Միջազգային նշանակության Խաշուրի–Ախալցխա–Վալե ճանապարհի մի քանի հատվածներում իրականացվում են վերականգնման և պարբերական վերանորոգման աշխատանքներ։ Եվս երկու հատվածում աշխատանքները նախատեսվում է սկսել առաջիկայում։
Այս պահին աշխատանքներ են իրականացվում՝
- 9 կմ երկարությամբ հատվածում՝ պարբերական վերանորոգման և ասֆալտբետոնե ծածկի տեղադրման ուղղությամբ,
- 6,5 կմ երկարությամբ հատվածում՝ ամբողջական վերականգնման շրջանակում, ներառյալ Սուրամուլա գետի վրա նոր կամրջի կառուցումը։
Առաջիկայում նախատեսվում է նաև 2,2 կմ երկարությամբ հատվածի ամբողջական վերականգնում, ինչպես նաև մոտ 3 կմ երկարությամբ հատվածի պարբերական վերանորոգում։
Ընթացիկ աշխատանքներին ծանոթացել են Վրաստանի ենթակառուցվածքների նախարար Ռևազ Սոխաձեն, նախարարի տեղակալ Վախուշտի Բագրատիոնին, Ավտոմոբիլային ճանապարհների դեպարտամենտի նախագահ Լևան Դարախվելիձեն, Սամցխե-Ջավախքի նահանգապետ Իոսեբ Ալիբեգաշվիլին և Շիդա Քարթլիի նահանգապետի տեղակալ Միխեիլ Փավլենիշվիլին։
Ճանապարհի վերականգնման աշխատանքները կնպաստեն Շիդա Քարթլիի և Սամցխե-Ջավախքի միջև տեղաշարժի պայմանների և ճանապարհային անվտանգության բարելավմանը, ինչպես նաև Վրաստան–Թուրքիա պետական սահման տանող ուղղությամբ տրանսպորտային կապի զարգացմանը։
Նախագծերը ֆինանսավորվում են Վրաստանի պետական բյուջեից։