«Գյուղի աջակցության ծրագրի» շրջանակում Ախալցխայի մունիցիպալիտետի Ճվինթա գյուղում ավարտվել են ներքին ճանապարհի բարեկարգման աշխատանքները, որոնց շրջանակում տեղադրվել է բետոնե սալահատակ։
Նախագիծն ընտրվել է համայնքի բնակիչների անմիջական մասնակցությամբ՝ բնակավայրում անցկացված ընդհանուր ժողովի ընթացքում մեծամասնության քվեարկությամբ, ինչը ծրագրի իրականացման հիմքում դնում է համայնքի առաջնահերթ կարիքներն ու բնակիչների կարծիքը։
Այս տարի «Գյուղի աջակցության ծրագրի» շրջանակում Ախալցխայի մունիցիպալիտետի 26 գյուղերում իրականացվում են ճանապարհային ենթակառուցվածքների բարելավման աշխատանքներ։ Ծրագրի շրջանակում ներքին ճանապարհներին տեղադրվում է բետոնե սալահատակ՝ ապահովելով ավելի անվտանգ, հարմարավետ և որակյալ երթևեկություն։
Իրականացվող ծրագրերը նպաստում են գյուղական բնակավայրերի ենթակառուցվածքների զարգացմանը, համայնքների բարեկարգմանը և բնակիչների կյանքի որակի շարունակական բարելավմանը։