Ախալքալաքի քաղաքապետարանի ենթակառուցվածքների ծառայության պետ Արա Մովսիսյանը և քաղաքապետարանի վերահսկողության ծառայության պետ Արթուր Դավթյանը, ծանոթացել են Ախալքալաքի նախկին թիվ 1 ռազմական քաղաքի տարածքում գտնվող բնակավայրում կոյուղու համակարգի ընթացիկ վերականգնողական աշխատանքներին։
Նշված բնակավայրի կոյուղու համակարգը վնասվել էր երկար տարիների շահագործման հետևանքով և չէր կարողանում պատշաճ կերպով գործել, ինչը ամենօրյա անհարմարություն էր պատճառում տեղի բնակչությանը։
Նախագծի շրջանակներում փոխարինվում է 1400 մետր կոյուղու խողովակ և տեղադրվում է կոյուղու 80 հոր։ Աշխատանքների ավարտից հետո կոյուղու համակարգի գործունեությունը զգալիորեն կբարելավվի և կապահովվի դրա անխափան գործունեությունը։
Նախագծի ավարտից հետո նախկին թիվ 1 ռազմական քաղաքի բնակավայրում բնակվող մոտ 2000 քաղաքացի կօգտվի գործող կոյուղու համակարգից։
Նախագիծը ֆինանսավորվում է տեղական բյուջեից, և դրա ընդհանուր արժեքը կազմում է 337 337 լարի։