Ախալքալաքի մունիցիպալիտետի Ազմանա գյուղում մեկնարկել են գյուղական ճանապարհի վերականգնողական աշխատանքները։
Նախագծի շրջանակներում նախատեսվում է ամբողջությամբ վերանորոգել Կարցեպի գյուղի մայրուղուց մինչև Ազմանա գյուղ տանող ճանապարհը։ Աշխատանքների ընթացքում ճանապարհը կասֆալտապատվի, ինչպես նաև կկառուցվի ջրահեռացման համակարգ։
Ենթակառուցվածքային ծրագիրն իրականացվում է Տարածաշրջանային նախագծերի հիմնադրամի ֆինանսավորմամբ։
Ծրագրի ընդհանուր արժեքը կազմում է 845 000 լարի։
Ճանապարհի վերականգնումը կնպաստի Ազմանա գյուղի բնակիչների համար երթևեկության պայմանների բարելավմանը և գյուղական ենթակառուցվածքների զարգացմանը։