Չինաստանի կառավարությունը պնդում է, որ ԱՄՆ-ի օդային տարածքում խոցված օդերևութաբանական զոնդի բեկորները վերադարձվեն՝ հայտարարել է ՉԺՀ արտգործնախարարության պաշտոնական ներկայացուցիչ Մաո Նինը։
«Այդ օդապարիկը չի պատկանում ԱՄՆ-ին, այն պատկանում է ՉԺՀ-ին։ Չինաստանի կառավարությունը կշարունակի վճռականորեն պաշտպանել իր օրինական իրավունքներն ու շահերը»,- նշել է պաշտոնյան։
Նա ընդգծել է, որ չինական օդապարիկը նախատեսված էր բացառապես քաղաքացիական նպատակների համար և սպառնալիք չէր ներկայացնում ԱՄՆ ազգային անվտանգության համար:
Փետրվարի 2-ին Պենտագոնի մամուլի քարտուղար Պատրիկ Ռայդերը հայտնել էր, որ ԱՄՆ-ի օդային տարածքում հետախուզական օդապարիկ են հայտնաբերել։ Այն խոցվել է փետրվարի 4-ին Հարավային Կարոլինա նահանգի ափերի մոտ՝ ամերիկյան օդային տարածքի սահմաններում։