Ադիգենիի մունիցիպալիտետի քաղաքապետ Գոչա Քիմաձեն, մշակույթի ծառայության ղեկավար Զուրա Բեթխոշվիլին և տեղական ինքնակառավարման ներկայացուցիչները ներկա են գտնվել Ադիգենի ավանում կազմակերպված «Բորջոմի» երգչախմբի վոկալ անսամբլի մենահամերգին։
Համերգը կազմակերպվել էր Ադիգենիի քաղաքապետարանի, Վրաստանի մշակույթի նախարարության և «Ստեղծագործ Վրաստան» ծրագրի համատեղ նախաձեռնությամբ։ Միջոցառումը տեղի է ունեցել Ադիգենիի կենտրոնական այգում, որտեղ անսամբլը հանդիսատեսին ներկայացրել է բազմաժանր և գունեղ երաժշտական ծրագիր։
Երաժշտական երեկոյի ընթացքում հնչել են սիրված ստեղծագործություններ, որոնք ջերմ ընդունելության են արժանացել ներկաների կողմից։ Համերգը համախմբել է մշակույթի սիրահարներին՝ ստեղծելով տոնական և բարձր տրամադրությամբ լի մթնոլորտ։
Նման մշակութային նախաձեռնությունները նպաստում են արվեստի հանրահռչակմանը, մշակութային կյանքի աշխուժացմանը և համայնքում ստեղծագործական միջավայրի զարգացմանը։