Լիբանանի խորհրդարանի խոսնակ Նաբիհ Բերին գլխավորում է 19 լիբանանցի քաղաքական գործիչների ցուցակը, որոնց Միացյալ Նահանգները սպառնում է պատժամիջոցներով՝ հանրապետության նոր նախագահի ընտրությունը խոչընդոտելու համար: Այս մասին հայտնել է Nida Al-Watan թերթը։  ԱՄՆ պետքարտուղարի Մերձավոր Արևելքի հարցերով օգնական Բարբարա Լիֆը, որը պատժամիջոցներ նախաձեռնողն է, Բեյրութ կատարած այցի ընթացքում Լիբանանի ապագա նախագահի ընտրության ձախողման ողջ պատասխանատվությունը դրել…

ՄԱԿ-ի Բնակչության հիմնադրամը (UNFPA) միանում է ՄԱԿ-ի Գլխավոր քարտուղարի կոչին՝ լարվածությունը թուլացնելու և Լաչինի միջանցքով տեղաշարժվելու ազատությունն ու անվտանգությունն ապահովելու վերաբերյալ՝ նախկինում ձեռք բերված պայմանավորվածություններին համապատասխան: Այս մասին նշված է հիմնադրամի հայտարարության մեջ: «Սա չափազանց կարևոր է տուժած բնակչության, այդ թվում՝ կանանց և աղջիկների, երիտասարդների, հաշմանդամների և տարեցների հիմնական կարիքների բավարարումն ապահովելու համար: Միջանցքում տեղաշարժվելու…

ԼՂ սոցիալական զարգացման և միգրացիայի նախարարությունից տեղեկացնում են, որ սննդամթերքի տրամադրման նպատակով քաղաքացիների կողմից ներկայացվող դիմումների ընդունումը ս.թ. օգոստոսի 25-ից ժամանակավորապես կդադարեցվի: Դիմումների ընդունման գործընթացի վերսկսման վերաբերյալ տեղեկատվությունը կհաղորդվի հավելյալ: 

Լոս Անջելեսի Քաղաքային խորհրդի նախագահ Փոլ Կրեկորյանը Twitter-ի իր միկրոբլոգում անդրադարձել է Ադրբեջանի կողմից Լաչինի միջանցքի փակմանը: «Երեքշաբթի Ադրբեջանի բռնապետը փակել է ժողովրդավարական Արցախի Հանրապետությունը Հայաստանի և արտաքին աշխարհի հետ կապող միակ ճանապարհը։ Վառելիքը, պարենամթերքը և դեղորայքը սպառվում են։ Մարդասիրական աղետն անխուսափելի է, եթե աշխարհը քայլեր չձեռնարկի»,- գրել է պաշտոնյան։

Իսրայելի վարչապետ Բենիամին Նեթանյահուն հեռախոսազրույց է ունեցել Գերմանիայի կանցլեր Օլաֆ Շոլցի հետ, շնորհակալություն հայտնել Արդարադատության միջազգային դատարանում Հարավաֆրիկյան Հանրապետության հայցի քննարկմանը որպես երրորդ կողմ միանալու՝ Գերմանիայի որոշման համար: Այդ մասին հայտնել է Իսրայելի կառավարության ղեկավարի գրասենյակը։ Ավելի վաղ ՀԱՀ-ը Հաագայի դատարան հայց էր ներկայացրել՝ Իսրայելի կողմից Ցեղասպանության հանցագործությունը կանխարգելելու և պատժելու մասին կոնվենցիայի ենթադրյալ խախտման…

Արցախի ՊՆ մամուլի ծառայությունը տեղեկացնում է, որ մարտի 25-ին Արցախի արևելյան սահմանագոտում հակառակորդի ձեռնարկած սադրանքների, մասնավորապես` Batraktar TB-2 տեսակի հարվածային անօդաչու թռչող սարքերի կիրառման հետևանքով մահացու վիրավորում են ստացել ՊԲ պայմանագրային զինծառայողներ Դավիթ Ռոբերտի Միրզոյանը (ծնվ. 1978թ.), Իշխան Սերժիկի Օհանյանը (ծնվ. 1994թ.) և Արարատ Վագիֆի Թևոսյանը (ծնվ. 1990թ.): Արցախի պաշտպանության նախարարությունը կիսում է կորստյան ծանր…

Վրաստանում ՀՀ արտակարգ և լիազոր դեսպան Աշոտ Սմբատյանին ընդունել է Վրաստանի նախագահի աշխատակազմի նորանշանակ ղեկավար Լուկա Ուխվաիան։ Հանդիպման ընթացքում Աշոտ Սմբատյանը շնորհավորել է Լուկա Ուխվաիային պաշտոնը ստանձնելու կապակցությամբ՝ մաղթելով հաջողություններ և նոր ձեռքբերումներ նրա գործունեության ընթացքում։ Զրուցակիցներն անդրադարձել են Հայաստանի և Վրաստանի միջև ձևավորված ավանդական կապերին, ինչպես նաև երկկողմ օրակարգի շրջանակում իրականացվող ընթացիկ ծրագրերին։

Ադրբեջանի զինված ուժերը կրկին զորավարժություններ են անցկացնում Նախիջևանում։ Այդ մասին հայտնել է Ադրբեջանի պաշտպանության նախարարությունը:   Զորավարժություններին մասնակցող ստորաբաժանումները խաղարկում են մարտական գործողությունների մի շարք սցենարներ, այդ թվում՝ պայմանական հակառակորդի ամրացված դիրքերի և ճակատային գծի մոտ գտնվող հրամանատարական կետի գրավումը։ Բաժանորդագրվեք մեր տելեգրամյան ալիքին 

Վրաստանի խորհրդարանի երեք պատգամավոր՝ Դիմիտրի Խունդաձեն, Սոզար Սուբարին և Միխեիլ Կավելաշվիլին, որոնք զբաղեցնում էին հանձնաժողովների նախագահների պաշտոնները, լրագրողներին հայտնել են, որ լքում են իշխող «Վրացական երազանք» կուսակցությունը և օրենսդիր մարմնում կշարունակեն աշխատել որպես անկուսակցական պատգամավորներ, գրում է Interfax-ը: «Վրացական երազանքի» առաջնորդների ու անդամների հետ մենք տարաձայնություններ չունենք, բացառությամբ մեկ հարցի՝ արդյոք հասարակությունը պե՞տք է ավելի…

Նինոծմինդայի մունիցիպալիտետի քաղաքապետարանում քաղաքացիական բյուջեի շրջանակներում անցկացվել է հանձնաժողովի հերթական նիստը։ Նիստի ընթացքում հանձնաժողովի անդամները քննարկել են մունիցիպալիտետի բնակիչների կողմից ներկայացված դիմումներն ու նախաձեռնությունները։ Քննարկումների ընթացքում ուշադրություն է դարձվել քաղաքացիների կարիքներին, տեղական նշանակության հարցերին, ինչպես նաև մունիցիպալիտետի զարգացման համար կարևոր նախագծերին։ Քննարկված հարցերի վերաբերյալ հանձնաժողովը կայացրել է համապատասխան որոշումներ։

Արցախի տեղեկատվական շտաբից հայտնում են՝ սոցիալական մեդիայում տարածվող տեղեկությունը, ըստ որի՝ Արցախը Հայաստանին կապող միակ ճանապարհը բացվել է, կեղծ է: Ադրբեջանը շարունակում է բնապահպանական պատրվակով Արցախի շրջափակումը: Տեղեկացնում ենք նաև, որ ճանապարհի բացման դեպքում կտարածվի պաշտոնական հաղորդագրություն:   Խնդրում ենք տուրք չտալ ապատեղեկատվությանը:

ՌԴ նախագահի մամուլի քարտուղարը հայտարարել է, որ ռուս խաղաղապահների դուրսբերումը ԼՂ-ից համապատասխանում է տարածաշրջանում տիրող իրողություններին։ «Խաղաղապահների դուրսբերումը համապատասխանում է ներկայիս իրողություններին, որոնք ձևավորվել են այն ​​բանից հետո, երբ Հայաստանը ճանաչեց Ադրբեջանի սահմանները՝ 1991 թվականի դրությամբ: Աշխարհաքաղաքական իրողությունները տարածաշրջանում փոխվել են, և խաղաղապահներին այնտեղ այլևս գործառույթներ չեն մնացել»,- ասել է Պեսկովը։ Պեսկովն անդրադարձել է նաև…

ԱԺ-Կառավարություն հարցուպատասխանի ընթացքում ՀՀ վարչապետ Նիկոլ Փաշինյանն անդրադարձավ Լեռնային Ղարաբաղի կարգավիճակի մասին հարցին։  «Կարծում եմ, որ մենք ֆունդամենտալ պետք է անդրադառնանք այն կոնցեպտին, որով հետապնդվել է ԼՂ հարցը մեր անկախության տարիների ընթացքում։ Այդտեղ մենք ունենք երկու մաս՝ մինչև Մադրիդյան սկզբունքները և Մադրիդյան սկզբունքներից հետո։ Մինչև Մադրիդյան սկզբունքները հայկական կողմերի դիրքորոշումը եղել է այն, որ Լեռնային…

Մարին Լը Պենի ծայրահեղ աջ «Ազգային միավորումը» հաղթանակ է տանում Ֆրանսիայի խորհրդարանի արտահերթ ընտրության առաջին փուլում: Այս մասին հայտնում է երկրի ներքին գործերի նախարարությունը:   Նշվում է, որ միավորմանն իր աջակցությունն է հայտնել ընտրողների 32,2%-ը:   Երկրորդ տեղում ձախ կուսակցությունների նորաստեղծ «Նոր ժողովրդական ճակատն» է, որի օգտին քվեարկել է ֆրանսիացիների 29,1%-ը:   Ֆրանսիայի նախագահ Էմանուել Մակրոնի «Միասին՝ հանուն…

Ուրսուլա ֆոն դեր Լայենի իրավահաջորդը Եվրահանձնաժողովի (ԵՀ) ղեկավարի պաշտոնում կարող է լինել Թիերի Բրետոնը՝ ներքին շուկայի հարցերով եվրոպական հանձնակատարը, որը, ի թիվս այլ հարցերի, պատասխանատու է նաև Ուկրաինա արկերի մատակարարման համար, գրում է Politico-ն: Պարբերականի տեղեկություններով՝ Բրետոնն «իր ձեռքին հսկայական իշխանություն է կենտրոնացրել»: Նա հաստատում է ԵՄ բոլոր որոշումները, որոնք վերաբերում են ընդհանուր շուկայի գործունեությանը՝…

Թուրքիայում այսօր արտահերթ ընտրություններ էին: Հունիսին նախատեսված նախագահական ու խորհրդարանական հերթական ընտրությունները տեղափոխվեցին մայիս, ու այդ որոշմանը չխանգարեց անգամ փետրվարի 6-ի ուժգին երկրաշարժը: Արտահերթ անցկացվեցին նաև նախորդ ընտրությունները՝ 2018-ին՝ 2019-ի փոխարեն: Թեև, անցյալ տարի Էրդողանը դեռ հայտարարում էր, որ 2023-ին սահմանված ժամանակում կընտրեն նախագահ ու խորհրդարան, այդ որոշումը հընթացս փոխվեց: Մեկ ամսով ընտրությունն առաջ բերելու…

Սամցխե-Ջավախքում միայն 2 թափուր տեղ է մնացել կորոնավիրուսի դեմ պատվաստման համար, երկուսն էլ Ախալքալաքում: Այլ քաղաքապետարաններում թափուր տեղեր չկան: Ըստ «Էվեքս Ախալցխա» կլինիկայի մենեջեր Բեսո Բուրջալիանիի ՝ պատվաստումներն իրականացվում են շաբաթը 4 օր: Չնայած ցանկությանը կլինիկան չունի բավարար թերապևտներ, ուստի նրանք չեն կարող պատվաստումների մեկ լրացուցիչ օր ավելացնել: Բուրջալիանին ասում է, որ Աստրազենեկայի պահանջարկը քիչ…

Վիրահայոց թեմն այս պահի դրությամբ 1 հայկական եկեղեցու՝ Թանդոյանց եկեղեցու հարցով է դիմել դատարան, սակայն տարիներ է վեր թեմը Վրաստանի իշխանություններից պահանջում է թեմի սեփականությունը ճանաչել ևս 6 հայկական եկեղեցի: Այս մասին Tert.am-ի հետ զրույցում ասաց Վիրահայոց թեմի մամուլի և լրատվության բաժնի տնօրեն Սուսաննա Խաչատրյանը՝ պատասխանելով հարցին, թե ի՞նչ է արվում Վիրահայոց թեմի կողմից վիճահարույց…

Սամցխե-Ջավախքի պետական լիազորի տեղակալ Սերգի Մուշկուդիանին, Վրաստանի խորհրդարանի պատգամավոր Սամվել Մանուկյանը և Նինոծմինդայի մունիցիպալիտետի քաղաքապետ Անիվարդ Մոսոյանը վաստակաշատ մանկավարժներին պարգևատրել են շնորհակալագրերով։ Տեղական իշխանությունների ներկայացուցիչները ուսուցիչներին շնորհակալություն են հայտնել կրթության ոլորտի զարգացման գործում ունեցած ներդրման համար և մաղթել հաջողություններ մասնագիտական գործունեության մեջ։ Պարգևատրման հանդիսավոր արարողությունը տեղի է ունեցել Նինոծմինդայի մշակույթի կենտրոնում՝ Ուսուցչի ազգային մրցանակի շրջանակում։