Ախալցխայի մունիցիպալիտետի Սակրեբուլոյի նախագահ Սաբա Կբիլաշվիլին և քաղաքապետ Վարլամ Ծիկլաուրին ընդունել են Վրաստանում Թուրքիայի Հանրապետության արտակարգ և լիազոր դեսպան Մուստաֆա Թյուրքերին։
Ծանոթության և աշխատանքային հանդիպման ընթացքում մունիցիպալիտետի ղեկավարները դեսպանին ներկայացրել են Ախալցխայի մունիցիպալիտետում իրականացվող, ընթացիկ և նախատեսվող խոշոր ենթակառուցվածքային նախագծերը։ Քննարկվել են նաև համայնքի զարգացման առաջնահերթությունները, քաղաքապետարանի կողմից իրականացվող ծառայություններն ու բնակչության բարեկեցությանն ուղղված ծրագրերը։
Հանդիպման ընթացքում կողմերը մտքեր են փոխանակել տարածաշրջանի զարգացման հեռանկարների, միջազգային համագործակցության ընդլայնման և փոխադարձ հետաքրքրություն ներկայացնող հարցերի շուրջ՝ ընդգծելով կառուցողական երկխոսության և գործընկերային հարաբերությունների կարևորությունը։
Նման հանդիպումները նպաստում են միջազգային կապերի ամրապնդմանը, փորձի փոխանակմանը և մունիցիպալիտետի զարգացմանն ուղղված նոր համագործակցության հնարավորությունների ստեղծմանը։