ԱՄՆ նախկին նախագահ Դոնալդ Թրամփը, որն այժմ 4 տարբեր դատապրոցեսներում է ներգրավված, հաղթանակ է տարել Այովա նահանգում հանրապետականների ներկուսակցական առաջին ընտրափուլում: Թրամփը հավաքել է ձայների 50 տոկոսից ավելին: Ներկայացուցիչների պալատի խոսնակ Մայք Ջոնսոնը հայտարարել է, որ Թրամփի վճռական և պատմական հաղթանակն ավելի միասնական կդարձնի հանրապետականներին և կմոտեցնի նոյեմբերի 5-ին նախատեսված ԱՄՆ նախագահի ընտրություններում վերջնական հաղթանակի:…

Ֆրանսիայի Սենատը հունվարի 17-ին կքննարկի 2023 թվականի դեկտեմբերի 1-ին առաջարկված միջկուսակցական բանաձևը՝ ուղղված «Լեռնային Ղարաբաղում Ադրբեջանի ռազմական ագրեսիան դատապարտելուն և Հայաստանի Հանրապետության դեմ ագրեսիայի հետագա փորձերը և տարածքային ամբողջականությունը խախտելը կանխելուն»: Բանաձևը նաև կոչ է անում պատժամիջոցներ կիրառել Ադրբեջանի դեմ և պահանջում է Լեռնային Ղարաբաղ հայ բնակչության վերադարձի իրավունքի երաշխիք։

Թուրքիայի ազգային արժույթը հերթական հակառեկորդն է գրանցել՝ 1 դոլարի դիմաց կազմելով 30 լիրա: Ավելի վաղ այդ երկրի ֆինանսների նախարար Մեհմեթ Շիմշեքը հայտարարել էր, որ իշխանությունները լիրայի փոխարժեքի համար թիրախային ցուցանիշներ չեն սահմանում: Հիշեցնենք, որ Թուրքիայի կենտրոնական բանկը հունիսին հայտարարել էր, որ կշարունակի աստիճանաբար խստացնել դրամավարկային քաղաքականությունը՝ մինչև հնարավոր լինի կանխատեսել գնաճի բարելավում։ Տնտեսագետների գնահատմամբ՝ 2023…

Իրանի իսլամական հեղափոխության պահապանների կորպուսը ստանձնել է իրաքյան Էրբիլ քաղաքի ուղղությամբ հրթիռային հարվածների համար պատասխանատվությունը, ոչնչացրել հակաիրանական ահաբեկչական խմբավորումների բազաներ: Կորպուսը հայտարարություն է տարածել` տեղեկացնելով. «Ի պատասխան Իրանի թշնամիների վերջին ահաբեկչական ակտերի` Մերձավոր Արևելքի որոշ հատվածներում թշնամական շտաբները հարվածների են ենթարկվել պահապանների կորպուսի կողմից մի քանի բալլիստիկ հրթիռի կիրառմամբ»:  Reuters-ը հաղորդում է, որ պայթյունները լսվել…

Թեհրանում հանդիպել են Իրանի և Հնդկաստանի արտգործնախարարները: Հոսեյն Ամիր Աբդոլլահիանը և Սուբրամանիամ Ջայշանքարը, ի թիվս այլ հարցերի, քննարկել են տնտեսական երկկողմ գործակցությունը, ռազմավարական կապերը: Իրանական կողմի տվյալով՝ օրակարգում է եղել Չաբահար նավահանգստի և Հյուսիս-Հարավ երթուղու զարգացման հարցը։ Միջազգային իրադարձությունները` Դիանա Գասպարյանի ռեպորտաժում:

Իսրայելցի ֆուտբոլիստ Սագիվ Եհեզկելն ազատ է արձակվել կալանքից և արտաքսվել Թուրքիայից: Նրան ձերբակալել էին «Տրաբզոնսպորի» հետ հանդիպման ժամանակ։ Թուրքական «Անթալիասփոր» ակումբում հանդես եկող Եհեզկելը ձերբակալվել էր հունվարի 14-ին թուրքական ոստիկանության կողմից՝ «Տրաբզոնսպոր» ակումբի հետ հանդիպման ժամանակ Իսրայելին համերաշխություն հայտնելու համար։ Նա իր խփած գոլը նվիրել էր ՀԱՄԱՍ-ի գերեվարած մարդկանց։ Դրանից հետո «Անթալիասփոր»-ի տնօրենների խորհուրդը խաղացողին…

Հունվարի 14-ին Դավոսում կայացած ուկրաինական «Խաղաղության բանաձևի» վերաբերյալ ազգային անվտանգության հարցով խորհրդականների հանդիպումն ավարտվել է առանց գործողությունների հստակ ծրագրի մշակման։ Հանդիպմանը մասնակցել է շուրջ 83 պատվիրակություն, որոնցից 18-ը՝ ասիական երկրներից, 12-ը՝ Աֆրիկայից։ Չինաստանը, ներկա չի եղել միջոցառմանը, ընդգծում են Bloomberg-ի փորձագետները։ Իր հերթին, Ուկրաինայի նախագահի գրասենյակի ղեկավար Անդրիյ Երմակը խոստովանել է, որ Կիևի առաջ քաշած…

Բաքվում կահույքի արտադրամասում տեղի ունեցած պայթյունի հետևանքով զոհերի թիվը հասել է 6-ի, վիրավորվել է 24 հոգի: «Թարմացված տեղեկատվության համաձայն՝ պայթյունի վայրում փրկարարական և որոնողական աշխատանքների ընթացքում փլատակներից դուրս է բերվել վեց մարդու դի»,- «Ինտերֆաքսին» հայտնել են Ադրբեջանի գլխավոր դատախազությունից։ Դեպքի առթիվ հարուցվել է քրեական գործ երկու հոդվածով՝ հրդեհային անվտանգության կանոնների խախտում, որն անզգուշությամբ հանգեցրել է…

Հայաստանի ԱԳ նախարարություն X-ի իր միկրոբլոգում հարգանքի տուրք է մատուցել Բաքվի ջարդերում սպանված անմեղ զոհերի հիշատակին: «34 տարի առաջ այս օրերին Բաքվում հայերի ջարդերը դարձան Ադրբեջանական ԽՍՀ-ի հայ բնակչության բռնի տեղահանման և էթնիկ զտման քաղաքականության գագաթնակետը: Հարյուրավոր մարդիկ սպանվեցին, խեղվեցին և անհետ կորան, կես միլիոնը դարձան փախստական։ Մենք հարգանքի տուրք ենք մատուցում անմեղ զոհերի հիշատակին…

Հնդկաստանի ԱԳ նախարար Սուբրամանյամ Ջայշանկարը ժամանել է Թեհրան և առանձին հանդիպումներ է ունեցել Իրանի արտգործնախարար Հոսեյն Ամիր Աբդոլլահիանի և ճանապարհների ու քաղաքաշինության նախարար Մեհրդադ Բազրփաշի հետ։ Իրանի և Հնդկաստանի արտգործնախարարների համատեղ մամուլի ասուլիսի ընթացքում Աբդոլլահիանը հայտնել է, որ հանդիպման ընթացքում խոսել են երկու երկրի տնտեսական համագործակցության, ռազմավարական կապերի, Չաբահար նավահանգստի զարգացման, հյուսիս-հարավ տարանցիկ ճանապարհի և…

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։   Վարորդներին խորհուրդ է տրվում երթևեկել բացառապես ձմեռային անվադողերով։  

Դանիայի կառավարության ղեկավար Մետե Ֆրեդերիկսենը կիրակի Կոպենհագենի Քրիստիանսբորգ պալատի պատշգամբից դանիական թագի հպատակներին հայտարարել է թագավոր Ֆրեդերիկ X-ի գահ բարձրանալու մասին, որը նույնպես առաջին անգամ հայտնվել է հանրության առջև` որպես թագավոր: 83-ամյա Մարգրետե II թագուհին 52 տարվա կառավարումից հետո պաշտոնապես հրաժարվել է գահից՝ միապետ հռչակելով ավագ որդուն՝ 55-ամյա Ֆրեդերիկին: Թագուհի Մարգրետե II-ը գահից հրաժարվելու մասին…

Կիրակի հրաբխի ժայթքում է սկսվել Իսլանդիայի Ռեյկյանես թերակղզում, երկրի հարավ-արևմուտքում գտնվող Գրինդավիկ քաղաքից հյուսիս:   Իսլանդական ռադիոյի տվյալներով՝ ժայթքումին նախորդել է փոքր երկրաշարժերի շարք։ Աղբյուրի հաղորդմամբ՝ ներկայումս լավայի հոսքն արդեն ձևավորվել է, և այն մեծանում է, սակայն հստակ վայրը, թե որտեղից է լավան դուրս գալիս, առայժմ հնարավոր չէ որոշել: Մեծանում է նաև ժայթքման հետևանքով գետնի…

Երկուշաբթի Այովա նահանգում անցկացվելու են Հանրապետական կուսակցության ակտիվիստների առաջին հանդիպումները, որոնք էլ պաշտոնական մեկնարկ են տալու  նախագահի հանրապետական թեկնածուի որոշման գործընթացին։ Չնայած եղանակային վատ պայմաններին՝ հանրապետականները որոշել են հավատարիմ մնալ 50-ամյա ավանդույթին և անցկացնել թեկնածուի առաջին ընտրությունը: Այս տարի դեմոկրատները փոխել են ժամանակացույցը և Նյու Հեմփշիր նահանգում կուսակցության նախագահի թեկնածուին ընտրելու են հունվարի 23-ին: Այովա…

Պայթյուն է որոտացել Բաքվի կահույքի արտադրամասերից մեկում, որից հետո հրդեհ է բռնկվել: Ըստ լրատվամիջոցների՝ պատահարի հետևանքով երկու մարդ զոհվել է, 24-ը՝ վիրավորվել: Դեպքի վայր են եկել պետական հրշեջ ծառայության, հատուկ ռիսկի փրկարար ծառայության և ԱԻՆ Բաքվի տարածաշրջանային կենտրոնի ուժերը, շտապօգնության 15 բրիգադ։ Ըստ վերջին տեղեկությունների, հրդեհը մասամբ մարվել է:

ԱՄՆ Կոնգրեսի դեմոկրատներն ու հանրապետականները համաձայնության են եկել մի օրինագծի շուրջ, որը երկարաձգում է որոշ պետական ​​մարմինների ֆինանսավորումը մինչև մարտի 1-ը, իսկ մյուսների համար՝ մինչև մարտի 8-ը: Այդ մասին ասված է Սենատի դեմոկրատական ​​մեծամասնության առաջնորդ Չակ Շումերի՝ կիրակի հրապարակված հայտարարության մեջ։ Օրենսդիրն ակնկալում է, որ համաձայնեցված փաստաթուղթը Կոնգրեսը կընդունի առաջիկա օրերին, որպեսզի ԱՄՆ նախագահ Ջո…

Ադրբեջանում մեկնարկել է արտահերթ նախագահական ընտրության քարոզարշավը: «Հանրապետության ընտրական օրենսդրության համաձայն՝ նախընտրական քարոզարշավը սկսվում է քվեարկության օրվանից 23 օր առաջ, որը նշանակված է փետրվարի 7-ին, այսինքն՝ հունվարի 15-ին, և ավարտվում է ընտրություններից մեկ օր առաջ»,-հաղորդում է երկրի կենտրոնական ընտրական հանձնաժողովը: Նախագահի պաշտոնի համար պայքարելու է յոթ թեկնածու։ Նրանց թվում են գործող նախագահ Իլհամ Ալիևը, որի…

Այն, ինչ մենք տեսնում ենք Չինաստանի հետ հարաբերությունների խորացման առումով, վրեժն է քաղաքական Արևմուտքի նկատմամբ, «Սրանք քայլեր են Ամերիկայի և ԵՄ-ի դեմ»,- ասել է Լելոյի առաջնորդներից Գրիգոլ Գեգելիան՝ գնահատելով «Վրացական երազանքի» պատվիրակության այցը Չինաստան։ Նրա խոսքով, Չինաստանն ունի մի շարք շահեր, որոնք չեն համընկնում և չեն կարող համընկնել անկախ, ազատ, ինքնիշխան Վրաստանի շահերի հետ, համապատասխանաբար,…

ԱՄՆ պետքարտուղարության՝ կոռուպցիայի դեմ գլոբալ պայքարի համակարգող Ռիչարդ Նեֆյուն հունվարի 15-18-ը կայցելի Հայաստան և Վրաստան: Այդ մասին հայտնել է պետքարտուղարության մամուլի ծառայությունը։ Երկու երկրում էլ նա կքննարկի կոռուպցիայի դեմ պայքարում առկա ջանքերն ու մարտահրավերները և կսահմանի հետագա համագործակցության ոլորտները: Հայաստանում համակարգող Նեֆյուն կհանդիպի պետական պաշտոնյաների, այդ թվում՝ արդարադատության ոլորտի և իրավապահ մարմինների ներկայացուցիչների հետ, կմասնակցի…

Բորժոմիի «Կուկուշկա»-ն՝ հայտնի Բորժոմի-Բակուրիանի գնացքը, գործարկվելու է ենթակառուցվածքների վերանորոգումից հետո, գրում է Ազատություն ռադիոկայանը։ Երկաթուղային գիծը փակվել է չորս տարի՝ այն դադարեցվել է 2020 թվականին՝ համաճարակի ժամանակ։ «Վրացական երկաթուղիները» ավելի ուշ հայտարարեցին, որ ենթակառուցվածքը անապահով է և վերանորոգման կարիք ունի, բայց դեռ գումար չկա։ Պետք է վերանորոգել հենց գնացքը, նեղ ճանապարհի ռելսերը՝ մի խոսքով, ամբողջ…

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բեռնատարների համար։   Վարորդներին խորհուրդ է տրվում երթևեկել բացառապես ձմեռային անվադողերով։  

Լեհաստանի զինված ուժերի օպերատիվ հրամանատարությունը բնակչությանը տեղեկացրել է ռուսական ավիացիայի ակտիվության ուժեղացման պատճառով Ուկրաինայի հետ սահմանի մոտ հանրապետության և նրա դաշնակիցների ռազմական ինքնաթիռների թռիչքների մասին: Երկրի պաշտպանական գերատեսչությունից հայտնել են, որ որոշում է կայացվել ակտիվացնել լեհական ավիացիան՝ Լեհաստանի օդային տարածքի անվտանգությունն ապահովելու համար:

Կիևի Սոլոմենսկի շրջանում հրդեհվել է «Կոսմոպոլիտ» առևտրի կենտրոնի 4-րդ հարկը, 200 մարդ տարհանվել է: Այդ մասին հայտնել է քաղաքապետ Վիտալի Կլիչկոն։ Ավելի ուշ լրատվամիջոցները հայտնել են, որ հրդեհը մարվել է, տուժել է երեք մարդ, որոնցից մեկը՝ երեխա: Նշվում է, որ նրանց կյանքին վտանգ չի սպառնում:

Էկվադորում անկարգությունների և բռնության կտրուկ աճի ֆոնին ոստիկանությունը և բանակն ուժեղացված ռեժիմով անվտանգության գործողություններ են իրականացնում ամբողջ երկրում: Reuters-ը գրում է, որ ռեյդերի ընթացքում հանցավոր խմբավորումների հետ կապ ունենալու կասկածանքով հարյուրավոր մարդիկ են ձերբակալվել։ Էկվադորում անվտանգային իրավիճակը կտրուկ վատթարացել է հունվարի 7-ին,երբ «Լոս Չոներոս» և «Լոս-Լոբոս» խմբավորումների առաջնորդները փախել են բանտից, ընդհանուր առմամբ 30-ից ավելի…

Ռուսական ուժերը հարվածել են Ուկրաինայի տարածքին, Կիևի շրջանում և մայրաքաղաքում գործարկվել է ՀՕՊ համակարգը, լսվել են պայթյուններ: Իշխանությունը բնակիչներին կոչ է արել թաքնվել ապաստարաններում: Լարված է իրավիճակը նաև այլ բնակավայրերում, հայտնի է խաղաղ բնակչության շրջանում տուժածների մասին: Ավելի ուշ ՌԴ ՊՆ-ն հայտնել է, որ երկրի Զինված ուժերը ծովային և օդային հեռահար ճշգրիտ զինատեսակներով, այդ թվում՝…

Հեղինակ՝ Սերինե Սերոբյան

Ֆրանսիայի արտաքին գործերի նորանշանակ նախարար Ստեֆան Սեժուռնեն այսօր առավոտյան պաշտոնական այցով ժամանել է Կիև: Ֆրանսիայի արտաքին գործերի նախարարության տվյալով՝ այցի նպատակն է «շարունակել Փարիզի դիվանագիտական ջանքերը և հաստատել Ֆրանսիայի նվիրվածությունը իր դաշնակիցներին և քաղաքացիական բնակչությանը»: Ժամանելով Կիև՝ Սեժուռնեն հայտարարել է, որ Ուկրաինան գրեթե երկու տարի պաշտպանում է իր ինքնիշխանությունն ու ապահովում Եվրոպայի անվտանգությունը: «Ֆրանսիայի օգնությունը…

Թուրքիայի պաշտպանության նախարարությունից հայտնել են, որ Իրաքի հյուսիսում գտնվող թուրքական ռազմակայանի վրա հարձակման հետևանքով ինը թուրք զինծառայող է զոհվել: Գերատեսչության տվյալով՝ հարձակումն իրականացրել են Քրդստանի աշխատավորական կուսակցության (PKK) զինյալները։ Հարձակմանն ի պատասխան՝ թուրքական օդուժը այսօր հարվածներ է հասցրել զինյալների ենթակառուցվածքին և Իրաքի քրդաբնակ շրջաններին։ Թուրքիայի ՊՆ-ից հայտնել են, որ ոչնչացվել է քրդական ուժերի 29 օբյեկտ,…

Ադրբեջանի պաշտպանության նախարարը հայտնել է, որ Բաքուն ադրբեջանական բանակը Թուրքիայի զինված ուժերի մոդելին համապատասխանեցնելու ուղղությամբ արդյունավետ բարեփոխումներ է իրականացրել: Զաքիր Հասանովի խոսքով՝ այդ գործընթացը շարունակական է լինելու:

ՄԱԿ-ում ԱՄՆ ներկայացուցիչ Լինդա Թոմաս-Գրինֆիլդը Եմենի շուրջ վերջին զարգացումների հարցով Անվտանգության խորհրդի նիստում հայտարարել է, որ Միացյալ Նահանգները հարվածներ է հասցրել հութիներին այն բանից հետո, երբ սպառել է Կարմիր ծովում նավագնացությանը սպառնացող վտանգները հաղթահարելու ոչ ռազմական տարբերակները: Նրա խոսքով՝ Միացյալ Նահանգների և Մեծ Բրիտանիայի գործողություններն ինքնապաշտպանական բնույթ են կրում: Եգիպտոսի ԱԳՆ-ն մտահոգություն է հայտնել՝ Կարմիր…