Վրաստանի տարածաշրջանային զարգացման նախարարությունը կվերացվի սեպտեմբերին։ Համապատասխան հայտարարությունն արել է վարչապետ Իրակլի Կոբախիձեն ճեպազրույցի ժամանակ։
Վարչապետի խոսքով՝ Վրաստանի տարածաշրջանային զարգացման նախարարությունը, տարածաշրջանային քաղաքականության պետական նախարարի պաշտոնի ներդրման պայմաններում, էապես կորցնում է իր նպատակը, և, համապատասխանաբար, այն կվերացվի սեպտեմբերին։
«Տարածաշրջանային զարգացման նախարարի պաշտոնակատար Կախա Գուլեդանին կզբաղեցնի Վրաստանի ենթակառուցվածքների նախարարի առաջին տեղակալի պաշտոնը», — ասել է Կոբախիձեն։
Վարչապետը շնորհակալություն է հայտնել Կախա Գուլեդանիին նախարարի պաշտոնում «բարձրակարգ մասնագիտական և բարեխիղճ ծառայության» համար։
Ինչպես նշել է Կոբախիձեն, քանի որ պետական նախարարի պաշտոնի ներդրումը պահանջում է օրենքի ընդունում այս պաշտոնի ստեղծումից առաջ, Մամուկա Մդինարաձեն կզբաղեցնի Վրաստանի տարածաշրջանային զարգացման նախարարի պաշտոնը մինչև սեպտեմբերի առաջին շաբաթը։
«Իրավապահ մարմինների համակարգման պետական նախարարի պաշտոնը օրենքով կվերացվի սեպտեմբերի առաջին շաբաթում և մինչև այդ կմնա թափուր», — ասել է Կոբախիձեն։
Նա կոչ արեց խորհրդարանին՝ արագացված կարգով՝ հաջորդ խորհրդարանական նստաշրջանի առաջին շաբաթվա ընթացքում, ընդունել Վրաստանի կառավարության կառուցվածքում փոփոխությունների վերաբերյալ օրենքների փաթեթը։