Ախալցխայի մունիցիպալիտետում շարունակվում է սոցիալական աջակցության ծրագիրը, որն իրականացվում է «Ախալցխայի մունիցիպալիտետի 2026 թվականի բյուջեից սոցիալական օգնության տրամադրման կանոնների» շրջանակում։ Ծրագրի միջոցով վաուչերային համակարգով աջակցություն են ստանում մունիցիպալիտետի տարածքում գրանցված սոցիալապես անապահով ընտանիքները, ինչպես նաև ժամանակավորապես գրանցված ներքին տեղահանված անձանց (ՆՏԱ) և մարդասիրական կարգավիճակ ունեցող անձանց ընտանիքները։
2026 թվականի ընթացքում ծրագրից արդեն օգտվել է 280 ընտանիք։
Ծրագրի շրջանակում՝
- սոցիալապես անապահով ընտանիքները տարեկան երկու անգամ՝ Զատկի և Ամանորի տոների առթիվ, ստանում են 300 լարի արժողությամբ սննդի վաուչեր,
- ներքին տեղահանված անձանց և մարդասիրական կարգավիճակ ունեցող անձանց ընտանիքները նույն ժամանակահատվածում ստանում են 150 լարի արժողությամբ սննդի վաուչեր։
Վաուչերային համակարգի ներդրումը շահառուներին հնարավորություն է տալիս ինքնուրույն ընտրել իրենց անհրաժեշտ սննդամթերքը՝ սոցիալական աջակցությունն առավել նպատակային, ճկուն և մարդկանց իրական կարիքներին համապատասխան դարձնելով։