Վրաստանի խորհրդարանը միացել է Բելգրադի հռչակագրին, որն ընդունվել է Սերբիայի Հանրապետությունում կայացած ԵՄ թեկնածու երկրների խորհրդարանների նախագահների առաջին համաժողովի շրջանակներում։
Վրաստանի խորհրդարանի մամուլի ծառայության հաղորդմամբ՝ հռչակագրում ընդգծվում է խորհրդարանների կարևոր դերը եվրաինտեգրման գործընթացում։
«Թեկնածու երկրները նաև համաձայնել են անցկացնել խորհրդարանների նախագահների տարեկան հանդիպումներ, որոնք կլինեն քաղաքական երկխոսության և խորհրդարանական համագործակցության խորացման մշտական ձևաչափ։
ԵՄ թեկնածու երկրների խորհրդարանների նախագահների հաջորդ համաժողովը կանցկացվի Մոլդովայում 2027 թվականին», — նշվում է տեղեկատվության մեջ։