Բրյուսելը Բելառուսում անցկացված նախագահի ընտրությունը չի համարում ազատ և ժողովրդավարական, այդ իսկ պատճառով էլ մտադիր է պահպանել Մինսկի դեմ պատժամիջոցները: «Ժողովրդավարության համար անհրաժեշտ են ազատ, ազնիվ ու թափանցիկ ընտրություններ, որոնք պետք է անցկացվեն մի հասարակությունում, որտեղ պահպանվում են մարդու իրավունքները, չկան խոսքի…
Բելառուսի գործող նախագահ Ալեքսանդր Լուկաշենկոն, ըստ exit poll-ի տվյալների, հավաքում է ընտրողների ձայների 87,6 տոկոսը երկրի նախագահի ընտրությունում: Բելառուսի ԿԸՀ-ի տվյալներով՝ նախագահի ընտրությանը մասնակցությունը ժամը 18:00-ի դրությամբ կազմել է 81,5 տոկոս: Հիշեցնենք՝ 2020 թվականին՝ Բելառուսի նախագահի նախորդ ընտրությանը, մասնակցությունը կազմել էր ընտրողների ընդհանուր թվի 84,3 տոկոսը: 2025 թվականին երկրում ընտրական ցուցակներում ներառված է ավելի քան…
Բելառուսում բացվել են ընտրատեղամասերը նախագահի ընտրության հիմնական օրվա քվեարկության համար: Երկրի ԿԸՀ-ից հայտնել են՝ ընտրատեղամասերը բաց են լինելու ժամը 8:00-ից 20:00-ն: Բելառուսի տարածքում գործում է 5325 ընտրատեղամաս։ Հիշեցնենք՝ հունվարի 21-25-ը Բելառուսում տեղի է ունեցել նախագահի վաղաժամկետ քվեարկություն։ Բելառուսի Հանրապետության նախագահի ընտրությունում քվեարկել է ընտրացուցակներում ընդգրկված քաղաքացիների 41,81%-ը։ 2025 թվականին երկրում ընտրական ցուցակներում ներառված է ավելի…
Ուկրաինան պատրաստ է Ադրբեջանից Եվրոպա բնական գազի տարանցմանը՝ Մոլդովայի նախագահ Մայա Սանդուի հետ համատեղ մամուլի ասուլիսում հայտարարել է Ուկրաինայի նախագահ Վոլոդիմիր Զելենսկին: Նա նշել է, որ Դավոսում Ադրբեջանի նախագահ Իլհամ Ալիևի հետ քննարկել է ադրբեջանական գազի փոխադրման համար ուկրաինական ենթակառուցվածքների օգտագործման հարցը: «Մենք կարող ենք օգտագործել մեր ենթակառուցվածքը ադրբեջանական գազի տարանցման համար»,- ասել է Զելենսկին,…
Սլովակիայի վարչապետ Ռոբերտ Ֆիցոն հայտարարել է, որ Ուկրաինան երբեք չի միանա ՆԱՏՕ-ին: Ֆիցոյի խոսքով՝ վերջին շրջանում որոշ քաղաքական գործիչների հայտարարություններըը վկայում են, որ Ուկրաինան հսկայական խնդիրներ կունենա նաև Եվրամիությանն անդամակցելու հարցում: Նա նաև հայտարարել է, որ Ուկրաինան հակամարտության արդյունքում կկորցնի իր տարածքի մեկ երրորդը և ստիպված կլինի համաձայնել օտարերկրյա զորքերի ներկայությանը:
ԱՄՆ նախագահ Դոնալդ Թրամփը կրկին հայտարարել է, որ կանադացիների հարկերը զգալիորեն կնվազեցվեն, եթե Կանադան դառնա ԱՄՆ 51-րդ նահանգը։ Թրամփի խոսքով՝ ԱՄՆ-ին միանալու դեպքում կանադացիները նաև ստիպված չեն լինի այլևս անհանգստանալ բանակի, առողջապահության համակարգի և այլ հարցերի մասին: Կանադայի իշխանությունը, սակայն, դեմ է նման հեռանկարին: Financial Times-ն էլ գրում է, որ Թրամփը անցած շաբաթ հեռախոսազրույց է…
Չինաստանի ԱԳՆ խոսնակը լրագրողների հետ ճեպազրույցում անդրադարձել է ԱՄՆ նախագահ Դոնալդ Թրամփի հայտարարությանը, որ Պեկինը կարող է կառուցողական դեր խաղալ ռուս-ուկրաինական հակամարտության կարգավորման գործում: Մաո Նինգը հայտարարել է՝ երկխոսությունը ուկրաինական ճգնաժամի կարգավորման միակ կենսունակ միջոցն է: «Ուրախ ենք տեսնել, որ բոլոր կողմերը պայմաններ են ստեղծում ապաէսկալացիայի համար։ Չինաստանը կշարունակի աջակցել խաղաղ բանակցություններին և…
Սլովակիայում զանգվածային ցույցեր են տեղի ունեցել: 20 քաղաքի բնակիչներ դուրս են եկել փողոց՝ բողոքելու երկրի վարչապետ Ռոբերտ Ֆիցոյի քաղաքականության դեմ։ Տեղական ԶԼՄ-ները գրում են, որ Բրատիսլավայում բողոքի ակցիայի մասնակիցների թիվը հասել է 60 հազարի: Ցուցարարները պահանջել են Ֆիցոյի հրաժարականը՝ մեղադրելով նրան ռուսամետ քաղաքականության համար։ Վարչապետը, սակայն, պնդել է, որ «օտարերկրյա ուժերը» ցանկանում են…
Չինաստանի արտաքին գործերի նախարարի հետ ունեցած հեռախոսազրույցում ԱՄՆ պետքարտուղար Մարկո Ռուբիոն հայտարարել է, որ Վաշինգտոնը պատրաստ է Պեկինի հետ անկեղծ երկխոսություն վարել և համատեղ արձագանքել գլոբալ մարտահրավերներին։ Նա հավելել է՝ Վաշինգտոնը հուսով է, որ Թայվանի հարցն էլ խաղաղ կարգավորում կստանա: Վան Ին համոզմունք է հայտնել, որ Պեկինը և Վաշինգտոնը պետք է երկխոսեն, լուծեն առկա տարաձայնությունները…
Թուրքիայի Քոնիա նահանգում փրկարարները քանդված տան փլատակներից դուրս են բերել երկու անձի, հաղորդել է նահանգապետ Իբրահիմ Ակինը։ Ավելի վաղ հաղորդվել է, որ Թուրքիայի Քոնիա նահանգում չորսհարկանի տուն է փլուզվել, պատճառը հայտնի չէ։ Փրկարարների ջանքերն ուղղված են ենթադրաբար փլատակներում գտնվող հինգ մարդու փրկությանը։
Վաշինգտոնը պետք է զգույշ լինի Թայվանի հարցում՝ հայտարարել է Չինաստանի արտաքին գործերի նախարար Վան Ին ԱՄՆ պետքարտուղար Մարկո Ռուբիոյի հետ հեռախոսազրույցի ընթացքում: Չինաստանի արտաքին քաղաքական գերատեսչության հաղորդագրության համաձայն՝ նա Ռուբիոյին ներկայացրել է Պեկինի սկզբունքային դիրքորոշումը Թայվանի հարցի վերաբերյալ: «Թայվանը հնագույն ժամանակներից Չինաստանի տարածքի մի մասն է, և մենք երբեք թույլ չենք տա դրա անջատումը Չինաստանից»,-…
Մոսկվան պատրաստ է բանակցություններ վարել Ուկրաինայում հակամարտության կարգավորման շուրջ՝ հայտարարել է Ռուսաստանի նախագահ Վլադիմիր Պուտինը: «Ինչ վերաբերում է բանակցություններին, ապա մենք միշտ ասել ենք, որ պատրաստ ենք դրանց»,- ասել է Պուտինը: Նրա խոսքով՝ Վոլոդիմիր Զելենսկու որոշումը՝ Ռուսաստանի հետ երկխոսությունն արգելելու վերաբերյալ, անօրինական է դարձնում հնարավոր բանակցությունները: Պուտինը նշել է, որ Արևմուտքը պետք է ստիպի Ուկրաինայի…
Ռուս-հայկական հարաբերությունները բարդ շրջան են ապրում, և դա մեծ մասամբ Արևմուտքի գործողությունների հետևանքն է՝ հայտարարել են Ռուսաստանի արտաքին գործերի նախարարությունում՝ ի պատասխան լրատվամիջոցների հարցերին: Գերատեսչությունում ափսոսանք են հայտնել, որ Հայաստանում հաճախ դրական են արձագանքել Արևմուտքի խոստումներին, նշել «ՀԱՊԿ-ը Հայաստանի անվտանգության անկյունաքարն է, իսկ ԵԱՏՄ-ին անդամակցությունը երկրի տնտեսական բարեկեցության գրավականն է»: «Մենք բազմիցս ցույց ենք տվել…
Ղազախստանը ադրբեջանական AZAL ավիաընկերության ինքնաթիռի սև արկղերի վերծանված տվյալները փոխանցել է Ռուսաստանին և Ադրբեջանին՝ հայտարարել է Ղազախստանի փոխվարչապետ և ավիավթարի հետաքննության հանձնաժողովի ղեկավար Կանատ Բոզումբաևը։ «Դրանք վերծանվել են Բրազիլիայում, վերադարձվել Ղազախստան, գտնվում են գլխավոր դատախազության ենթակայությամբ գործող քննչական խմբի մոտ։ Բոլոր փորձագետներն աշխատում են դրանց վրա։ Այժմ և՛ ադրբեջանական, և՛ ռուսական կողմերն ունեն այդ արկղերի…
ԱՄՆ-ն նախընտրում է լրացուցիչ մաքսատուրքեր չսահմանել Չինաստանից ներկրվող ապրանքների նկատմամբ՝ Fox News-ին տված հարցազրույցում հայտարարել է Դոնալդ Թրամփը: «Մենք մի մեծ գործիք ունենք Չինաստանի վրա ազդելու համար՝ մաքսատուրքերը։ Ես, իհարկե, կնախընտրեի դրանք չօգտագործել: Բայց դա Չինաստանի վրա ազդելու հսկայական միջոց է», — ասել է ԱՄՆ նախագահը։ Թրամփը նշել է, որ Չինաստանի նախագահ Սի Ծինփինն իր…
Հունգարիան ավելի քան 18 միլիարդ եվրո է կորցրել հակառուսական պատժամիջոցների պատճառով՝ հայտարարել է երկրի վարչապետ Վիկտոր Օրբանը: «Այժմ պատժամիջոցների երկարաձգման հարցը օրակարգում է: Ես սեղմել եմ արգելակները ու խնդրել եմ եվրոպացի առաջնորդներին ընդունել, որ դա չի կարող շարունակվել, Հունգարիային չեն կարող ստիպել այդքան գումար վճարել»,- հայտարարել է Օրբանը: Հունգարիայի վարչապետը հավելել է, որ ինքը երբեք…
Նախագահ Վլադիմիր Պուտինը պատրաստ է ԱՄՆ նախագահ Դոնալդ Թրամփի հետ զրույցին՝ հայտարարել է ՌԴ նախագահի մամուլի քարտուղար Դմիտրի Պեսկովը: Նա լրագրողներին կոչ է արել «սուրճի գավաթով գուշակություններ չանել»։ «Պուտինը պատրաստ է, մենք սպասում ենք ամերիկյան կողմից ազդակների, բոլորը պատրաստ են։ Եթե այս մասին ասելիք լինի, մենք ձեզ կտեղեկացնենք»,- ասել է Կրեմլի խոսնակը: Ավելի վաղ ԱՄՆ…
ԱՄՆ նախագահ Դոնալդ Թրամփը հայտարարել է, որ իր կարծիքով՝ Վաշինգտոնը չպետք է ֆինանսավորի ՆԱՏՕ-ն։ Նա լրագրողներին հայտնել է, որ ԱՄՆ-ն պաշտպանում է ՆԱՏՕ-ի անդամներին, բայց հակառակը տեղի չի ունենում։ «Ես վստահ չեմ, որ մենք պետք է ինչ-որ բան ծախսենք, բայց մենք, անշուշտ, պետք է օգնենք նրանց։ Մենք պաշտպանում ենք նրանց, բայց նրանք մեզ չեն պաշտպանում»,…
Amnesty International միջազգային իրավապաշտպան կազմակերպությունը Ադրբեջանում մարդու իրավունքների վերաբերյալ զեկույց է ներկայացրել Եվրոպայի խորհրդին։ Այն վերնագրված է «Ադրբեջանում մարդու իրավունքների իրավիճակի վերաբերյալ հույսի նշան չկա: Մարդու իրավունքների համակարգային և լուրջ խախտումները պետք է խստորեն դատապարտվեն»: Իրավապաշտպան կազմակերպությունը մտահոգություն է հայտնել Ադրբեջանում մարդու իրավունքների վիճակի առնչությամբ, մասնավորապես՝ խոսքի ազատության, միավորումների և խաղաղ հավաքների իրավունքի անհիմն սահմանափակումների,…
Իրակլի Կոբախիձեն վերահաստատել է ԱՄՆ-ի հետ հարաբերությունները վերականգնելու՝ Վրաստանի պատրաստակամությունը։ «Մենք շահագրգռված ենք հարաբերությունների վերականգնմամբ, և ավելին, մենք հայտարարել ենք, որ ցանկանում ենք թարմացնել ԱՄՆ-ի հետ ռազմավարական գործընկերությունը։ Մենք ցանկանում ենք դա անել կոնկրետ ճանապարհային քարտեզի օգնությամբ»,- ասել է Կոբախիձեն։ Վրաստանի վարչապետը ևս մեկ անգամ շեշտել է, որ ԱՄՆ նոր նախագահի վարչակազմի հետ ունեն ընդհանուր…
Իրանի ու Թուրքիայի արտգործնախարարները հեռախոսազրույց են ունեցել, քննարկել են Սիրիայի զարգացումներին առնչվող հարցեր: Աբբաս Արաղչին ընդգծել է Իրանի հանձնառությունը՝ աջակցելու Սիրիայի ինքնիշխանությանն ու տարածքային ամբողջականությանը: Նա կարևորել է ներքին հակամարտությունների կանխարգելումը և ներառական կառավարության ստեղծումը, որը պետք է ներկայացնի երկրի բոլոր քաղաքական, էթնիկ և կրոնական խմբերը: Զրույցի ընթացքում կողմերը քննարկել են նաև Իրանի և Թուրքիայի…
ԱՄՆ նախագահ Դոնալդ Թրամփը հայտարարել է, որ ցանկանում է հնարավորինս շուտ հանդիպել Ռուսաստանի նախագահ Վլադիմիր Պուտինի հետ՝ Ուկրաինայի հետ պատերազմին վերջ դնելու համար։ Այդ մասին հաղորդում է Reuters-ը։ Թրամփը նաև ցանկություն է հայտնել աշխատել միջուկային զենքի կրճատման ուղղությամբ։ «Ես իսկապես կցանկանայի նախագահ Պուտինի հետ հանդիպել հնարավորինս շուտ, որպեսզի այդ պատերազմն ավարտվի», — Դավոսի Համաշխարհային տնտեսական…
