Մեծ Բրիտանիան Eurofighter Typhoon կործանիչներ և A400M ռազմատրանսպորտային ինքնաթիռ կուղարկի Սաուդյան Արաբիա՝ Եմենի հութիների հարձակումներից քաղաքները և կրիտիկական ենթակառուցվածքները պաշտպանելու համար: Այդ մասին հայտնել են Մեծ Բրիտանիայի պաշտպանության նախարարությունից։
Գերատեսչության տվյալով՝ կործանիչները կկատարեն բացառապես պաշտպանական առաջադրանքներ և Սաուդյան Արաբիայի օդային տարածքը կպաշտպանեն անօդաչու թռչող սարքերից ու հրթիռներից՝ չմասնակցելով հութիների դեմ հարվածներին:
A400M ինքնաթիռը կօգտագործվի ռազմական բեռներ և բրիտանացի խորհրդականներին տեղափոխելու համար:
Բացի դրանից՝ Լոնդոնը 90 օրով երկարաձգել է ավելի վաղ Սաուդյան Արաբիա ուղարկված լիցքավորող ինքնաթիռի առաքելությունը: