Բեն Քարդինը Բաքվին մեղադրել է հակաժողովրդավարական մարտավարությունների համար

Ադրբեջանում լրագրողների վրա հարձակումները, ընդդիմադիրների ապօրինի ձերբակալությունները և անդրազգային բռնաճնշումների ենթադրյալ կիրառումը հակաժողովրդավարական մարտավարություն են:
Այդ մասին հայտարարել է ԱՄՆ Սենատի արտաքին հարաբերությունների հանձնաժողովի նախագահ Բեն Քարդինը՝ մեկնաբանելով Freedom House իրավապաշտպան կազմակերպության անդամ Գրեդի Վուգանի հայտարարությունն այն մասին, որ Բաքվի հիմնական նպատակը սփյուռքի շրջանում քննադատությունը կամ այլակարծությունը լռեցնելն է։
«Բաքուն պետք է ազատ արձակի քաղբանտարկյալներին և դադարեցնի հետապնդումները, որպեսզի ՄԱԿ-ի Կլիմայի փոփոխության կոնֆերանսի նախաշեմին լինի միջազգային հանրության մաս»,- X-ի իր միկրոբլոգում գրել է Քարդինը:
ՄԱԿ-ի Կլիմայի փոփոխության կոնֆերանսը նախատեսված է այս տարվա նոյեմբերին Բաքվում:

“Azerbaijan’s assault on journalists, illegal detention of opposition & alleged use of transnational repression are anti-democratic tactics. Baku must release political prisoners & halt harassment to be part of the international community, ahead of COP29.” -Chair @SenatorCardin https://t.co/sFfx8qN89I
— Senate Foreign Relations Committee (@SFRCdems) January 29, 2024

Բաժանորդագրվեք մեր տելեգրամյան ալիքին