Խորհրդարանում լրագրողների հետ ճեպազրույցում ԱԺ նախագահ Ալեն Սիմոնյանն անդրադարձավ Ադրբեջանի կողմից Լաչինի միջանցքի փակման թեմային ու ևս մեկ անգամ շեշտեց, որ այն պետք է անհապաղ բացվի:
«Մենք պետք է թույլ չտանք, որ դա դառնա սովորական երևույթ: Աշխարհի համար դա չի կարող ու չի մնալու սովորական: Աշխարհում կա կոնսեսուս՝ մինուս 1-2, որ, այո՛, Լաչինի միջանցքը պետք է անհապաղ բացվի, միջանցքի բացման պատասխանատուներն են Ադրբեջանը և Ռուսաստանը: Շարունակելու ենք այդ ուղղությամբ աշխատանքները»,- ասաց Սիմոնյանը:
Նա վստահեցրեց, որ դիվանագիտական «ճակատամարտը» Հայաստանը բավականին լավ է մղում:
Աշխարհի համար դա չի կարող ու չի մնալու սովորական. ԱԺ նախագահը՝ Լաչինի միջանցքի փակման մասին
