Երկուշաբթի Սևաստոպոլում և Ղրիմում սգո օր է հայտարարվել՝ ուկրաինական զինված ուժերի հրթիռակոծության հետևանքով զոհվածների հիշատակին։ Սևաստոպոլում նաև արտակարգ դրություն է մտցվել ուկրաինական հրետակոծության պատճառով։ Հրամանը կայացրել է քաղաքի ղեկավար Միխայիլ Ռազվոժաևը։ Նրա խոսքով՝ ուկրաինական զինված ուժերի կիրակնօրյա հրթիռային հարձակման հետևանքով չորս մարդ է զոհվել, այդ թվում՝ երկու երեխա։ Տուժել է 151 մարդ, 82-ը՝ հոսպիտալացվել: Ռուսաստանի…
Հարավային Կովկասում Եվրամիության հատուկ ներկայացուցիչ Տոյվո Կլաարը ադրբեջանական լրատվամիջոցների հետ հարցազրույցում անդրադարձել է Ադրբեջանի և Հայաստանի միջև խաղաղ գործընթացին: Նա նշել է, որ պարբերաբար այցելում է Հայաստան և Ադրբեջան, ղեկավարների և մյուս պաշտոնյաների հետ, կարծիքներ փոխանակում այն մասին, թե ինչպես լավագույնս օգտագործել հնարավորությունները՝ նպաստելու տարածաշրջանում խաղաղության ամրապնդմանը, ինչը նշանակում է ԵՄ բարձր մակարդակի աջակցություն՝ Հայաստանի…
Երուսաղեմի տարբեր քրիստոնեական եկեղեցիների ղեկավարներ միավորվել են՝ ընդդիմանալով Երուսաղեմի քաղաքապետարանի՝ եկեղեցական գույքի համար համայնքային տուրքեր սահմանելու որոշմանը: Կիրակի պատրիարքների և եկեղեցիների ղեկավարների անունից հրապարակված համատեղ հայտարարության մեջ առաջնորդները խոր մտահոգություն են հայտնել քաղաքապետարանի քայլի առնչությամբ, որը, ըստ նրանց, հակասում է եկեղեցիների և քաղաքացիական իշխանությունների միջև դարավոր պատմական պայմանավորվածություններին: «Մենք հայտարարում ենք, որ նման միջոցը և՛…
ԱՄՆ զինված ուժերի շտաբների պետերի միացյալ կոմիտեի նախագահ Չարլզ Բրաունը նախազգուշացրել է, որ Իսրայելի ներխուժումը Լիբանան՝ կապված «Հեզբոլլահ» շարժման գործողությունների հետ, կարող է առաջացնել Իրանի ընդդիմությունը և վերածվել ավելի լայն տարածաշրջանային հակամարտության, գրում է The Hill թերթը։ «Հեզբոլլահն» ավելի ունակ է, քան ՀԱՄԱՍ-ը՝ հրթիռների քանակով, ընդհանուր հնարավորություններով։ Կարծում եմ, որ Իրանը հակված կլինի ավելի մեծ…
ԵՄ-ն հաստատել է պատժամիջոցների 14-րդ փաթեթը, որը, ըստ ԵՄ դիվանագիտության ղեկավար Ժոզեպ Բորելի, կանդրադառնա ռազմարդյունաբերական համալիրի, ֆինանսական և էներգետիկ ոլորտների, ինչպես նաև պատժամիջոցների շրջանցման վրա և կներառի նոր անձնական սահմանափակումներ, տեղեկացնում է ТАСС-ը։ Պատժամիջոցների փաթեթը ներառել է 61 ընկերություն Ռուսաստանի Դաշնությունից, Չինաստանից, ԱՄԷ-ից և Թուրքիայից: Նրանց դեմ երկակի նշանակության տեխնոլոգիաների արտահանման սահմանափակումներ են մտցվել։ 14-րդ…
Դերբենտում և Մախաչկալայում ահաբեկչությունների զոհերի թիվը հասել է 20-ի: Նախնական տվյալով՝ նրանց թվում է անվտանգության 15 աշխատակից։ Ընդհանուր առմամբ, ըստ ԶԼՄ-ների տվյալների, տուժել է 44 մարդ, որից 37-ը՝ իրավապահ մարմինների աշխատակից։ Կիրակի երեկոյան Դաղստանի ներքին գործերի նախարարությունը հայտնել էր Դերբենտում սինագոգի և եկեղեցու, ինչպես նաև Մախաչկալայում ուղղափառ եկեղեցու և ճանապարհային ոստիկանության բաժանմունքի վրա հարձակումների մասին։…
Մախաչկալայում իրավապահների և զինյալների միջև եկեղեցու մոտ հրաձգությունն ավարտվել է, մարդիկ անվտանգ են: Նրանց կյանքին ոչինչ չի սպառնում: Այդ մասին հայտնում է ՌԻԱ Նովոստին՝ վկայակոչելով Դաղստանի ներքին գործերի նախարարությանը: Հիշեցնենք՝ հաղորդվում էր, որ 19 մարդ է ահաբեկիչներից փրկվելու համար պատսպարվել Մախաչկալայի եկեղեցում: Մինչ այդ նշվել էր, որ սպանվել էր Ռոսգվարդիայի մեկ աշխատակից, մի քանիսը՝ վիրավորվել:…
Դաղստանի Սերգոկալինսկի շրջանի ղեկավար Մագոմեդ Օմարովը, որի որդիները կարող էին առնչություն ունենալ ահաբեկչություններին, հարցաքննվում է: Այդ մասին հայտնել է ՌԻԱ Նովոստին՝ վկայակոչելով հանրապետության ուժային կառույցներում աղբյուրներին: Աղբյուրի հաղորդմամբ՝ Օմարովը ձերբակալվել է: Նախնական տեղեկություններով՝ նրա երկու որդիները մասնակցել են Մախաչկալայի հրաձգություններին: Նշվում է, որ Օմարովը հրաժեշտ կտա պաշտոնին: Դաղստանի ղեկավար Սերգեյ Մելիքովը հայտնել է, որ Դերբենտում…
Անհայտ անձինք Դերբենտ և Մախաչկալա քաղաքներում հարձակվել են երկու ուղղափառ եկեղեցու, սինագոգի և ճանապարհապարեկային ծառայության կետի վրա: Այդ մասին ՌԻԱ Նովոստիին հայտնել են Ազգային հակաահաբեկչական կոմիտեում: Հայտարարության մեջ նշվում է, որ հարձակման հետևանքով սպանվել են ոստիկաններ և քահանա: Իրավապահները ձեռնարկում են բոլոր միջոցառումները՝ հարձակում գործած անձանց հայտնաբերելու և ձերբակալելու ուղղությամբ: Հաղորդվում է, որ Դաղստանում հակաահաբեկչական…
Մախաչկալայում 4 զինյալ է ոչնչացվել, հայտնում է Դաղստանի ներքին գործերի նախարարությունը: Այդ մասին տեղեկացրել է ՌԻԱ Նովոստին: Ավելի վաղ հայտնել էինք 2 զինյալի ոչնչացման մասին: «Այս պահի տվյալներով՝ Մախաչկալայում իրավապահները ոչնչացրել են 4 զինյալի»,- ասել է հանրապետության ՆԳՆ մամուլի ծառայության ղեկավար Գայանա Գարիևան: Հիշեցնենք՝ անհայտ անձինք այսօր Դերբենտ և Մախաչկալա քաղաքներում հարձակվել են երկու ուղղափառ…
ԱԺ նախագահ Ալեն Սիմոնյանը X-ի իր միկրոբլոգում շնորհավորել է Լյուքսեմբուրգի գործընկերներին և ժողովրդին Ազգային տոնի՝ Լյուքսեմբուրգի Մեծ Դքսի ծննդյան օրվա կապակցությամբ: «Կարծում եմ՝ Լյուքսեմբուրգի Մեծ դքսության պատգամավորների պալատի նախագահ Կլոդ Վիզլերի վերջին պաշտոնական այցը Հայաստան, արդյունավետ էր, որը մենք դիտարկում ենք որպես կարևոր էջ մեր երկկողմ հարաբերություններում՝ հիմնված մարդու իրավունքների, ժողովրդավարության և օրենքի գերակայության ընդհանուր…
ՀՀ ԱԺ նախագահի տեղակալ Հակոբ Արշակյանի գլխավորած պատվիրակությունը հունիսի 22-ին այցելել է Չինաստանի տեղական օրենսդրական իրազեկման գրասենյակ: Այս մասին հայտնում են ՀՀ ԱԺ-ից: Պատվիրակությանն է ներկայացվել օրենսդրական բարեփոխումների, տեղական ինքնակառավարման մարմինների աշխատանքը: Հայ խորհրդարանականներն այցելել են նաև Ուհան քաղաքի արդյունաբերական գոտի, ծանոթացել Սենլան բիոտեխնոլոգիական հետազոտության և կենտրոնի արտադրական գործընթացին: Պատվիրակությունը շրջայց է կատարել Դեղին արագիլի…
Արաբական պետությունների լիգայի գլխավոր քարտուղար Ահմեդ Աբուլ Գեյթը ողջունել է Պաղեստինի Պետության պաշտոնական ճանաչման մասին Հայաստանի հայտարարությունը, նշել՝ դա համարձակ որոշում է: ԱՊԼ-ի գլխավոր քարտուղարի պաշտոնական ներկայացուցիչ Ջամալ Ռուշդին էլ կոչ է արել բոլոր երկրներին՝ որքան հնարավոր է շուտ ճանաչել Պաղեստինի Պետությունը:
Միջազգային հարաբերությունների ռուսական խորհրդի գլխավոր տնօրեն Իվան Տիմոֆեևը հայտնել է, որ Ռուսաստանը և Ադրբեջանը քննարկում են գործարքներում ազգային արժույթներին անցնելու հարցը։ Նա մտահոգություն է հայտնել, որ Մոսկվայի բորսայի դեմ արևմտյան պատժամիջոցների ֆոնին հաշվարկների հետ կապված խնդիրներ են առաջացել: Տիմոֆեևի խոսքով՝ այժմ ռուսական շուկային հարմարեցված բանկեր են անհրաժեշտ։ «Դա բխում է Ադրբեջանի շահերից, քանի որ կհեշտացնի…
Ռուսական բանակը հարվածներ է հասցրել Խարկովի շրջաններից մեկին: Քաղաքապետ Իգոր Տերեխովը հայտնել է, որ չորս հարված է եղել Խարկովին, ինչի հետևանքով պայթյուններ են որոտացել: Տեղի իշխանությունները հայտնել են, որ հարվածների հետևանքով քաղաքացիական բնակչության շրջանում զոհվել է երկու, վիրավորվել 18 մարդ: Խարկովի շրջանի ղեկավար Օլեգ Սինեգուբովը հայտնել է, որ բնակելի շենքին հարվածները հասցվել են ավիացիոն ռումբերով:…
Իսլամական համագործակցության կազմակերպությունը ողջունել է Հայաստանի կողմից Պաղեստինի Պետության ճանաչումը՝ դա որակելով կարևոր քայլ, որը համապատասխանում է միջազգային իրավունքին և ՄԱԿ-ի բանաձևերին: Կազմակերպությունը կոչ է արել աշխարհի բոլոր երկրներին, որոնք դեռ չեն ճանաչել Պաղեստինի Պետությունը, ճանաչել այն և աջակցել ՄԱԿ-ին լիիրավ անդամակցության նրա իրավունքին:
Կարմիր խաչի միջազգային կոմիտեից հայտնել են, որ Գազայի հատվածում գնդակոծության հետևանքով վնասվել է կազմակերպության գրասենյակը, զոհվել է 22 մարդ, վիրավորվել՝ 45-ը. նրանք այդտեղ ապաստան էին ստացել: «Խոշոր տրամաչափի արկերն ընկել են Կարմիր խաչի միջազգային կոմիտեի գրասենյակից և բնակելի տարածքներից մի քանի մետր հեռու»,- ասված է ԿԽՄԿ հայտարարության մեջ: ԿԽՄԿ-ից նշել են, որ դա միակ միջադեպը…
Բելգորոդի շրջանում Ուկրաինայի Զինված ուժերի հարվածի հետևանքով խաղաղ բնակիչ է զոհվել՝ հայտնում է ռուսական կողմը։ Շրջանի նահանգապետ Վյաչեսլավ Գլադկովի տվյալով՝ կան ավերածություններ: ՌԴ պաշտպանության նախարարությունն էլ հայտնել է, որ Ուկրաինայից ռուսական էներգետիկ օբյեկտների թիրախավորմանն ի պատասխան՝ ՌԴ Զինուժը զանգվածային հարված է հասցրել ուկրաինական էներգետիկ օբյեկտներին: Ավելի վաղ «Ուկրեներգո»-ն հայտնել էր, որ ռուսական ուժերի…
Ծոցի արաբական պետությունների համագործակցության խորհրդի գլխավոր քարտուղարությունը ողջունել է Հայաստանի Հանրապետության կողմից Պաղեստինի Պետության պաշտոնական ճանաչումը: «Բարձր ենք գնահատում այդ քայլը՝ որպես նշանակալի ներդրում պաղեստինցի ժողովրդի օրինական իրավունքների աջակցության և տարածաշրջանային կայունության, անվտանգության և խաղաղության պահպանման գործում»,- նշված է հայտարարության մեջ: Բաժանորդագրվեք մեր տելեգրամյան ալիքին
Կասպից ծովում՝ Ադրբեջանի ափերի մոտ, 3,9 մագնիտուդով երկրաշարժ է գրանցվել: Օջախը գտնվել է 67 կմ խորությամբ։ Այդ մասին հայտնել են Ադրբեջանի սեյսմոլոգիական ծառայությունից:
ՀՀ արտաքին գործերի նախարար Արարատ Միրզոյանը հեռախոսազրույց է ունեցել Հորդանանի Հաշիմյան Թագավորության փոխվարչապետ, արտաքին գործերի և սփյուռքի նախարար Այման ալ Սաֆադի հետ՝ վերջինիս նախաձեռնությամբ։ Այս մասին հայտնում են ՀՀ ԱԳՆ-ից: Զրուցակիցները քննարկել են տարածաշրջանային հարցեր։ Հորդանանի փոխվարչապետը ողջունել է Հայաստանի կողմից Պաղեստինի պետության ճանաչումը՝ որպես միջազգային իրավունքի նորմերին և տարածաշրջանում հարատև խաղաղության հաստատման ջանքերին համահունչ…
Քուվեյթի Պետության արտաքին գործերի նախարարությունը ողջունում է Հայաստանի Հանրապետության կողմից Պաղեստինի Պետության պաշտոնական ճանաչումը: «Դա դրական քայլ է, որը կնպաստի այն ամենին, ինչ նախատեսված է Անվտանգության խորհրդի համապատասխան բանաձևերով և Արաբական խաղաղության նախաձեռնությամբ՝ պաղեստինցի ժողովրդին ինքնորոշման իրավունք տրամադրելու և անկախ պետություն ստեղծելու վերաբերյալ:
Եգիպտոսը ողջունում է Պաղեստինի պետությունը ճանաչելու Հայաստանի որոշումը։ Այս մասին նշված է Եգիպտոսի ԱԳՆ հայտարարության մեջ։ «Ճանաչումը կարևոր քայլ է, որն աջակցում է պաղեստինցի ժողովրդի՝ իսրայելական օկուպացիային վերջ դնելու և անկախ պետության ստեղծման իրավունքի օրինականությանը»,- նշված է հայտարարության մեջ։
Արաբական պետությունների լիգան ողջունել է Պաղեստինի Պետությունը ճանաչելու՝ Հայաստանի Հանրապետության որոշումը՝ ընդգծելով, որ դա Պաղեստինի ժողովրդի՝ անկախ պետություն ստեղծելու իրավունքի նոր հաղթանակ է։ ԱՊԼ-ն կոչ է արել բոլոր այն երկրներին, որոնք դեռ չեն ճանաչել Պաղեստինի Պետությունը, քայլ կատարել ճանաչման ուղղությամբ՝ «դադարեցնելու պատմական անարդարությունը, որին ենթարկվել է Պաղեստինի ժողովուրդը տասնամյակների օկուպացիայի ընթացքում»։ ԱՊԼ-ն ընդգծել է երկու…
Իսրայելի վարչապետ Բենիամին Նեթանյահուի գրասենյակի խորհրդական Դմիտրի Գենդելմանը հայտարարել է, որ Պաղեստինի Պետությունը ճանաչելու՝ Հայաստանի Հանրապետության որոշումը բացասաբար կանդրադառնա երկկողմ հարաբերությունների վրա։ «Այդ քայլը լուրջ երկարաժամկետ հետևանքներ կունենա Իսրայելի և Հայաստանի հարաբերությունների համար»,- նշել է Գենդելմանը։
Վրաստանի կրթության, գիտության և երիտասարդության նախարարության Բորժոմի կրթական ռեսուրս կենտրոնի «Տարվա լավագույն ուսուցիչ» նախագիծն ավարտվեց ամփոփիչ միջոցառմամբ, որը մեկ ամիս անցկացվեց Բորժոմիի բոլոր հանրակրթական դպրոցներում։ Այս մասին տեղեկություն է տարածում Բորժոմիի քաղաքապետարանը։ Նրանց տեղեկություններով՝ անվանվել են նաեւ ուսուցչի մրցանակին առաջադրված ուսուցիչների անունները։ «Միջոցառմանը Բորժոմիի քաղաքապետարանի հանրակրթական դպրոցների կողմից առաջադրված 27 հաջողակ ուսուցիչներին Բորժոմիի քաղաքապետարանի քաղաքապետ…
Բելառուսի ԱԳՆ-ի ԱՊՀ երկրների հետ երկկողմ համագործակցության վարչության պետ Սերգեյ Մոլունովը Մինսկում հանդիպել է Հայաստանի Հանրապետության գործերի ժամանակավոր հավատարմատար Նարեկ Տիրատուրյանի հետ՝ հայտնել են Բելառուսի արտաքին քաղաքական գերատեսչությունից։ Նշվում է, որ դիվանագետները քննարկել են երկկողմ հարաբերություններին վերաբերող հարցեր և համատեղ ինտեգրման կառույցներում փոխգործակցության հեռանկարները։ «Հայկական կողմին է փոխանցվել Բելառուսի ԱԳՆ համապատասխան նոտան», – ասված է…
Մոլդովայի նախագահ Մայա Սանդուն հրամանագիր է ստորագրել Եվրամիությանը երկրի անդամակցության բանակցություններ սկսելու մասին: «Մոլդովան կատարել է Եվրոպական հանձնաժողովի բոլոր հանձնարարականները։ Այսպես, թեկնածու երկրի կարգավիճակ ստանալուց երկու տարի անց՝ հունիսի 25-ին, կկայանա Մոլդովա-ԵՄ առաջին միջկառավարական համաժողովը, որը սկիզբ կդնի ԵՄ-ին անդամակցելու բանակցություններին»,- նշել է Սանդուն։ Նրա խոսքով՝ Քիշնևի նպատակն նախապատրաստվել ԵՄ-ին անդամակցությանը մինչև 2030 թվականը։ Սանդուն…
Թուրքիայի հարավ-արևելքում անտառային հրդեհի հետևանքով առնվազն 5 մարդ է զոհվել, ևս 44-ը՝ տուժել: Այդ մասին հայտնել է Թուրքիայի ներքին գործերի նախարար Ալի Երլիքայան։ Երեկ երեկոյան հրդեհ է բռնկվել Դիարբեքիր նահանգի Չինար շրջանի և Մարդին նահանգի Մազըդաղի շրջանի միջև գտնվող գյուղատնտեսական դաշտերում։ Պաշտոնյայի խոսքով՝ հրդեհն ուժեղացել է քամու պատճառով և արագ տարածվել ընդարձակ տարածքով, սակայն այն…
Թուրքիայի ԱԳՆ-ն ողջունել է Պաղեստինի Պետությունը ճանաչելու՝ Հայաստանի որոշումը։ «Մենք ողջունում ենք Պաղեստինի Պետությունը ճանաչելու Հայաստանի որոշումը Իսպանիայից, Իռլանդիայից, Նորվեգիայից և Սլովենիայից հետո։ Ինչպես միշտ ընդգծել ենք, Պաղեստինի ճանաչումը միջազգային իրավունքի, արդարության և խղճի պահանջ է»,- ասված է Թուրքիայի ԱԳՆ հայտարարության մեջ։ Նշվում է նաև, որ Անկարան շարունակելու է ջանքեր գործադրել, որպեսզի ավելի…
