Իրանի ազգային անվտանգության բարձրագույն խորհրդի քարտուղարը հայտարարել է, որ Թեհրանը նոր անակնկալներ է պատրաստում ԱՄՆ-ի համար: Մոհսեն Ռեզաիի խոսքով՝ հակառակորդի յուրաքանչյուր սխալ կարող է հակամարտության նոր ճակատներ բացել։
«Իսլամական հեղափոխության գերագույն առաջնորդի իմաստուն ղեկավարության, ժողովրդի աջակցության և պետական համակարգի բոլոր օղակների միջև համակարգման շնորհիվ Իրանը կհաղթահարի ստեղծված բարդ իրավիճակը»,- շեշտել է պաշտոնյան։
Իրանի նախագահն էլ մտահոգություն է հայտնել, որ ԱՄՆ-ը հարձակվում է Իսլամական Հանրապետության վրա հենց այն պահին, երբ սկսվում են բանակցությունները։
Մասուդ Փեզեշքիանի խոսքով՝ անիմաստ է բանակցել Վաշինգտոնի հետ, քանի դեռ ամերիկյան կողմը սպառնում է Իրանին հարձակումներով և պատժամիջոցներով։
«Նրանց նպատակն է տապալել մեր քաղաքական համակարգը», — հավելել է Փեզեշքիանը։
Միևնույն ժամանակ, Դոնալդ Թրամփը կրկին չի բացառել, որ հակամարտությունը կարող է ավարտվել մինչև ԱՄՆ-ում նոյեմբերին նախատեսված Կոնգրեսի միջանկյալ ընտրությունը կամ դրանից հետո։ Սպիտակ տան ղեկավարի խոսքով՝ ամեն ինչ այսպես թե այնպես շատ արագ կավարտվի: