Սամցխե-Ջավախքի տարածաշրջանում ավարտվել են Ասպինձայի անտառային շրջանի վարչական շենքի վերանորոգման աշխատանքները։
Ազգային անտառտնտեսության գործակալության նախաձեռնությամբ ամբողջ Վրաստանում կառուցվել է 10 վարչական շենք՝ անտառային ծառայությունների մատուցումն ավելի հասանելի և արդյունավետ դարձնելու նպատակով։
«Տեխնոլոգիական վերազինման և ինստիտուցիոնալ հզորացման շրջանակներում կառուցվել են նաև նոր վարչական շենքեր՝ տարածաշրջանային անտառտնտեսության ծառայություններն ամրապնդելու համար։ Սա կարևոր է նաև տեղի բնակչության համար, քանի որ հնարավորություն է տալիս անխափան օգտվել Անտառտնտեսության գործակալության կողմից առաջարկվող բոլոր ծառայություններից։ Ինստիտուցիոնալ կարողությունների ամրապնդումը, այդ թվում՝ աշխատանքային պայմանների բարելավումը, մեր հիմնական ուղղություններից մեկն է», — նշել է Ազգային անտառտնտեսության գործակալության ղեկավար Բեսիկ Ամիրանաշվիլին։