Պակիստանի դատարանը երկրի նախկին վարչապետ, ընդդիմադիր «Շարժում հանուն արդարության» կուսակցության առաջնորդ Իմրան Խանին և կուսակցության փոխնախագահ, արտաքին գործերի նախկին նախարար Շահ Մեհմուդ Քուրեշիին պետական գաղտնիքի հրապարակման հետ կապված գործով դատապարտել է 10 տարվա ազատազրկման:
Այժմ երկրի Գերագույն դատարանը կարող է «Շարժում հանուն արդարության» կուսակցությունը հայտարարել արգելված կազմակերպություն: Դրա համար հիմք կհանդիսանա Պակիստանի ընտրական հանձնաժողովի հայտարարությունն այն մասին, որ կուսակցությունը ստացել է արգելված միջոցներ և մի շարք իրավախախտումներ է կատարել:
Իմրան Խանը Պակիստանի վարչապետի պաշտոնը զբաղեցրել է 2018-2022 թվականներին: Նա աջակցություն է ցուցաբերել Ադրբեջանին 2020 թ. Լեռնային Ղարաբաղում 44-օրյա պատերազմի ժամանակ:
Պակիստանի նախկին վարչապետը և արտգործնախարարը դատապարտվել են 10 տարվա ազատազրկման
