Մեկնարկել է Վրաստանի խորհրդարանի պատվիրակության աշխատանքային այցը Ճապոնիայի մայրաքաղաք։ Պատվիրակությունը գլխավորում է խորհրդարանի նախագահ Շալվա Պապուաշվիլին։
Այցի շրջանակներում օրվա ընթացքում հանդիպումներ կկայանան Ճապոնիայի Ներկայացուցիչների պալատի և Ստորին պալատի ղեկավարների հետ։
«Այն հանդիպումները, որոնք այսօր անցկացվում են Ճապոնիայի Ներկայացուցիչների պալատում, ծառայում են մի քանի նպատակների. Դա առաջին հերթին միջխորհրդարանական համագործակցության խորացումն է։ Գլխավոր խնդիրներից մեկը լինելու է ապաօկուպացիոն քաղաքականության աջակցությունը, որն արդեն տարիներ շարունակ սատարում են ճապոնացի գործընկերները, բայց այս առումով կարևոր է ջանքերի ավելացումը։ Խոսելու ենք տնտեսական հարաբերությունների, զբոսաշրջության, սպորտի, ինչպես նաև կրթության ոլորտում համագործակցության մասին, որը նույնպես կարևոր է մեր երկրի համար։ Միևնույն ժամանակ մենք կխոսենք տարածաշրջանում առկա աշխարհաքաղաքական իրավիճակի և այն մարտահրավերների մասին, որոնք ունեն մեր տարածաշրջանը, այդ թվում նաև մեր երկիրը»,- ասել է «Վրացական երազանք» խմբակցության նախագահ Մամուկա Մդինարաձեն։Այս մասին տեղեկանում ենք Վրաստանի առաջին ալիքի կայքից։
Շալվա Պապուաշվիլիի գլխավորությամբ սկսվել է Վրաստանի խորհրդարանի պատվիրակության աշխատանքային այցը Ճապոնիայի մայրաքաղաք
