Լրահոս

Թուրքիան օգոստոսի 7-ին հայտ կուղարկի ՄԱԿ-ի Միջազգային դատարան՝ Իսրայելի դեմ Հարավաֆրիկյան Հանրապետության հայցին միանալու համար՝ հայտարարել է Թուրքիայի արտգործնախարար Հաքան Ֆիդանը Եգիպտոսում կայացած բանակցությունների ավարտին:  Եգիպտոսում Ֆիդանը նախագահ Աբդել Ֆաթահ աս Սիսիի հետ քննարկել է տարածաշրջանային հարցեր, այդ թվում՝ Գազայում տիրող իրավիճակը: Նա նաև այցելել է Ռաֆահ նավահանգիստ և սահմանային անցակետ, ինչպես նաև հանդիպել Կարմիր մահիկի թուրք աշխատակիցների հետ:…

Ադրբեջանի արտգործնախարարությունն այդ երկրի քաղաքացիներին կոչ է արել խուսափել Իսրայել այցելելուց: «Հաշվի առնելով այն տարածաշրջանում անվտանգության հետ կապված արագ փոփոխվող իրավիճակը, որտեղ գտնվում է Իսրայել Պետությունը, Ադրբեջանի Հանրապետության քաղաքացիներին խորհուրդ է տրվում առանց անհրաժեշտության չայցելել Իսրայել Պետություն»,- ասված է այդ կապակցությամբ հաղորդագրության մեջ:

Բանգլադեշի վարչապետ Շեյխ Հասինայի հրաժարականից և երկիրը լքելուց հետո ցուցարարները ներխուժել են վարչապետի նստավայր և խորհրդարան: Երկրի բանակի գլխավոր հրամանատար Վաքար-ուզ-Զամանը հայտնել է, որ երկրում կձևավորվի ժամանակավոր ռազմական կառավարություն: «Մենք կարգուկանոն կապահովենք, որպեսզի արդարություն հաստատվի բողոքի ցույցերի ժամանակ տեղի ունեցած յուրաքանչյուր մահվան նկատմամբ: Մենք հրավիրել ենք բոլոր հիմնական քաղաքական կուսակցությունների ներկայացուցիչներին։ Նրանք համաձայնել են համագործակցել»,- ասել…

Ամենակարևորը ամերիկացի գործընկերների կողմից քայլեր ձեռնարկելն է, մենք դա դեռ չենք տեսնում, սակայն ուկրաինական պատերազմի ավարտից հետո մոտեցումներն արմատապես կփոխվեն: Այդ մասին հայտարարել է Վրաստանի վարչապետ Իրակլի Կոբախիձեն:   Նա լրագրողների հետ զրույցի ժամանակ նշել է, որ Վրաստանը քայլեր է անում՝ ԱՄՆ-ի հետ իր հարաբերությունները բարելավելու համար:    Վարչապետը նաև պատասխանել է Վաշինգտոնի կողմից Թբիլիսիին…

Կոռուպցիայի գործով ձերբակալվել է Ռուսաստանի պաշտպանության նախարարության ինովացիոն զարգացման գլխավոր վարչության պետի տեղակալ, գեներալ-մայոր Վլադիմիր Շեստերովը՝ հայտնել են ՌԴ Քննչական կոմիտեից: Նա մեղադրվում է «Պատրիոտ» այգու և ցուցահանդեսային կենտրոնի գործունեության համար հատկացված բյուջետային միջոցները յուրացնելու համար: Գործը հարուցվել է Քրեական օրենսգրքի «խարդախություն» հոդվածով: Շեստերովի հետ ձերբակալվել է «Պատրիոտ» այգու տնօրեն Վյաչեսլավ Ահմեդովը, նրան ուղարկել են…

Մեծ Բրիտանիայում արդեն մի քանի օր է՝ անհանգիստ է: Տեղական լրատվամիջոցները գրում են, որ երկրի մի շարք բնակավայրերում, այդ թվում՝ մայրաքաղաք Լոնդոնում, ներգաղթյալների դեմ բողոքի ցույցեր են անցկացվում, տասնյակ քաղաքացիներ են ձերբակալվել։   The Guardian-ի տվյալով՝ ակցիայի մասնակիցների, միգրանտների և իրավապահների միջև բախումներ են եղել: Ցուցարարներն ավերել են ոստիկանական բաժանմունքներ, խանութներ ու մզկիթներ, հրկիզել հասարակական…

Բանգլադեշի վարչապետ Շեյխ Հասինան հրաժարական է տվել և լքել երկիրը զանգվածային ցույցերի ֆոնին, որոնց հետևանքով առնվազն 300 մարդ է զոհվել:   BBC-ի տվյալով՝ վարչապետին տեղափոխող ուղղաթիռը մեկնել է Հնդկաստանի ուղղությամբ: Շեյխ Հասինայի հրաժարականից առաջ տեղեկություններ են տարածվել, որ հազարավոր ցուցարարներ գրոհել են մայրաքաղաք Դաքքայում գտնվող նրա նստավայրը:   Բանգլադեշում լայնածավալ բողոքի ցույցերը շարունակվում են հուլիսի…

Իրանի ԱԳՆ խոսնակ Նասեր Քանանին, անդրադառնալով ՀԱՄԱՍ-ի քաղբյուրոյի ղեկավար Իսմայիլ Հանիեի սպանությանը, նշել է, որ Իսրայելի գործողություները միջազգային իրավունքի խախտում են։ Նրա խոսքով՝ Թեհրանն իրավունք ունի՝ պատժելու Իսրայելին և պաշտպանելու իր ազգային անվտանգությունն ու տարածքային ամբողջականությունը։ Քանանին հավելել է, որ իրանական կողմն արդեն ձեռնարկել է անհրաժեշտ իրավական և քաղաքական միջոցառումներ։ Իրանի ԱԳՆ խոսնակը տեղեկացրել է…

Վենեսուելայի նախագահ Նիկոլաս Մադուրոն խոսք է տվել չեզոքացնել իր և երկրի հանդեպ մարտահրավերներն և ոտնձգությունները՝ հայտնել են տեղական աղբյուրները:    «Ես պատրաստ եմ փոշու վերածել բոլորին, ով մարտահրավեր կնետի ինձ: Ես կանեմ ամեն ինչ հեղափոխությունը պաշտպանելու համար»,- ասել է նա: Մադուրոն ավելացրել է, որ հուլիսի 28-ի քվեարկությունից հետո ավելի քան 2000 մարդ է ձեռբակալվել:  …

Վոլոդիմիր Զելենսկին հաստատել է, որ Ուկրաինայի զինված ուժերը համալրվել է ամերիկյան առաջին F-16 ինքնաթիռներով։   Մատակարարումների համար նախագահը շնորհակալություն է հայտնել ԱՄՆ-ի, Դանիայի և Նիդերլանդների գործընկերներին:   The Economist պարբերականի տվյալով՝ Ուկրաինա այժմ տասը F-16 կործանիչ է ուղարկվել, ակնկալվում է, որ մինչև 2024 թվականի վերջ Կիևին ևս 20 ինքնաթիռ կտրամադրվի։ Նշվում է, որ ընդհանուր առմամբ,…

ԱՄՆ-ի և Իսրայելի պաշտպանական գերատեսչությունների ղեկավարները քննարկել են իրավիճակը Մերձավոր Արևելքում: Ըստ Պենտագոնի՝ Լլոյդ Օսթինը անկեղծ աջակցություն է հայտնել Իսրայելի անվտանգությանը և Իրանից, «Հեզբոլլահից», հութիներից և այլ խմբավորումներից ինքնապաշտպանվելու իրավունքին: Հաղորդագրության համաձայն՝ նախարարները քննարկել են տարածաշրջանում ամերիկյան լրացուցիչ ուժերի տեղակայումը՝ թուլացնելու և զսպելու Մերձավոր Արևելքում հնարավոր էսկալացիան: Լլոյդ Օսթինը նաև աջակցություն է հայտնել Գազայի հատվածում…

Շվեդիա-Հայաստան բարեկամական խմբի անդամ Էրիկ Հելսբորնը X-ի էջում հրապարակել է խմբի հայտարարությունը, որով Շվեդիա-Հայաստան բարեկամական խումբը ողջունել է Եվրոպական խաղաղության հիմնադրամից Հայաստանին աջակցություն տրամադրելու և վերջինիս հետ վիզաների ազատականացման շուրջ երկխոսություն սկսելու վերաբերյալ՝ Եվրոպական միության որոշումները։ «Սա Հայաստան-ԵՄ գործընկերության շատ կարևոր հանգրվան է՝ հիմնված ընդհանուր արժեքների, սկզբունքների և բարգավաճման տեսլականի վրա։ Մենք՝ Շվեդիայի Ռիկսդագի Շվեդիա-Հայաստան…

Հորդանանի արտգործնախարարի հետ հանդիպման ժամանակ Իրանի նախագահ Մասուդ Փեզեշքիանը հայտարարել է, որ ՀԱՄԱՍ-ի քաղբյուրոյի ղեկավար Իսմայիլ Հանիեի սպանությունը մեծ սխալ էր, նա խոստացել է անպատասխան չթողնել Իսրայելի արարքը: Փեզեշքիանը հայտարարել է, որ Իրանն ակնկալում է, որ «բոլոր իսլամական և ազատատենչ երկրները դատապարտեն Իսրայելի գործողությունը»: Հորդանանի արտգործնախարարը դատապարտել է Հանիեի սպանությունը և նշել, որ Իսրայելի վարչապետ…

Մալիի իշխանությունները որոշում են կայացրել խզել դիվանագիտական հարաբերություններն Ուկրաինայի հետ։ Աֆրիկյան երկրի կառավարությունը հայտարարել է, թե Կիևն աջակցում է զինված ահաբեկիչների գործողություններին: Հրապարակված փաստաթղթում նշվում է, որ Մալիի իշխանությունները մեծ զարմանքով ի գիտություն են ընդունել Ուկրաինայի հետախուզության գլխավոր վարչության ներկայացուցիչ Անդրեյ Յուսովի խոսքը հուլիսի վերջին Մալիի հյուսիսարևելյան Տինզաուատեն շրջանում զինված ահաբեկչական խմբավորումների հարձակմանն Ուկրաինայի մասնակցության…

Իսրայել-Լիբանան սահմանին հնարավոր էսկալացիայի ֆոնին Անկարան կոչ է արել Թուրքիայի քաղաքացիներին լքել Լիբանանի տարածքը և առանց խիստ անհրաժեշտության չմեկնել այդ երկիր:   Նման կոչերով են հանդես եկել նաև Հայաստանը, Միացյալ Նահանգները, Կանադան, Ռուսաստանը և այլ երկրներ:    Ավելի վաղ Լիբանանում գործող «Հեզբոլլահ» շարժումը տասնյակ հրթիռներ է արձակել Իսրայելի հյուսիսային տարածքների ուղղությամբ: The Times of Israel-ի տվյալով՝…

«Հեզբոլլահ»-ի անօդաչու սարքը հարվածել է Իսրայելի բանակի՝ Լիբանանի հետ սահմանին գտնվող հրամանատարական կետին։ Ինչպես հայտնում է Al Mayadeen-ը, իսրայելցի երկու զինվորական վիրավորում են ստացել։

Իսրայելի բանակը հայտարարել է Գազայի հատվածի հյուսիսում ՀԱՄԱՍ-ի կառավարման և սպառազինությունների արտադրության կենտրոնին հարվածելու մասին: ՑԱՀԱԼ-ից հայտնել են, որ ավելի վաղ այդ շենքում դպրոց է եղել: Լրատվամիջոցները հայտնում են, որ գնդակոծության հետևանքով տասը պաղեստինցի է զոհվել, մի քանիսը՝ վիրավորվել: Արաբական աղբյուրների համաձայն՝ դպրոցի տարածքում պատսպարված են եղել ռմբակոծությունից փախած խաղաղ բնակիչներ: Իսրայելի բանակն իր հերթին պնդում է, որ մինչև…

Ուկրաինայի զինված ուժերը Ղրիմում խորտակել է ռուսական «Դոնի Ռոստով» սուզանավը։ Տեղեկությունը պաշտոնապես հաստատել են Ուկրաինայի ԶՈՒ գլխավոր շտաբում։ «Ուկրաինայի պաշտպանության ուժերը Ղրիմում հարվածներ են հասցրել թշնամու С-400 սուզանավին և զենիթահրթիռային համալիրին»,- ասված է հաղորդագրության մեջ: Տեղեկատվության համաձայն՝ Ուկրաինայի հրթիռային զորքերի ստորաբաժանումները՝ զինված ուժերի ռազմածովային ուժերի ստորաբաժանումների հետ փոխգործակցությամբ, վնասել են նաև «Տրիումֆ» ԶՀՀ-ի 4 արձակման…

Տասը տարի առաջ՝ 2014 թվականի օգոստոսի 3-ին, սկսվեց եզդիերի բնաջնջումը «Իսլամական պետության» կողմից՝ X-ի իր միկրոբլոգում գրել է Հայաստանում Ֆրանսիայի դեսպան Օլիվիե Դըկոտինյին։ «Զանգվածային սպանություններ, բռնաբարություններ, բռնի կրոնափոխություն. հարյուրամյակի տարբերությամբ նրանց նահատակությունը կրկնեց հայերի նահատակությունը 1915 թվականին»,- նշել է դիվանագետը։ Il y a dix ans, le 3 août 2014, débutait l’entreprise d’extermination des Yézidis par…

Պաղեստինյան ՀԱՄԱՍ խմբավորման քաղբյուրոյի ղեկավար Իսմայիլ Հանիեն սպանվել է իսրայելական բանակի մոտ 7 կգ քաշով մարտագլխիկով փոքր հեռահարության արկի կրակոցից: Այդ մասին հայտարարել է Իրանի Իսլամական հեղափոխության պահապանների կորպուսը: ԻՀՊԿ-ն մեղադրել է ԱՄՆ-ին՝ Հանիեի սպանությանն աջակցելու համար և խոստացել վրեժ լուծել: «Հանիեի արյունը թափելու պատասխանը կլինի խիստ պատիժը, որը վրա կհասնի համապատասխան կերպով հարմար վայրում և…

Իսրայելի ռազմաօդային ուժերը Լիբանանի հարավում ոչնչացրել են «Հեզբոլլահ» շարժման դաշտային հրամանատարին: Այդ մասին ասված է Իսրայելի պաշտպանության բանակի հայտարարության մեջ: «Իսրայելի ռազմաօդային ուժերը Լիբանանի հարավում գտնվող Բազուրիայի շրջանում ոչնչացրել են ահաբեկիչ Ալի Նազիհ Աբեդ Ալիին»,- հայտնել են ՑԱՀԱԼ-ից: Նշվում է, որ նա ներգրավված է եղել շարժման հարավային ճակատի գործունեության մեջ, ծրագրել և իրականացրել է տարբեր…

Էրդողանը Թուրքիան բռնապետության է վերածում ՀԱՄԱՍ-ի մարդասպաններին աջակցելու համար՝ հակառակ ամբողջ ազատ աշխարհի դիրքորոշմանը: Այդ մասին X-ի իր միկրոբլոգում գրել է Իսրայելի արտգործնախարար Իսրայել Կացը: «Նա արգելափակում է Թուրքիայում 57 միլիոն օգտատեր ունեցող Instagram-ը, դադարեցնում է սպորտային հեռարձակումները, քանի որ իսրայելցի մարզիկը հաղթել է թուրք մարզիկին, սպառնում է ներխուժել ժողովրդավարական երկիր, որի հետ Թուրքիան ռազմական…

ԱՄՆ փոխնախագահ Քամալա Հարիսը հայտնել է, որ հաջորդ շաբաթ պաշտոնապես կընդունի ԱՄՆ նախագահի պաշտոնում Դեմոկրատական կուսակցության թեկնածուն լինելու առաջարկը: «Ինձ համար մեծ պատիվ է լինել Միացյալ Նահանգների նախագահի պաշտոնում Դեմոկրատական կուսակցության թեկնածուն: Ես պաշտոնապես կընդունեմ այդ առաջարկը հաջորդ շաբաթ»,- X-ի իր միկրոբլոգում գրել է Հարիսը։ CNN հեռուստաալիքը տեղեկացրել է, որ առցանց ընտրությունում Հարիսն անհրաժեշտ թվով…

Նիկոլաս Մադուրոն հայտարարել է, թե ԱՄՆ-ը և ամերիկացի գործարար Իլոն Մասկը կանգնած են Վենեսուելայում պետական հեղաշրջման անհաջող փորձի ետևում: «Նրանք փորձում են Վենեսուելայում բեմադրել «Գուաիդո» ֆիլմի երկրորդ մասը»,- նշել Է Մադուրոն՝ զուգահեռ անցկացնելով 2019 թվականի իրադարձությունների հետ, երբ որոշ երկրներ Վենեսուելայում նախագահի ընտրությունից հետո երկրի ընտրված նախագահ են ճանաչել են Խուան Գուաիդոյին: Մադուրոն նաև զգուշացրել…

ԱՄՆ փոխնախագահ Քամալա Հարիսն առցանց ընտրությունում անհրաժեշտ թվով ձայներ է ստացել Դեմոկրատական կուսակցությունից նախագահի թեկնածու առաջադրվելու համար՝ գրում է CNN-ը։   Դեմոկրատ պատվիրակների քվեարկությունը մեկնարկել է օգոստոսի 1-ին և կավարտվի օգոստոսի 5-ին։ Հարիսն արդեն 2300-ից ավելի ձայն է ստացել:  ԱՄՆ նախկին նախագահ, նախագահի թեկնածու Դոնալդ Թրամփը տեղեկացրել է, որ համաձայն է սեպտեմբերի 4-ին FoxNews-ի եթերում…

ԱՄՆ-ը լրացուցիչ նավեր և ինքնաթիռներ է ուղարկում Մերձավոր Արևելք՝ անհրաժեշտության դեպքում պաշտպանելու տարածաշրջանում տեղակայված ամերիկյան ուժերը և Իսրայելին, ինչպես նաև ամրապնդում է հակահրթիռային պաշտպանութունը:   Պենտագոնի փոխխոսնակ Սաբրինա Սինգհի ձևակերպմամբ՝ ԱՄՆ պաշտպանության նախարարությունը քայլեր է ձեռնարկում՝ նվազեցնելու Իրանի, նրա գործընկերների և Իսլամական Հանրապետության վերահսկողության տակ գտնվող ուժերի կողմից տարածաշրջանում էսկալացիա հրահրելու հավանականությունը: Նա տեղեկացրել է,…

Հուլիսի 31-ին Վաշինգտոնում կայացել է ԱՄՆ Պետքարտուղարության Կրթության և մշակույթի բյուրոյի կողմից կազմակերպված «Կրթություն ԱՄՆ» գլոբալ ցուցադրությունը, որին մասնակցել է նաև ԱՄՆ-ում ՀՀ դեսպանությունը՝ ներկայացնելով ՀՀ բարձրագույն կրթության առավելությունները և կրթական հաստատությունների կողմից արտասահմանյան ուսանողների համար կազմակերպվող ծրագրերը, որոշ բուհերի հետ նախանշելով հետագա համագործակցության հնարավորությունները։ Ցուցադրությանը մասնակցած ավելի քան 70 երկրներ և ԱՄՆ 300-ից ավելի…

Թուրքիայի և Ուկրաինայի պաշտպանության նախարարներ Յաշար Գյուլերը և Ռուստեմ Ումերովը բանակցություններ են վարել Անկարայում։ Այդ մասին հայտնել է Թուրքիայի պաշտպանության նախարարությունը X-ի էջում՝ չհայտնելով հանդիպման մանրամասները։ Ուկրաինացի նախարարը Թուրքիա այցելել էր նաև մայիսին և հունիսին։ Ումերովի բոլոր այցերը Թուրքիա եղել են փակ ձևաչափով: Millî Savunma Bakanı Yaşar Güler, Ankara’ya ziyaret gerçekleştiren Ukrayna Savunma Bakanı Rüstem…

Իսրայելի պաշտպանության նախարար Յոավ Գալանտն ընդունել է Մեծ Բրիտանիայի պաշտպանության նախարար Ջոն Հիլիին: «Մենք քննարկել ենք Իսրայելի և Մեծ Բրիտանիայի միջև անվտանգության ոլորտում կապերի ամրապնդումը և հետախուզության ոլորտում համագործակցության պահպանումը: Ես կարևորեցի կոալիցիայի ստեղծումը՝ Իսրայելին Իրանից և նրա կամակատարներից պաշտպանելու համար, հատկապես մեր օրերում, դա անհրաժեշտ գործողություն է Մերձավոր Արևելքի և ամբողջ աշխարհի կայունության համար»,- X-ի իր միկրոբլոգում գրել է Գալանտը:  אירחתי הבוקר את שר ההגנה הבריטי ג׳ון הילי, שוחחנו על חיזוק הקשרים…

Բաքուն Փարիզից ներողություն է ակնկալում «Ֆրանս-2» հեռուստաալիքի եթերում հնչած «անընդունելի արտահայտությունների համար»՝ հայտարարել է Ադրբեջանի ԱԳՆ մամուլի քարտուղար Այխան Հաջիզադեն: Նա ասել է, թե Միջազգային օլիմպիական կոմիտեն արդեն արձագանքել է Ադրբեջանի բողոքի պաշտոնական նամակին և ներողություն խնդրել: Հաջիզադեն նշել է, թե Ադրբեջանի դեմ իբր զրպարտության արշավ է իրականացվում։ «Այս տեսանկյունից մենք ակնկալում ենք, որ այդ…